Supreme Court: అమలులో లేని చట్టాలపై నిరసనలెందుకు? రైతులకు సుప్రీం ప్రశ్న

సాగు చట్టాలకు వ్యతిరేకంగా రైతులు చేస్తోన్న నిరసనలపై సుప్రీం కోర్టు కీలక వ్యాఖ్యలు చేసింది. కోర్టును ఆశ్రయించిన తర్వాత కూడా నిరసనలు చేయాల్సిన అవసరమేముందని ప్రశ్నించింది.

రైతు ఉద్యమంపై సుప్రీం కోర్టు వ్యాఖ్యలు

నూతన సాగు చట్టాలకు వ్యతిరేకంగా దిల్లీ జంతర్​మంతర్​ వద్ద సత్యాగ్రహ దీక్ష చేసేందుకు అనుమతించాలని కోరుతూ కిసాన్​ మహాపంచాయత్​ దాఖలు చేసిన పిటిషన్​పై సుప్రీం కోర్టు విచారణ చేపట్టింది. ఈ సందర్భంగా కీలక వ్యాఖ్యలు చేసింది.

" కేంద్ర ప్రభుత్వం తీసుకువచ్చిన నూతన వ్యవసాయ చట్టాలపై ఇప్పటికే స్టే విధించాం. అవి అమలులో లేనప్పుడు ఈ నిరసనలు ఎందుకు? సాగు చట్టాల చెల్లుబాటును సవాలు చేస్తూ కోర్టును ఆశ్రయించిన అనంతరం మళ్లీ నిరసనలు చేస్తామనే ప్రశ్న ఎందుకు వచ్చింది.                       "

-       సుప్రీం కోర్టు

సాగు చట్టాలను వ్యతిరేకిస్తూ దిల్లీలోని జంతర్‌ మంతర్‌ వద్ద శాంతియుత 'సత్యాగ్రహం' చేపట్టేందుకు అనుమతి ఇచ్చేలా అధికారులను ఆదేశించాలని కోరుతూ రైతు సంఘాలు సుప్రీం కోర్టులో పిటిషన్‌ దాఖలు చేశాయి. వీటిని విచారణను చేపట్టిన జస్టిస్‌ ఏఎం ఖాన్విల్కర్‌, జస్టిస్‌ సీటీ రవికుమార్‌లతో కూడిన సుప్రీం ధర్మాసనం ఈ వ్యాఖ్యలు చేసింది. ఈ కేసు తదుపరి విచారణను అక్టోబర్‌ 21న చేపడతామని పేర్కొంది.

లఖింపుర్ ఘటనపై..

ఉత్తర్‌ప్రదేశ్‌ లఖింపుర్‌ ఖేరీలో జరిగిన హింసాత్మక ఘటనపై సుప్రీం కోర్టు వ్యాఖ్యానించింది. ఇలాంటి ఘటనలు జరిగినప్పుడు మాత్రం ఎవ్వరూ బాధ్యత వహించరని కోర్టు అభిప్రాయపడింది. 

40 సంఘాలకు నోటిసులు..

మరోవైపు దిల్లీ సరిహద్దుల వద్ద జాతీయ రహదారుల దిగ్బంధంపై వివరణ ఇవ్వాలని భారతీయ కిసాన్​ యూనియన్​ నేత రాకేశ్​ టికాయిత్ సహా 40 రైతు సంఘాల నేతలకు సుప్రీం నోటీసులు జారీ చేసింది. నిరసన విరమణ యత్నాలకు రాష్ట్ర ప్రభుత్వ కమిటీతో రైతులు చర్చల్లో పాల్గొనడం లేదని ఆరోపిస్తూ హరియాణా సర్కార్ దాఖలు చేసిన అఫిడవిట్​పై జస్టిస్​ ఎస్​కే కౌల్​ నేతృత్వంలోని ద్విసభ్య ధర్మాసనం విచారణ జరిపింది.

Supreme Court issues notice to 43 farmers' organisations on an application seeking to make them parties before the top court in a PIL against the blockade of roads between Delhi to Noida due to farmers' protests against the three agriculture laws pic.twitter.com/yVguADqLBb

— ANI (@ANI) October 4, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి