Pakistan Out of T20 World Cup 2026 | టీ20 వరల్డ్ కప్ నుంచి పాకిస్థాన్ అవుట్

టీ20 ప్రపంచకప్ 2026లో ( T20 World Cup 2026 ) పాకిస్థాన్ అధికారికంగా టోర్నీ నుంచి నిష్క్రమించింది. శ్రీలంకతో జరిగిన సూపర్‌-8 మ్యాచ్‌లో 5 పరుగుల తేడాతో విజయం సాధించినప్పటికీ, దారుణమైన రన్ రేట్ కారణంగా పాక్ ఇంటిదారి పట్టింది. లంక ఓడిపోయినా, పాక్‌ను కూడా తనతో పాటు రేసు నుంచి తప్పించింది.

ముందుగా బ్యాటింగ్ చేసిన పాకిస్థాన్ కు ఓపెనర్లు సువర్ స్టార్ట్ ఇచ్చారు. సాహిబ్‌జాదా ఫర్హాన్ ( Sahibzada Farhan ), ఫఖర్ జమాన్ ( Fakhar Zaman ) వీరవిహారం చేశారు. వీరిద్దరూ కలిసి ప్రపంచ రికార్డు స్థాయిలో 176 పరుగుల ఓపెనింగ్ భాగస్వామ్యాన్ని నెలకొల్పారు. 20 ఓవర్లలో పాక్ 212 పరుగుల భారీ స్కోరు సాధించింది. అయితే, సెమీస్‌కు వెళ్లాలంటే పాక్ శ్రీలంకను 147 పరుగుల లోపే కట్టడి చేయాల్సి ఉంది. అంటే కనీసం 67 పరుగుల తేడాతో గెలవాలి.

కానీ, లంక కెప్టెన్ దాసున్ షనక సువర్ ఇన్నింగ్స్ ఆడాడు. లంక 148వ పరుగు పూర్తి చేయగానే పాక్ సెమీస్ ఆశలు ఆవిరయ్యాయి. చివరి ఓవర్లో 28 పరుగులు కావాల్సిన దశలో షనక మూడు సిక్సర్లు, ఒక ఫోర్ కొట్టి పాక్ గుండెల్లో రైళ్లు పరిగెత్తించాడు. చివరికి షాహిన్ ఆఫ్రిది రెండు డాట్ బాల్స్ వేయడంతో పాక్ 5 రన్స్ తేడాతో గెలిచింది కానీ, టోర్నీ నుంచి నిష్క్రమించింది.