Vyjayanthi Movies: 'ఆ వ్యక్తితో మాకు ఎలాంటి సంబంధం లేదు' - వైజయంతీ మూవీస్ కీలక ప్రకటన

Vyjayanathi Movies Announcement: ప్రముఖ నిర్మాణ సంస్థ 'వైజయంతీ మూవీస్' ట్విట్టర్ వేదికగా కీలక ప్రకటన చేసింది. తమ సంస్థలో పని చేసే వ్యక్తి అరెస్ట్ అంటూ వస్తోన్న వార్తలను ఖండించింది.

వైజయంతీ మూవీస్ కీలక ప్రకటన

Source : Twitter (X)

Vyjayanthi Movies Key Announcement: తమ సంస్థలో పని చేసే వ్యక్తి అరెస్ట్ అంటూ వస్తోన్న వార్తలపై ప్రముఖ నిర్మాణ సంస్థ 'వైజయంతీ మూవీస్' (Vyjayanthi Movies) కీలక ప్రకటన చేసింది. ఆన్‌లైన్‌లో క్రికెట్ బెట్టింగ్‌కు పాల్పడి అరెస్టైన నీలేశ్ చోప్రా అనే వ్యక్తితో తమకు ఎలాంటి సంబంధం లేదని స్పష్టం చేసింది. ఈ మేరకు ట్విట్టర్ వేదికగా పోస్ట్ చేసింది. నిజానిజాలు తెలుసుకుని కథనాలు ప్రచురించాలని కోరింది. 'ఆన్ లైన్ బెట్టింగ్‌కు పాల్పడుతోన్న నీలేశ్ చోప్రా అనే వ్యక్తిని ఎస్ఆర్ నగర్ పోలీసులు అరెస్ట్ చేసిన విషయం మా దృష్టికి వచ్చింది. అతను ఎప్పుడూ వైజయంతీ మూవీస్ కార్యాలయంలో పని చేయలేదు.

It has come to our notice that a person named Nilesh Chopra had been arrested by SR Nagar Police for online gambling.

THE SAID INDIVIDUAL HAS NEVER WORKED WITH US AT VYJAYANTHI MOVIES OFFICE AND WE ARE UNAWARE OF ANY ASSOCIATION WITH HIM IN ANY OTHER FORM.

We have formally…

— Vyjayanthi Movies (@VyjayanthiFilms) February 6, 2025

మా సంస్థతో సదరు వ్యక్తికి ఎలాంటి సంబంధం లేదు. ఈ మేరకు పోలీస్ అధికారులతో సైతం మేము చర్చించాం. ఏదైనా విషయాన్ని ప్రచురించే ముందు నిజానిజాలు తెలుసుకోవాల్సిందిగా మేము మీడియాను కోరుతున్నాం.' అని ట్విట్టర్ వేదికగా పోస్ట్ చేసింది. కాగా, ఆ సంస్థకు చెందిన ఉద్యోగి ఆన్ లైన్ బెట్టింగులకు పాల్పడుతూ అరెస్ట్ అయ్యారంటూ వార్తలు వచ్చాయి. దీనిపై సంస్థ తాజాగా క్లారిటీ ఇచ్చింది.