Ghiblify: ChatGPT మాయ.. AI ఇమేజెస్ను ఇప్పుడు ఫ్రీగా చేసుకోవచ్చు
ChatGPT ఫ్రీ-టైర్ వినియోగదారులకు శుభవార్త. ఇప్పటివరకు సబ్‌స్క్రిప్షన్ ద్వారా జనరేట్ చేసుకునే AI ఇమేజెస్ను ఇప్పుడు ఫ్రీగా చేసుకునే వెసులుబాటు కల్పించింది.
ChatGPT ఫ్రీ-టైర్ వినియోగదారులకు శుభవార్త. ఇప్పటివరకు సబ్‌స్క్రిప్షన్ ద్వారా జనరేట్ చేసుకునే AI ఇమేజెస్ను ఇప్పుడు ఫ్రీగా చేసుకునే వెసులుబాటు కల్పించింది. AI ఇమేజ్ జనరేషన్ ఫీచర్‌ను మొదట తమ సబ్‌స్క్రైబర్‌లకు మాత్రమే అందించిన సంస్థ.. ఇప్పుడు ఫ్రీ టైర్ వినియోగదారులకు కూడా అందిస్తోంది. అయితే ఒక్క కండీషన్ పెట్టింది. భారీ డిమాండ్ నేపథ్యంలో ఉచిత వినియోగదారులు రోజులు కేవలం మూడు ఇమేజ్లు మాత్రమే జనరేట్ చేసుకునే పరిమితిని విధించింది.
అయితే దీనిపై OpenAI ఇంకా అధికారిక ప్రకటన చేయనప్పటికీ.. పలు ఫ్రీ ChatGPT ఖాతాల్లో గిబ్లి శైలి ఫొటోలు సక్సెస్ఫుల్గా రూపొందుతున్నాయి. మార్చి 26న ప్రపంచవ్యాప్తంగా ఉన్న ప్లస్, ప్రో, టీమ్ యూజర్లకు OpenAI ఈ ఫీచర్‌ను అందుబాటులోకి తెచ్చింది.
ఆ తర్వాత సోషల్ మీడియా స్టూడియో గిబ్లి క్లాసిక్ యానిమేటెడ్ చిత్రాల సిగ్నేచర్ను అనుకరిస్తూ అద్భుతమైన AI-జనరేటెడ్ ఫొటోలను రూపొందించింది. ప్రస్తుతం వినియోగదారులు తమ రియల్ లైఫ్ ఫొటోలను ఏఐ సాయంతో గిబ్లిఫై చేసుకొని వాటిని చూసి మురిసిపోతున్నారు.
ఇప్పటి వరకు, ఫ్రీ-టైర్ వినియోగదారులు ఇలాంటి కళాకృతులను సృష్టించడానికి xAI గ్రోక్ లేదా గూగుల్ జెమిని వంటి ప్రత్యామ్నాయ AI సాధనాలపై ఆధారపడేవారు. అయితే వీటి నాణ్యత OpenAI అధునాతన మోడల్ కంటే తక్కువగా ఉంటుంది. OpenAI మరింత వివరణాత్మక, ఎక్స్ప్రెసివ్ ఫొటోలను అందిస్తుండడంతో ఔత్సాహికులు దీనిపై మొగ్గు చూపుతున్నారు. ఈ ఫీచర్ ఇప్పుడు క్రమంగా ఉచిత వినియోగదారులకు అందుబాటులోకి వచ్చింది. పరిమితులు ఉన్నప్పటికీ.. ఎక్కువ మంది AI-జనరేటెడ్ ఆర్ట్‌తో ప్రయోగాలు చేయడానికి వీలుగా అవకాశం కల్పిస్తోంది.
ChatGPTలో ఘిబ్లి-స్టైల్ AI చిత్రాలను ఇలా క్రియేట్ చేసుకోండి..
* ChatGPT వెబ్‌సైట్‌ లేదా యాప్‌ను ఓపెన్ చేయండి
* మీ ఫొటోను అప్‌లోడ్ చేసేందుకు కింద లెఫ్ట్ సైడ్లో ఉన్న ‘+’ గుర్తుపై క్లిక్ చేయండి.
* ‘Ghiblify this’ లేదా ‘Turn this image into a Studio Ghibli theme’ లాంటి ప్రాంప్ట్‌ను టైప్ చేయండి.
* అంటే ChatGPT మీ యానిమేటెడ్ ప్రేరేపిత చిత్రాన్ని రూపొందిస్తుంది. దాన్ని మీరు డౌన్‌లోడ్ చేసుకోవచ్చు.
టాప్ హెడ్ లైన్స్
ట్రెండింగ్ వార్తలు
