Axar patel Catches vs Eng T20 World Cup 2026 | కళ్లు చెదిరే క్యాచ్ లతో దుమ్మురేపిన బాపు | ABP Desam

 టీమిండియా డ్రెస్సింగ్ రూంలో బాపు అని అందరూ ప్రేమగా పిలుచుకునే వైస్ కెప్టెన్ అక్షర్ పటేల్ ఫీల్డింగ్ లో నిన్న అద్భుతాలే చేశాడు. 2024 టీ20 వరల్డ్ కప్ లో క్వార్టర్ ఫైనల్లా మారిన సూపర్ 8 క్రూషియల్ మ్యాచ్ లో ఎలా అయితే మిచ్ మార్ష్ కొట్టిన బంతిని బౌండరీ వద్ద అద్భుతమైన క్యాచ్ పట్టి అక్షర్ పటేల్ మ్యాచ్ ను మలుపు తిప్పాడో...నిన్న ఇంగ్లండ్ మీద టీ20 వరల్డ్ కప్ సెమీ ఫైనల్లో మ్యాచ్ అచ్చం అలాంటి రెండు కళ్లు చెదిరే క్యాచ్ లతో భారత్ ను ఫైనల్ బెర్త్ కన్ఫర్మ్ చేసుకునేలా చేశాడు బాపు. బుమ్రా బౌలింగ్ లో కెప్టెన్ హ్యారీ బ్రూక్ ఇచ్చిన కష్టతరమైన క్యాచ్ ను వెనక్కి పరిగెత్తుకుంటూ డైవ్ క్యాచ్ పట్టాడు అక్షర్ పటేల్. అందరూ నోరు వెళ్లబెట్టారు అంతే. ఈ క్యాచ్ ను కపిల్ దేవ్ 1983 వరల్డ్ కప్ లో జింబాబ్వే తో జరిగిన మ్యాచ్ లో పట్టిన అద్భుతమైన క్యాచ్ తో పోలుస్తున్నారు. 254 పరుగుల ఛేజింగ్ లో హ్యారీ బ్రూక్ లాంటి ప్రమాదకరమైన బ్యాటర్ ను అక్షర్ పటేల్ అంత అద్భుతమైన క్యాచ్ తో ఔట్ చేయకపోతే పరిస్థితి ఎలా ఉండేదో ఊహించుకుంటేనే కష్టంగా ఉంది. అదొక్కటే కాదు ఇంకో అద్భుతం కూడా చేశాడు అక్షర్. నాలుగు ప్లేయర్ ఆఫ్ ది మ్యాచ్ లు అందుకుని భీకరమైన ఫామ్ లో ఉన్న విల్ జాక్స్ ను బౌండరీ లైన్ పై అత్యద్భుతంగా ఔట్ చేశాడు అక్షర్ పటేల్. అర్ష్ దీప్ బౌలింగ్ లో ఫ్లాట్ సిక్సర్ బాదే లక్ష్యంతో జాక్స్ కొట్టిన బాల్ ను క్యాచ్ పట్టుకున్న అక్షర్ బౌండరీలోకి వెళ్లిపోతున్నట్లు గ్రహించి అక్కడే శివమ్ దూబే కి క్యాచ్ విసిరి తను బౌండరీలోకి డైవ్ కొట్టి పడిపోయాడు. శివమ్ దూబే అద్భుతమైన కో అర్డినేషన్ తో దాన్ని పట్టుకోగా..జాక్స్ పెద్ద విధ్వంసం చేయకముందే డగౌట్ కి చేరుకోవాల్సి వచ్చింది. ఈ రెండు క్యాచ్ ల విలువ నిన్న మన మ్యాచ్ విన్ అని చెప్పుకోవచ్చు కచ్చితంగా అందులో డౌటే లేదు. అందుకే క్రికెట్ లో అంటారు క్యాచెస్ విన్ మ్యాచెస్ అని.