![ABP Premium](https://cdn.abplive.com/imagebank/Premium-ad-Icon.png)
Gauri Vrat 2022 Puja Vidhi: శ్రావణమాసంలోనే కాదు ఆషాడ మాసంలోనూ ఆ ఐదు రోజులూ గౌరీ పూజ చేస్తారు
జూన్ 30న ప్రారంభమైన ఆషాడం జులై 28 వరకు ఉంటుంది. సాధారణంగా ఆషాడాన్ని శూన్య మాసం అంటారు. అందుకే ఎలాంటి శుభకార్యాలు తలపెట్టరు. కానీ ఈ నెలలో ఎన్నో పండుగలు, వ్రతాలున్నాయి. గౌరీ వ్రతం కూడా ఈ నెలలోనే....
![Gauri Vrat 2022 Puja Vidhi: శ్రావణమాసంలోనే కాదు ఆషాడ మాసంలోనూ ఆ ఐదు రోజులూ గౌరీ పూజ చేస్తారు Gauri Vrat 2022 start and end dates and Puja Vidhi, know in details Gauri Vrat 2022 Puja Vidhi: శ్రావణమాసంలోనే కాదు ఆషాడ మాసంలోనూ ఆ ఐదు రోజులూ గౌరీ పూజ చేస్తారు](https://feeds.abplive.com/onecms/images/uploaded-images/2022/07/07/70c600ad1d2a8729b28b550343c6be9f1657196761_original.jpg?impolicy=abp_cdn&imwidth=1200&height=675)
జూలై 9 గౌరీ వ్రతం ప్రారంభం
గౌరీ వ్రతం అనేది పార్వతీ దేవికి అంకితం చేసిన ఉపవాస వ్రతం. ఆషాడ మాసంలో గౌరీవ్రతాన్ని ఐదు రోజుల పాటూ నిర్వహిస్తారు. మంచి భర్త రావాలంటూ ఆడపిల్లలు అమ్మవారికి ప్రత్యేక పూజలు చేస్తారు. ఈ ఉత్సవాలు ఆషాఢ ఏకాదశి తిథి రాగానే ప్రారంభమై ఆషాడ పూర్ణిమతో ముగుస్తాయి. అంటే ఏకాదశి, ద్వాదశి, త్రయోదశి, చతుర్థశి, పౌర్ణమి..ఈ ఐదు రోజులు వ్రతం సాగుతుంది. గౌరీ వ్రతాన్ని అమ్మాయిలు మాత్రమే కాదు వివాహిత స్త్రీలు కూడా చేసుకోవచ్చు.
ఈ ఏడాది ఏకాదశి తిథి - జులై 09, 2022 సాయంత్రం 04:39 గంటల నుంచి జులై 10, 2022 మధ్యాహ్నం 02:13 గంటల వరకు
గౌరీ వ్రతాన్ని గుజరాత్ రాష్ట్రంలో ఘనంగా జరుపుకుంటారు. జులై 9న ప్రారంభమయ్యే గౌరీ వ్రతం జులై 13న ముగుస్తుంది.
Also Read: పుట్టింట్లో అవమానాన్ని భరించలేక అగ్నిలో దూకిన పార్వతి, పరమేశ్వరుడు ఏం చేశాడంటే
గౌరీ వ్రతాన్ని ఎందుకు ఆచరించాలి
అనుకూలమైన జీవిత భాగస్వామిని ఇమ్మని అమ్మను కోరుతూ అవివాహిత స్త్రీలు ఈ వ్రతాన్ని ఆచరిస్తారు. పార్వతీ దేవి శివుడిని పెళ్లిచేసుకునేందుకు తీవ్రమైన తపస్సు చేసింది. అందుకే పార్వతీదేవిని తలుచుకుంటూ గౌరీ వ్రతం చేసిన ఆడపిల్లలకు అర్థనారీశ్వరుడి లాంటి భర్త లభిస్తాడని విశ్వాసం.
