Samantha Vs Akkineni: సమంత వర్సెస్ అక్కినేని అఖిల్ - బాక్సాఫీస్ దగ్గర పోటీ తప్పదా?

ఆగస్టులో బాక్సాఫీస్ దగ్గర ఆసక్తికరమైన పరిణామం చోటు చేసుకోనుంది. అక్కినేని హీరో అఖిల్ సినిమా, సమంత సినిమా ఒకే రోజు విడుదల కానున్నాయి.

అఖిల్, సమంత

అక్కినేని హీరోతో సమంత పోటీనా? లేదంటే... అక్కినేని హీరో సినిమాతో పాటు తన సినిమాను విడుదల చేస్తుందా? 'యశోద' విడుదల తేదీతో ఒక్కసారిగా కొత్త చర్చ తెరపైకి వచ్చింది. ఎందుకంటే... ఆ సినిమా విడుదల రోజున అక్కినేని అఖిల్ 'ఏజెంట్' కూడా విడుదల కానుంది.

'యశోద' ప్రేక్షకుల ముందుకు వచ్చేది ఎప్పుడు? ఆగస్టు 12న! మంగళవారం విడుదల తేదీ ప్రకటించారు. విడుదలకు ఇంకా చాలా సమయం ఉంది. ఐదు నెలలు ఉంది కాబట్టి... అప్పటి పరిస్థితులను బట్టి విడుదల తేదీలు మారవచ్చు. అయితే... ఆల్రెడీ ఆగస్టు 12న తన సినిమాను విడుదల చేయనున్నట్టు అక్కినేని అఖిల్ ప్రకటించారు. సురేందర్ రెడ్డి దర్శకత్వంలో ఆయన హీరోగా నటిస్తున్న 'ఏజెంట్' సినిమాను ఆ రోజు విడుదల చేయాలని అనుకుంటున్నట్లు తెలిపారు.

'యశోద', 'ఏజెంట్'... ప్రస్తుతానికి రెండు సినిమాల విడుదల తేదీలు ఒక్కటే! కొంత మంది రెండు సమంత, అక్కినేని ఫ్యామిలీ హీరో మధ్య పోటీగా చూస్తుంటే... మరి కొంత మంది రెండు సినిమాలు ఒకే రోజు వస్తున్నాయని సానుకూల దృక్పథంతో చూస్తున్నారు. అక్కినేని నాగ చైతన్యతో విడాకుల తర్వాత ఈ క్లాష్ రావడంతో ఈ ఊహాగానాలు వస్తున్నాయి. లేదంటే ఇంత చర్చ ఉండేది కాదేమో! 

నాగ చైతన్య 'శైలజా రెడ్డి అల్లుడు', సమంత 'యు టర్న్' ఒక రోజే విడుదల అయ్యాయి. 2018లో సెప్టెంబర్ 13న ఆ రెండు సినిమాలు ప్రేక్షకుల ముందుకు వచ్చాయి. అప్పుడు వాళ్ళిద్దరూ భార్యాభర్తలు. కానీ, ఇప్పుడు కాదు! సో... పోటీ అనే మాట వస్తోంది.  

ఇక్కడ గమనించాల్సిన అంశం ఏంటంటే... సమంత 'యశోద' లేడీ ఓరియెంటెడ్ యాక్షన్ థ్రిల్లర్. పాన్ ఇండియా మార్కెట్ టార్గెట్ చేస్తూ రిలీజ్ చేస్తున్న సినిమా. 'ఏజెంట్' సినిమాను కూడా పాన్ ఇండియా రిలీజ్ చేయడానికి ప్లాన్ చేస్తున్నారు.

 

 

 

 

 

Δείτε αυτή τη δημοσίευση στο Instagram.

 

 

 

 

 

 

 

 

 

 

 

Η δημοσίευση κοινοποιήθηκε από το χρήστη Samantha (@samantharuthprabhuoffl)