Narthan Ram Charan : రామ్ చరణ్‌తో కాదు, కన్నడ హీరోతోనే నర్తన్ నెక్స్ట్ సినిమా
కన్నడ దర్శకుడు (Narthan) తో రామ్ చరణ్ సినిమా గురించి కొన్ని రోజులుగా వార్తలు వస్తున్నాయి. అయితే, ఇప్పుడు ఆయన చరణ్‌తో కాకుండా కన్నడ శివన్నతో సినిమా అనౌన్స్ చేశారు.
కన్నడ దర్శకుడితో మెగా పవర్ స్టార్ రామ్ చరణ్ (Ram Charan) ఓ పాన్ ఇండియా సినిమా చేయనున్నారా? 'మఫ్టీ' లాంటి కమర్షియల్ హిట్ తీసిన నర్తన్ (Narthan) తో 'ఆర్ఆర్ఆర్' హీరో సినిమా ఓకే అయ్యిందా? వాళ్ళిద్దరి మధ్య చర్చలు జరిగిన మాట అయితే వాస్తవమే. కానీ, రామ్ చరణ్ సినిమా కంటే ముందు మరొక సినిమాను దర్శకుడు ఓకే చేశారు.
ఎవరీ నర్తన్?
కన్నడ కంఠీరవ రాజ్ కుమార్ తనయుడు, సూపర్ స్టార్ శివన్న (Shiva Rajkumar) కథానాయకుడిగా నటించిన 'మఫ్టీ' సినిమా (Mufti Movie) తో నర్తన్ దర్శకుడిగా పరిచయం అయ్యాడు. అంతకు ముందు ఓ సినిమాకు స్క్రీన్ ప్లే కూడా రాశారు. అయితే, 'మఫ్టీ' సినిమా ఆయన మంచి గుర్తింపు తీసుకు వచ్చింది. 'కెజియఫ్' ఫేమ్, దర్శకుడు ప్రశాంత్ నీల్ దగ్గర నర్తన్ పని చేశారు. ఇప్పుడు రామ్ చరణ్ - నర్తన్ సినిమా విషయానికి వస్తే...
రామ్ చరణ్ కథానాయకుడిగా సినిమా చేయాలని నర్తన్ ఆశ పడ్డారు. కొన్ని రోజుల క్రితం హైదరాబాద్ వచ్చి కథ కూడా వినిపించారు. హీరో, దర్శకుడి మధ్య కొన్ని రోజులు చర్చలు కూడా వినిపించాయి. అయితే... ఇప్పుడు ఆ సినిమా కంటే ముందు మరో సినిమా అనౌన్స్ చేశారు నర్తన్.
'మఫ్టీ'కి ప్రీక్వెల్...
శివ రాజ్ కుమార్ కథానాయకుడిగా 'మఫ్టీ'కి ప్రీక్వెల్ (Mufti Prequel) చేయడానికి నర్తన్ సిద్ధం అయ్యారు. ఈ మహా శివరాత్రి సందర్భంగా ఆ సినిమాను అనౌన్స్ చేశారు. టైటిల్ 'భైరతి రణగల్'. దాంతో రామ్ చరణ్ సినిమా ఇప్పట్లో ఉండే అవకాశం లేదనే మాట వినబడుతోంది.
ప్రస్తుతం శంకర్ దర్శకత్వంలో రామ్ చరణ్ ఓ సినిమా చేస్తున్నారు. 'దిల్' రాజు, శిరీష్ నిర్మిస్తున్న ఆ సినిమా చిత్రీకరణ ఇంకా పూర్తి కాలేదు. దాని తర్వాత 'ఉప్పెన' ఫేమ్ గౌతమ్ తిన్ననూరి దర్శకత్వంలో ఓ సినిమా చేయనున్నారు. ఆ రెండు అయిన తర్వాత నర్తన్ సినిమా ఉండొచ్చు. మరోవైపు శివ రాజ్ కుమార్ కూడా బిజీగా ఉన్నారు. అయితే... సినిమా పూర్తి చేయడానికి ఎక్కువ సమయం తీసుకోరు. త్వరత్వరగా సినిమాలు పూర్తి చేస్తారు.
మామా అల్లుళ్ళతో శివన్న సినిమాలు
ఇప్పడు శివ రాజ్ కుమార్ కేవలం కన్నడ సినిమాలు మాత్రమే చేయడం లేదు. పాన్ ఇండియా సినిమాల మీద ఆయన కాన్సంట్రేషన్ చేశారు. ఇతర భాషల్లో సినిమాలు చేయడానికి ఆసక్తి చూపిస్తున్నారు. ప్రస్తుతం ఇద్దరు తమిళ హీరోలతో సినిమాలు చేస్తున్నారు. ఆ రెండూ ఇతర భాషల్లో విడుదల కానున్నవే. పాన్ ఇండియా సినిమాలే. అందులో ఒకటి సూపర్ రజనీకాంత్ 'జైలర్' అయితే... మరొకటి ఆయన అల్లుడు ధనుష్ 'కెప్టెన్ మిల్లర్'.
Also Read : 'శ్రీదేవి శోభన్ బాబు' రివ్యూ : చిరంజీవి కుమార్తె నిర్మించిన సినిమా ఎలా ఉందంటే?
ఇటీవల శివ రాజ్ కుమార్ 125వ సినిమా 'వేద' తెలుగులోనూ విడుదల అయ్యింది. ఆ సినిమా ప్రీ రిలీజ్ వేడుకలో నట సింహం నందమూరి బాలకృష్ణతో పూర్తి స్థాయి పాత్రలో సినిమా చేయాలని ఉందని ఆయన తన మనసులో మాటను బయట పెట్టారు.
Also Read : తారకరత్న వారసులు ఎంత మందికి తెలుసు? చిన్న కుమార్తె, కొడుకు గురించి...
టాప్ హెడ్ లైన్స్
ట్రెండింగ్ వార్తలు
