Bigg Boss Telugu Season 8 : గంగవ్వను పంపించిన బిగ్ బాస్, హరితేజను సాగనంపిన ఆడియెన్స్! టేస్టీ తేజకు ఇది అన్యాయమే

Bigg Boss Telugu Season 8 : బిగ్ బాస్ ఇంట్లో పదోవారం టాస్కులు, గొడవలు ఇవన్నీ పక్కన పెడితే.. వీకెండ్ లో ఆరోగ్య కారణాలతో గంగవ్వ ను ఇంటి నుంచి బయటకు పంపాడు బిగ్ బాస్.

అనారోగ్య గంగవ్వను బయటకు పంపించిన బిగ్ బాస్

Source : Star Maa

Bigg Boss Telugu Season 8: బిగ్ బాస్ ఇంట్లో పదోవారం టాస్కులు, గొడవలు ఇవన్నీ పక్కన పెడితే.. వీకెండ్ పెద్ద షాక్ తగిలింది. గంగవ్వకు హెల్త్ సహకరించకపోవడంతో ఆమెను ఇంటి నుంచి బయటకు పంపాడు బిగ్ బాస్. ఇక ఆడియెన్స్ ఈ వారం హరితేజను బయటకు పంపించినట్టుగా తెలుస్తోంది. ఆదివారం నాడు ఈ ఎలిమినేషన్ ఎపిసోడ్ ప్రసారం కానుంది. అప్పుడు ఈ ఎలిమినేషన్ మీద ఇంకా క్లారిటీ వస్తుంది. ఇక ఈ శనివారం ఎపిసోడ్‌లో టేస్టీ తేజకు పెద్ద షాక్ తగిలింది. అది కాస్త అన్యాయమే అనిపిస్తోంది. అసలు ఇంతకీ ఏం జరిగిందంటే.. 

సీతాఫలం తిన్నాడని గౌతమ్‌తో ప్రేరణ వాగ్వాదానికి దిగింది. అలా ఎలా నవ్వుతున్నావ్.. సిగ్గు లేకుండా అని దారుణంగా మాట్లాడేసింది. ఆ తరువాత మళ్లీ విష్ణు ప్రియ వచ్చి ప్రేరణతో వాగ్వాదానికి దిగింది. నా బెస్ట్ ఇస్తున్నా అనిపిస్తోంది.. నేనేమీ ఊరికే కూర్చుని ఆర్డర్ వేయడం లేదు.. తనలో తాను అనుకున్న ప్రేరణ కాస్త బాధపడినట్టుగా ఉంది..  చీఫ్ అయిన తరువాత ఎక్స్ ట్రాలు చేస్తోందని అనుకుంటున్నారా? అని తనలో తాను అనుకుంది. ఆ తరువాత కారెట్ హల్వాను నబిల్ తిన్నాడు. అది స్వీట్ కాదని, తాను తినొచ్చు అంటూ కొత్త లాజిక్ పట్టుకున్నాడు.

ఆ తరువాత కంట్రీ డిలైట్ టాస్కులో అవినాష్, రోహిణి, తేజ, నబిల్ బాగా చేశారు. కానీ సంచాలక్ యష్మీ మాత్రం నిఖిల్ టీం విన్ అని చెప్పింది. దీంతో తేజ, రోహిణి హర్ట్ అయ్యారు. అలా ఎలా చేస్తారు అని అడిగింది. దీనికే ఇలా ఎందుకు చేస్తున్నారు.. ఫన్ టాస్క్.. ఫన్‌గా తీసుకోండి అని హరితేజ సుద్దులు చెప్పింది. దీన్నే నామినేషన్‌లో చెబుతాం అని తేజ అంటే.. దీన్ని కూడానా? అని హరితేజ కాస్త ఓవర్ యాక్షన్ చేసింది. అలా చేస్తే మీ న్యారో థింకింగ్‌కి నేను నామినేట్ చేస్తా అని కాస్త అతి చేసింది.

