Communities vs Groups: వాట్సాప్ గ్రూప్, కమ్యూనిటీకి మధ్య తేడా ఏంటి? దేన్ని ఎందుకు ఉపయోగిస్తారో తెలుసా?

ప్రపంచంలో ఎక్కువ మంది ఉపయోగించే టాప్ 10 యాప్స్ లో వాట్సాప్ ఒకటి. ఆఫీస్ పనులైన వ్యక్తిగత పనులైనా వాట్సాప్ నుంచే చక్కబెట్టుకునే పరిస్థితి నెలకొంది. చాలా మంది వాట్సాప్ గ్రూపులు, కమ్యూనిటీలను ఉపయోగిస్తారు. వాట్సాప్ కొద్ది కాలం కిందటే కమ్యూనిటీస్ పేరుతో కొత్త ఫీచర్‌ను పరిచయం చేసింది. ఈ ఫీచర్ తో యూజర్లు 20 గ్రూపులను ఒకే గొడుగు కిందికి తీసుకొచ్చే అవకాశం ఉంది. ఆఫీసులో గానీ, ఫ్యామిలీలో గానీ గ్రూపులు ఏర్పాటు చేసుకుంటారు. అలాంటి వాటన్నింటిని ఒకే చోటుకు చేర్చి కమ్యూనిటీగా ఏర్పాటు చేసుకోవచ్చు. ఈ ఫీచర్ విడుదలైన తర్వాత చాలా మంది యూజర్లకు గ్రూప్, కమ్యూనిటీ మధ్య తేడా ఏంటో తెలుసుకునే ప్రయత్నం చేస్తున్నారు. ఇంతకీ ఈ రెండింటి మధ్య ఉన్న తేడా ఏంటో ఇప్పుడు తెలుసుకుందాం..

వాట్సాప్ గ్రూప్ అంటే?

స్నేహితులు, ఫ్యామిలీ మెంబర్స్, తోటి ఉద్యోగులు కలిసి తమ అభిప్రాయాలను పంచుకునేందుకు గ్రూప్ ఏర్పాటు చేసుకోవచ్చు. ఒకే సారి తాము చెప్పాలనుకున్న విషయం గ్రూపులోని అందరికీ చేరుతుంది. ఒక్కొక్కరికి ప్రత్యేకంగా చెప్పాల్సిన అవసరం లేకుండా, అందరికీ ఒకేసారి చెప్పే వీలుంటుంది. ఒక్కో గ్రూపులో 1,024 మంది సభ్యులను చేర్చే అవకాశం ఉంటుంది. గ్రూపులో చాట్ కు  ఎండ్ టు ఎండ్ ఎన్క్రిప్షన్ సెక్యూరిటీ సైతం ఉంటుంది. ఇన్వైట్ లింక్, క్యూఆర్ కోడ్ స్కాన్, లేదంటే అడ్మిన్ పర్మిషన్ తో గ్రూపులో మెంబర్ గా చేరే అవకాశం ఉంటుంది.

Welcome to Communities 👋

Now admins can bring related groups together in one place to keep conversations organized.

Organized. Private. Connected 🤝 pic.twitter.com/u7ZSmrs7Ys

— WhatsApp (@WhatsApp) November 3, 2022

వాట్సాప్ కమ్యూనిటీస్ ప్రత్యేక ఎంటి?

బంధు మిత్రులు, కాలేజీ, ఆఫీస్ మిత్రులంతా కలిసి గ్రూపులుగా ఏర్పాటు చేసుకుంటారు. వాటిలో ఏదైనా సమాచారం పంచుకోవాలంటే ప్రతి గ్రూపును సెలక్ట్ చేసి పంపాల్సి ఉంటుంది. అలా కాకుండా ఒకేసారి పలు గ్రూపులకు మెసేజ్ పంపించాలనే ఉద్దేశంతో కమ్యూనిటీలను పరిచయం చేసింది వాట్సాప్. 20 గ్రూపులను కలిపి ఒక కమ్యూనిటీగా ఏర్పాటు చేసే అవకాశం ఉంటుంది. ఈ కమ్యూనిటీ అడ్మిన్ ఏదైనా విషయాన్ని షేర్ చేస్తే 20 గ్రూపుల్లోని సభ్యులందరికీ తెలుస్తుంది. ఈ ఫీచర్ మూలంగా ఒకేసారి ఎక్కువ మందికి సమాచారాన్ని సులువుగా షేర్ చేసే అవకాశం ఉంటుంది. గ్రూప్స్ మాదిరిగానే కమ్యూనిటీస్ లోనూ ఎండ్ టు ఎండ్ ఎన్క్రిప్షన్ సెక్యూరిటీ ఉంటుంది. ఒక గ్రూప్ లోని సభ్యులు మరొక గ్రూప్ సభ్యులతో మాట్లాడాలా? వద్దా? అనేది కూడా కమ్యూనిటీస్ అడ్మిన్ నిర్ణయంపై ఆధారపడి ఉంటుంది.

The difference between Communities and groups, explained 👇 pic.twitter.com/86MbKtY9Nv

— WhatsApp (@WhatsApp) November 10, 2022

WhatsApp కమ్యూనిటీని ఎలా రూపొందించాలి?   

1. WhatsAppలో చాట్‌ల జాబితా పైన ఉన్న మెనూని ఎంచుకోండి. కొత్త చాట్ ఐకాప్ పై క్లిక్ చేయండి.

2. కమ్యూనిటీ పేరు, వివరణ రాయాలి. ప్రొఫైల్ ఫోటో సెట్ చేయాలి. కమ్యూనిటీ పేరు  24 అక్షరాలకు మించి ఉండకూడదు.  మీ కమ్యూనిటీ దేనికి సంబంధించినదో వివరణలో చెప్పాలి.   

3. కొత్త కమ్యూనిటీ తయారు చేయడానికి లేదంటే ఇప్పటికే ఉన్నదాన్ని జోడించడానికి, గ్రీన్ యారో చిహ్నాన్ని క్లిక్ చేయాలి.

4. ఇక మీ కమ్యూనిటీకి గ్రూపులను యాడ్ చేసుకోవచ్చు. ఇప్పటికే ఉన్న గ్రూప్ ను జోడించుకోవచ్చు. లేదంటే కొత్త గ్రూప్ ను సృష్టించుకోవచ్చు.    

5. మీరు మీ గ్రూపులను యాడ్ చేయడం పూర్తి చేసిన తర్వాత గ్రీన్ చెక్ మార్క్ ను క్లిక్ చేయండి. కమ్యూనిటీ క్రియేట్ అవుతుంది.

Read Also: మీ స్మార్ట్ ఫోన్ తోనూ హిడెన్ కెమెరాలను పట్టుకోవచ్చు, ఎలాగో తెలుసా?