NTRNeel: ఎన్టీఆర్, ప్రశాంత్ నీల్ మూవీ నుంచి క్రేజీ అప్డేట్, షూటింగ్ ఎప్పటి నుంచి అంటే?
ఎన్టీఆర్, ప్రశాంత్ నీల్ కాంబోలో తెరకెక్కబోతున్న మూవీ గురించి క్రేజీ అప్ డేట్ వచ్చింది. త్వరలో ఈ సినిమా షూటింగ్ ఎన్టీఆర్ లేకుండానే ప్రారంభం కానున్నట్లు తెలుస్తోంది.
NTRNeel Shoot May Start From December: యంగ్ టైగర్ ఎన్టీఆర్ ప్రధాన పాత్రలో తెరకెక్కిన తాజా చిత్రం ‘దేవర‘ రీసెంట్ గా విడుదలై బ్లాక్ బస్టర్ హిట్ అందుకుంది. బాక్సాఫీస్ దగ్గర వసూళ్ల వర్షం కురిపించింది. కొరటాల శివ దర్శకత్వం వహించిన ఈ సినిమాలో బాలీవుడ్ బ్యూటీ జాన్వీ కపూర్ హీరోయిన్ గా నటించగా, సైఫ్ అలీ ఖాన్ నెగెటివ్ పాత్ర పోషించారు. ప్రస్తుతం ‘వార్ 2‘ సినిమా షూటింగ్ లో పాల్గొంటున్న ఆయన, ఆ తర్వాత ప్రశాంత్ నీల్ మూవీలో చేయనున్నారు. త్వరలోనే ఈ సినిమా సెట్స్పైకి వెళ్లనుంది.
ఎన్టీఆర్ లేకుండానే షూటింగ్
‘దేవర‘ షూటింగ్ తర్వాత ఎన్టీఆర్ బాలీవుడ్ మూవీ ‘వార్ 2‘లో పాల్గొంటున్నారు. ఈ సినిమా షూటింగ్ ముంబైలో కొనసాగుతోంది. జనవరి నెలాఖరు వరకు ఈ సినిమా షూటింగ్ కంప్లీట్ కానున్నట్లు తెలుస్తోంది. ఈ సినిమా షూటింగ్ పూర్తి కాగానే ప్రశాంత్ నీల్ మూవీ షూట్ లో జాయిన్ కానున్నారు. ప్రస్తుతం ప్రశాంత్ నీల్ మూవీకి సంబంధించిన ప్రీ ప్రొడక్షన్ పనులు కొనసాగుతున్నాయి. వచ్చే నెలలో హైదరాబాద్లో వేసిన సెట్లో ఈ సినిమా షూటింగ్ ప్రారంభం కానుంది. డిసెంబర్, జనవరిలో ఎన్టీఆర్ లేకుండానే షూటింగ్ కొనసాగనుంది.
ఫిబ్రవరిలో ఎన్టీఆర్ జాయిన్..
ఫిబ్రవరి ఫస్ట్ వీక్ లో ప్రశాంత్ నీల్ సినిమా సెట్స్ లోకి ఎన్టీఆర్ ఎంట్రీ ఇవ్వనున్నాడు. ఇక ఈ ప్రాజెక్ట్ లాంచింగ్ రోజే మూవీ రిలీజ్ డేట్ ప్రకటించి సర్ప్రైజ్ చేశారు ప్రశాంత్ నీల్. సినిమా ప్రారంభం రోజున రిలీజ్ చేసిన పోస్టర్ అందరిలో ఆసక్తిని పెంచింది. ఈ సినిమాకు సంబంధించి ‘డ్రాగన్‘ అనే పేరును ఖరారు చేసినట్లు తెలుస్తోంది. ఇక ఈ సినిమా కథ విషయానికి వస్తే.. 1969 రోజుల్లో కలకత్తా పోర్ట్ గోల్డెన్ ట్రయాంగిల్కి దగ్గరగా ఉండటంతో ఓపియం స్మగ్లింగ్ కి అడ్డాగా ఉండేది. ఆ పోర్టు నుంచే స్మగ్లింగ్ ఎక్కువగా జరిగేది. ఈ సంఘటనలను ఆధారం చేసుకుని ప్రశాంత్ నీల్ తనదైన స్టైల్లో కథను రాసుకున్నారట. చైనా డ్రగ్స్ మాఫీయా కోల్కాత్తాలో యాక్టివ్గా ఉండటం.. ఈ కథలో చైనా ప్రమేయమే ప్రధానంగా ఉండటంతో ఈ సినిమాకు 'డ్రాగన్' అనే టైటిల్ పెట్టినట్లు తెలుస్తోంది. ఈ సినిమాకు ‘KGF‘ టెక్నికల్ టీమ్ పని చేయనుంది. ఎన్టీఆర్ ఆర్ట్స్తో కలిసి మైత్రీ మూవీ మేకర్స్ ఈ హైవోల్టేజ్ యాక్షన్ను నిర్మిస్తోంది. ఈ చిత్రం జనవరి 2026లో ప్రేక్షకుల ముందుకు రానుంది.
సైలెంట్ గా NTR31 మూవీ పూజా కార్యక్రమాలు
ఇక ప్రశాంత్ నీల్, ఎన్టీఆర్ మూవీకి సంబంధించిన పూజా కార్యక్రమాలు రీసెంట్ గా జరిగాయి. సైలెంట్ గా జరిగిన ఈ కార్యక్రమంలో జూనియర్ ఎన్టీఆర్ కుటుంబ సమేతంగా.. ప్రశాంత్ నీల్ సతీసమేతంగా పాల్గొన్నారు. ఈ సినిమాలో 'సప్త సాగరాలు దాటి' మూవీ హీరోయిన్ రుక్మిణి వసంత్ ఫీమేల్ లీడ్ కు ఓకే అయినట్లు తెలుస్తోంది. త్వరలోనే అధికారిక ప్రకటన వచ్చే అవకాశం ఉంది.
Read Also: ‘పుష్ప 2’ ఐటెమ్ సాంగ్ ఫోటో లీక్ - అల్లు అర్జున్ తో శ్రీలీల ఊరమాస్ స్టెప్పులు!
టాప్ హెడ్ లైన్స్
ట్రెండింగ్ వార్తలు