ఎవిక్షన్ షీల్డ్ టాస్కులో తేజ రూల్స్ అతిక్రమించినందుకు పనిష్మెంట్ ఇచ్చాడు నాగ్. వచ్చే వారం కంటెండర్ రేసు నుంచి తప్పించేశాడు. చివరకు మిగిలిన రోహిణి, నిఖిల్, నబిల్‌కు ఓటింగ్ పెట్టాడు నాగ్. కానీ ముగ్గురికీ మూడు ఓట్ల చొప్పున వచ్చాయి. దీంతో మెగా చీఫ్ నిర్ణయంతో నబిల్‌కు ఎవిక్షన్ షీల్డ్ దక్కింది. ఈ క్షణం నుంచి ఎప్పుడైనా వాడుకో అని కాస్త తెలివిగా వాడుకో అని అన్నాడు. ఆ తరువాత ఒక్కో కంటెస్టెంట్‌ను కన్‌ఫెషన్ రూంలోకి పిలిచి వరెస్ట్ కంటెస్టెంట్ ఎవరో చెప్పమని అడిగాడు నాగ్.

విష్ణు ప్రియ వరెస్ట్ ప్లేయర్ అని, ఒకరిద్దరితోనే ఉంటుందని నబిల్ అన్నాడు. రోహిణి వరెస్ట్ అని.. ఓ గ్రూపుతోనే ఉంటోందని, ఆటలు సరిగ్గా ఆడటం లేదని హరితేజ చెప్పింది. పృథ్వీ వరెస్ట్ అని వేరే వాళ్ల నిర్ణయానికి గౌరవం ఇవ్వడు.. యష్మీ, విష్ణులను మ్యానిపులేట్ చేస్తుంటాడు.. ఫిజికల్ అవుతుంటాడు.. అని గౌతమ్ చెప్పాడు. టేస్టీ తేజ వరెస్ట్ అని నిఖిల్, టాస్కుల్లో తక్కువ.. అని రోహిణిని వరెస్ట్‌గా చెప్పింది యష్మీ. ఎవిక్షన్ షీల్డ్ టాస్కుల్లో సరైన కారణాలు చెప్పలేదు.. ఆటలు కూడా సరిగ్గా ఆడలేదు అందుకే హరితేజ వరెస్ట్ అని అవినాష్ అన్నాడు.

టేస్టీ తేజ ఇంకా బాగా ఆడొచ్చని, స్ట్రాటజీతో వచ్చాడనిపిస్తుందని, సహజమైన ఆటలా కనిపించడం లేదని విష్ణు చెప్పింది. యష్మీ మాటల్లో ఎక్కువ.. ఆటల్లో తక్కువ అని రోహిణి చెప్పింది. విష్ణు జెన్యూన్ కాదనిపిస్తుంది.. ర్యాష్‌, రూడ్.. బిహేవియర్ నచ్చదు.. ఆటలు ఆడదు.. అసలు గెలవాలని కూడా ఉండదు.. ఆమే వరెస్ట్ అని ప్రేరణ చెబుతుంది. పృథ్వీకి తన మీద తనకు కంట్రోల్ ఉండదని టేస్టీ తేజ చెబుతాడు. తేజ బిహేవియర్ నాకు నచ్చదు, టాస్కులు ఆడడు అని పృథ్వీ అంటాడు. యష్మీ వరెస్ట్ అని గంగవ్వ అంటుంది. 

అలా మెజార్టీ ఓట్లతో టేస్టీ తేజ వరెస్ట్ ప్లేయర్ అని నాగ్ చెబుతాడు. ఫ్యామిలీ వీక్ ఎప్పుడు జరిగినా కూడా ఈ వరెస్ట్ ప్లేయర్ అనే ట్యాగ్ వచ్చిన వాళ్ల ఫ్యామిలీ మెంబర్లు ఇంట్లోకి రాలేరని చెబుతాడు నాగ్. దీంతో తేజ కంట తడి పెట్టేస్తాడు. తాను ఫ్యామిలీ వీక్ ఎపిసోడ్ కోసం ఇక్కడకు వచ్చానని అంటాడు. ఇక గంగవ్వ హెల్త్ బాగా లేదని చెప్పడంతో ఆమెను ఇంటి నుంచి బయటకు పంపించేసే నిర్ణయం బిగ్ బాస్ తీసుకున్నాడు అంటూ నాగ్ చెబుతాడు. ఇంటి సభ్యులందరి దగ్గర వీడ్కోలు తీసుకుని గంగవ్వ బయటకు వచ్చేసింది. గంగవ్వ వెళ్తుంటే.. రోహిణి, టేస్టీ తేజలు కన్నీరు పెట్టుకున్నారు.