Maruti E Vitara: 500 km రేంజ్, 7 ఎయిర్బ్యాగులు, పవర్ఫుల్ ఫీచర్లు - మారుతి మొదటి e-SUV లాంచింగ్కు రెడీ
Maruti Suzuki First EV SUV: మారుతి సుజుకి ఇ-విటారా ఎలక్ట్రిక్ SUVగా భారత మార్కెట్లోకి ప్రవేశించడానికి సిద్ధంగా ఉంది. ఈ కార్ను ఆధునిక ఫీచర్లతో డిజైన్ చేశారు.
Maruti E Vitara Launching Soon: భారతీయుల అభిమాన కార్ల తయారీ కంపెనీ మారుతి సుజుకి, తన మొట్టమొదటి ఆల్ ఎలక్ట్రిక్ SUV "ఇ-విటారా"ను ఈ నెలలోనే (ఏప్రిల్ 2025) భారతీయ మార్కెట్లో విడుదల చేయవచ్చు. ఈ ఎలక్ట్రిక్ SUVని ఇటీవల ఆటో ఎక్స్పో 2025లో ప్రదర్శనకు పెట్టింది. ఈ సరికొత్త ఎలక్ట్రిక్ SUV (Sport Utility Vehicle), స్పోర్ట్స్ కార్ ప్రియులను అమితంగా ఆకర్షించింది.
మారుతి సుజుకి బ్రాండ్ నుంచి వస్తున్న ఈ EV, కంపెనీ హార్టెక్ట్ ఇ-ప్లాట్ఫామ్పై ఆధారపడి పని చేస్తుంది. చాలా ఆధునిక సాంకేతికతలు & భద్రత లక్షణాలతో ఈ కార్ను డిజైన్ చేశారు. శక్తిమంతమైన బ్యాటరీ ప్యాక్ & లాంగ్ రేంజ్ కారణంగా ఇది భారతీయ యూజర్లకు గొప్ప ఆప్షన్ కావచ్చు.
పవర్ఫుల్ బ్యాటరీ & లాంగ్ రేంజ్ (E-Vitara Battery & Range)
మారుతి సుజుకీ ఇ-విటారా (Maruti Suzuki e Vitara)లో రెండు బ్యాటరీ ప్యాక్ ఆప్షన్స్ ఉంటాయి. మొదటి బ్యాటరీ ఆప్షన్తో ఇది 141 bhp పవర్ను ఉత్పత్తి చేస్తుంది & 500 కిలోమీటర్ల వరకు రేంజ్ ఇస్తుంది. రెండో బ్యాటరీ ఆప్షన్తో ఈ e-SUV 171 bhp శక్తిని ఉత్పత్తి చేస్తుంది & ఒక్కసారి ఛార్జ్ చేస్తే దాదాపు 500 కి.మీ.ల పరిధిని అందిస్తుంది. రెండు బ్యాటరీ వేరియంట్లు 189 Nm గరిష్ట టార్క్ను జనరేట్ చేస్తాయి.
ఎక్స్టీరియర్ లుక్ (E-Vitara Exterior Look)
ఇ-విటారా ఎలక్ట్రిక్ SUV ని వివిధ రకాల LED డేటైమ్ రన్నింగ్ లైట్స్తో (DRLs) అలంకరించారు, అవి కార్ లుక్ను స్టైలిష్గా మార్చాయి. ముందు భాగంలో ఖాళీలతో కూడిన గ్రిల్ ఉంది, దానిపై మారుతి పెద్ద లోగో ఉంటుంది. ఈ కారు 10 విభిన్న రంగుల్లో అందుబాటులో ఉంటుంది. కాబట్టి, కస్టమర్లు తమకు నచ్చిన రంగును ఎంచుకునేందుకు ఎక్కువ కలర్ ఆప్షన్స్ ఉన్నాయి.
ఇంటీరియర్ లుక్ & కంఫర్ట్ (E-Vitara Interior Look & Comfort)
మారుతి ఇ-విటారా ఎలక్ట్రిక్ SUV లోపలి భాగంలోకి వస్తే, విలాసవంతంగా కనిపిస్తుంది & సౌకర్యవంతంగా ఉంటుంది. దీనిలో 4 డ్యూయల్-టోన్ ఇంటీరియర్ ఆప్షన్స్ ఉన్నాయి. కార్ క్యాబిన్ ప్రీమియం కార్లతో పోటీ పడుతుంది, లుక్ సూపర్గా కనిపిస్తోంది. ఈ కారులో స్ప్లిట్-ఫోల్డింగ్ సీట్లు ఉన్నాయి, అవసరమైనప్పుడు వీటిని మడతపెట్టి ఎక్కువ లగేజీ స్పేస్ పొందవచ్చు. అంతేకాదు, ఇ-విటారాలో డ్యూయల్ స్క్రీన్ డిస్ప్లే ఉంది, కొత్త ఆపరేటింగ్ సిస్టమ్తో ఇది పని చేస్తుంది.
భద్రత & ఆధునిక ఫీచర్లు (E-Vitara Safety & Features)
ఈ ఎలక్ట్రిక్ SUVలో ADAS లెవెల్ 2 టెక్నాలజీ వల్ల కారును మరింత సురక్షితంగా & అధునాతనంగా మారింది. దీనికి అడాప్టివ్ క్రూయిజ్ కంట్రోల్ ఉంది, ఇది వేగాన్ని ఆటోమేటిక్గా నియంత్రిస్తుంది. లేన్ కీప్ అసిస్ట్ ఫీచర్ కారును సరైన లైన్లో నడిపిస్తుంది. ఇంకా, ప్యాసింజర్ల భద్రత కోసం ఈ కారులో అన్ని వైపులా ఎయిర్బ్యాగ్లు ఉన్నాయి, మొత్తం 7 ఎయిర్బ్యాగ్లను అమర్చారు. ఇ-విటారా వేరియంట్లలో 7 ఎయిర్బ్యాగ్లు ఉంటాయి.
వేరియంట్లు & ధర (E-Vitara Variants & Price)
మారుతి ఇ-విటారా డెల్టా, జీటా, ఆల్ఫా అనే మూడు వేర్వేరు వేరియంట్లలో విడుదలకు సిద్ధమైంది. ఈ ఎలక్ట్రిక్ SUV అంచనా ధర రూ. 20 లక్షల (ఎక్స్-షోరూమ్) నుంచి రూ. 25 లక్షల (ఎక్స్-షోరూమ్) మధ్య ఉండవచ్చు.
టాప్ హెడ్ లైన్స్
ట్రెండింగ్ వార్తలు