గౌరీ వ్రతం ఎలా జరుపుకోవాలి
వ్రతం ఆచరణ ఐదు రోజులే అయినప్పటికీ కొందరు మహిళలు 7 నుంచి 9 రోజుల పాటూ నిత్యం ఉపవాసం ఉంటారు. గోధుమలు, పాలు, ఆవునెయ్యితో తయారు చేసిన ప్రసాదం స్వీకరిస్తారు. వ్రతం చేసేవారు మొదటి రోజు మట్టికుండలో గోధుమ గింజలు విత్తుతారు. వ్రతం చివరి రోజు రాత్రంతా జాగరణ చేసి అమ్మవారి సేవలో తరిస్తారు. వ్రతం ఆచరించిన అన్ని రోజులూ గోధుమ గింజలకు నీళ్లు పోస్తారు. వ్రతం పూర్తయ్యేసరికి అవి మొలకెత్తుతాయి. అప్పుడు తమ ఉపవాశాన్ని విరమిస్తారు.
Also Read: అమ్మవారి శరీరంలో 18 భాగాలు పడిన ప్రదేశాలివే, ఒక్కటి దర్శించుకున్నా పుణ్యమే
అర్థనారీశ్వర అష్టకం (ఉపమన్యు కృతం) ardhanareeswara ashtakam
అంభోధరశ్యామలకున్తలాయై
తటిత్ప్రభాతామ్రజటాధరాయ ।
నిరీశ్వరాయై నిఖిలేశ్వరాయ
నమః శివాయై చ నమః శివాయ ॥
ప్రదీప్తరత్నోజ్వలకుణ్డలాయై
స్ఫురన్మహాపన్నగభూషణాయ ।
శివప్రియాయై చ శివప్రియాయ
నమః శివాయై చ నమః శివాయ ॥
మన్దారమాలాకలితాలకాయై
కపాలమాలాఙ్కితకన్ధరాయై ।
దివ్యామ్బరాయై చ దిగమ్బరాయ
నమః శివాయై చ నమః శివాయ ॥
కస్తూరికాకుఙ్కుమలేపనాయై
శ్మశానభస్మాత్తవిలేపనాయ ।
కృతస్మరాయై వికృతస్మరాయ
నమః శివాయై చ నమః శివాయ ॥
పాదారవిన్దార్పితహంసకాయై
పాదాబ్జరాజత్ఫణినూపురాయ ।
కలామయాయై వికలామయాయ
నమః శివాయై చ నమః శివాయ ॥
ప్రపఞ్చసృష్ట్యున్ముఖలాస్యకాయై
సమస్తసంహారకతాణ్డవాయ ।
సమేక్షణాయై విషమేక్షణాయ
నమః శివాయై చ నమః శివాయ ॥
ప్రఫుల్లనీలోత్పలలోచనాయై
వికాసపఙ్కేరుహలోచనాయ ।
జగజ్జనన్యై జగదేకపిత్రే
నమః శివాయై చ నమః శివాయ ॥
అన్తర్బహిశ్చోర్ధ్వమధశ్చ మధ్యే
పురశ్చ పశ్చాచ్చ విదిక్షు దిక్షు ।
సర్వం గతాయై సకలం గతాయ
నమః శివాయై చ నమః శివాయ ॥
అర్ధనారీశ్వరస్తోత్రం ఉపమన్యుకృతం త్విదమ్ ।
యః పఠేచ్ఛృణుయాద్వాపి శివలోకే మహీయతే ॥
॥ ఇతి ఉపమన్యుకృతం అర్ధనారీశ్వరాష్టకమ్ ॥
Also Read: ఏడు జన్మలకు గుర్తుగా ఏడు ద్వారాలు, అజ్ఞానాన్ని పోగొట్టి ముక్తిని ప్రదర్శించే శక్తి స్వరూపం
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)