Robinhood Release Date: థియేటర్లలోకి సమ్మర్ సీజన్ స్టార్టింగ్‌లోనే 'రాబిన్‌హుడ్' - నితిన్ సినిమా రిలీజ్ డేట్ ఫిక్స్

Nithiin Robinhood Release Update: నితిన్ హీరోగా వెంకీ కుడుముల దర్శకత్వం వహించిన 'రాబిన్ హుడ్' రిలీజ్ డేట్ అనౌన్స్ చేశారు. సమ్మర్ సీజన్ ప్రారంభంలో సినిమా ప్రేక్షకుల ముందుకు రానుంది.

'రాబిన్ హుడ్'లో శ్రీలీల, నితిన్

Source : https://x.com/MythriOfficial

హీరో నితిన్ (Nithiin) దర్శకుడు వెంకీ కుడుమల (Venky Kudumula)ది బ్లాక్ బస్టర్ కాంబినేషన్. వీళ్ళిద్దరూ ఇంతకు ముందు చేసిన 'భీష్మ' తెలుగు ప్రేక్షకులను నవ్వించడంతో పాటు భారీ వసూళ్లు అందుకుంది‌. ఆ విజయం తర్వాత నితిన్, వెంకీ కుడుముల కలిసి చేసిన తాజా సినిమా 'రాబిన్ హుడ్' (Robinhood Movie). తొలుత క్రిస్మస్ సీజన్ సందర్భంగా డిసెంబర్ నెలలో విడుదల చేయాలని ప్లాన్ చేశారు.‌ అయితే వాయిదా పడిన సంగతి తెలిసిందే. ఇప్పుడు కొత్త విడుదల తేదీ ప్రకటించారు. 

మార్చి నెలాఖరులో నితిన్ సినిమా విడుదల!
Robinhood Movie New Release Date: సమ్మర్ సీజన్ స్టార్టింగ్... స్కూళ్లు, కాలేజీలకు సెలవులు‌ ఇచ్చే టైంలో నితిన్ సినిమా థియేటర్లలోకి రానుంది. మార్చి 28న ప్రపంచ వ్యాప్తంగా 'రాబిన్ హుడ్' సినిమాను విడుదల చేయనున్నట్లు ప్రొడక్షన్ హౌస్ మైత్రి మూవీ మేకర్స్ అనౌన్స్ చేసింది. క్రిస్మస్ సీజన్ నుంచి రాబిన్ హుడ్ విడుదల వాయిదా పడిన తర్వాత సంక్రాంతికి విడుదల అయ్యే అవకాశాలు ఉన్నాయని ఫిలిం నగర్ వర్గాలలో వినబడింది. అయితే చివరకు ఈ సినిమా మార్చి నెలాఖరుకు వెళ్ళింది. 

This summer, buckle up for the ADVENTUROUS ENTERTAINER that is going to erupt on the big screens 💥💥#Robinhood IN CINEMAS WORLDWIDE ON MARCH 28th ❤‍🔥@actor_nithiin @sreeleela14 @VenkyKudumula @gvprakash @MythriOfficial @SonyMusicSouth pic.twitter.com/cSqvZFTGFV

— Mythri Movie Makers (@MythriOfficial) January 18, 2025

నితిన్ సరసన శ్రీ లీల..‌. ఈసారి హిట్టు కొట్టేలా!
'రాబిన్ హుడ్' సినిమాలో నితిన్ జంటగా తెలుగు అమ్మాయి, లేటెస్ట్ యూత్ క్రష్ శ్రీ లీల (Sreeleela) నటించారు. వీళ్ళిద్దరూ ఇంతకు ముందు వక్కంతం వంశీ దర్శకత్వం వహించిన 'ఎక్స్ట్రార్డినరీ మ్యాన్' సినిమాలో నటించారు. అయితే ఆ సినిమా ఆశించిన విజయం సాధించలేదు. ఈసారి మాత్రం ఈ జోడి హిట్ కొట్టేలా కనబడుతోంది.

నితిన్, శ్రీ లీల జంటగా నటించిన 'రాబిన్ హుడ్' సినిమాలో నటకిరీటి డాక్టర్ రాజేంద్ర ప్రసాద్, 'వెన్నెల' కిషోర్ తదితరులు ఇతర కీలక పాత్రలలో సందడి చేయనున్నారు. వెంకీ కుడుముల దర్శకత్వంలో మైత్రి మూవీ మేకర్స్ పతాకం మీద నవీన్‌ ఎర్నేని, ‌వై రవిశంకర్ ప్రొడ్యూస్ చేసిన చిత్రమిది. ఈ చిత్రానికి జీవి ప్రకాష్ కుమార్ సంగీతం అందించారు. సాయి శ్రీరామ్ ఛాయాగ్రహణ బాధ్యతలు నిర్వర్తించగా... రామ్ - లక్ష్మణ్, రవి వర్మ, విక్రమ్ మోర్ యాక్షన్ సీక్రెన్సులు కంపోజ్ చేశారు.