రజనీకాంత్ ‘వేట్టయన్’ రిలీజ్ డేట్, రూ.100 కోట్ల క్లబ్‌లో ‘టిల్లు స్క్వేర్’ - నేటి టాప్ సినీ విశేషాలివే!

ఈ రోజు 5 గంటల వరకు జరిగిన సినీ విశేషాల గురించి తెలుసుకోవాలని ఉందా? మరి ఇంకెందుకు ఆలస్యం... ఈ టాప్-5 విశేషాలు చూసేయండి.

ప్రతీకాత్మక చిత్రం

Source : Pixabay

'వేట్టయాన్'తో థియేటర్లలోకి రజనీకాంత్ వచ్చేది అప్పుడే - బిగ్ అప్డేట్ వచ్చేసింది
కోలీవుడ్ సూపర్ స్టార్ రజనీకాంత్ ఫ్యాన్స్‌కు సూపర్ గుడ్ న్యూస్. 'జైలర్' తర్వాత ఆయన పూర్తి స్థాయి హీరోగా యాక్ట్ చేసిన సినిమా 'వేట్టయాన్' ఎప్పుడెప్పుడు ప్రేక్షకుల ముందుకు వస్తుందా? అని వెయిట్ చేస్తున్న అభిమానులకు ప్రొడక్షన్ హౌస్ లైకా బిగ్ అప్డేట్ ఇచ్చింది. ఈ చిత్రాన్ని అక్టోబర్ నెలలో విడుదల చేయనున్నట్లు ఈ రోజు అనౌన్స్ చేశారు. (పూర్తి వివరాల కోసం ఇక్కడ క్లిక్ చేయండి.)

బాక్సాఫీస్ దగ్గర టిల్లుగాడి ధూమ్ ధాం, 100 కోట్ల క్లబ్‌లోకి ఎంట్రీ!
టాలీవుడ్ యంగ్ హీరో సిద్ధు జొన్నలగడ్డ, రింగుల జుట్టు ముద్దుగుమ్మ అనుపమ పరమేశ్వరన్ నటించిన తాజా చిత్రం ‘టిల్లు స్క్వేర్’. రెండేళ్ల క్రితం వచ్చిన ‘డీజే టిల్లు’ సినిమాకు సీక్వెల్ గా వచ్చిన ఈ చిత్రం మార్చి 29న థియేటర్లలో విడుదల అయ్యింది. ఈ కామెడీ ఎంటర్ టైనర్ కు మల్లిక్ రామ్ దర్శకత్వం వహించారు. ఈ చిత్రానికి సిద్ధు స్వయంగా కథ, డైలాగ్స్ అందించారు. భారీ అంచనాల నడుమ ప్రేక్షకుల ముందుకు వచ్చిన ఈ సినిమా తొలి షో నుంచే బ్లాక్ బస్టర్ హిట్ టాక్ తెచ్చుకుంది. టిల్లు యాక్టింగ్, డైలాగులు అందరినీ భలే ఆకట్టుకున్నాయి. సినిమా చూసిన ప్రతి ఒక్కరు అద్భుతం అంటూ ప్రశంసించారు. (పూర్తి వివరాల కోసం ఇక్కడ క్లిక్ చేయండి.)

నిన్న మెగాస్టార్, నేడు గ్లోబల్ స్టార్ - టిల్లుగాడిపై చెర్రీ ప్రశంసల జల్లు
టాలీవుడ్ క్రేజీ హీరో సిద్ధు జొన్నలగడ్డ నటించిన తాజా చిత్రం ‘టిల్లు స్క్వేర్’. రెండు సంవత్సరాల క్రితం విడుదలై బ్లాక్ బస్టర్ హిట్ అందుకున్న ‘డీజే టిల్లు’కు సీక్వెల్ గా ఈ మూవీ ప్రేక్షకుల ముందుకు వచ్చింది. మార్చి 29న విడుదలైన ఈ చిత్రం బాక్సాఫీస్ దగ్గర సక్సెస్ ఫుల్ గా దూసుకెళ్తోంది. తొలి షో నుంచే మంచి హిట్ టాక్ తెచ్చుకున్నది. సిద్ధు నేచురల్ యాక్టింగ్, అదిరిపోయే పంచులు ప్రేక్షకులను కడుపుబ్బా నవ్వించాయి. వసూళ్ల పరంగానూ ఈ చిత్రం సత్తా చాటుతోంది. 10 రోజుల్లో సుమారు రూ. 100 కోట్ల మార్కును దాటింది. వరుస సెలవులు వస్తున్న నేపథ్యంలో కలెక్షన్లు మరింత పెరిగే అవకాశం ఉంది. (పూర్తి వివరాల కోసం ఇక్కడ క్లిక్ చేయండి.)

ఓటీటీలోకి మలయాళీ బ్లాక్ బస్టర్ మూవీ - తెలుగు వెర్షన్ స్ట్రీమింగ్ ఎప్పుడు? ఎక్కడంటే?
మలయాళంలో విడుదలై చక్కటి విజయాన్ని అందుకున్న మూవీ ‘ప్రేమలు’. లవ్, కామెడీ ఎంటర్ టైనర్ గా తెరకెక్కిన ఈ చిత్రం ఫిబ్రవరి 9న ప్రేక్షకుల ముందుకు వచ్చింది. సినీ అభిమానుల నుంచే కాదు,  విమర్శకుల నుంచి సైతం  ప్రశంసలు దక్కాయి. కేవలం రూ. 5 కోట్లతో తెరకెక్కిన ఈ చిత్రం ఏకంగా రూ. 100 కోట్లు సాధించి సరికొత్త రికార్డు సాధించింది.  మలయాళంలో సూపర్ డూపర్ హిట్ అందుకున్న ఈ సినిమా మార్చి 8న తెలుగులో విడుదల అయ్యింది. ప్రముఖ దర్శకుడు రాజమౌళి కుమారుడు కార్తికేయ ఈ చిత్రాన్ని తెలుగు రాష్ట్రాల్లో విడుదల చేశారు. ఇక్కడ కూడా ఈ సినిమా ప్రేక్షకులను బాగా ఆకట్టుకుంది. ఇక ‘ప్రేమలు’ ఓటీటీ విడుదలపై అధికారిక ప్రకటన వచ్చింది. ‘ప్రేమలు’ తెలుగు వెర్షన్ ఆహాలో స్ట్రీమింగ్ కానుంది. ఏప్రిల్ 12 నుంచి ఈ సినిమా తెలుగులో స్ట్రీమ్ కానున్నట్లు  సోషల్ మీడియా వేదికగా వెల్లడించింది. (పూర్తి వివరాల కోసం ఇక్కడ క్లిక్ చేయండి.)

'టిల్లు స్క్వేర్' సక్సెస్, గ్లామర్ రోల్ తర్వాత స్ట్రాటజీ మార్చిన అనుపమ - బ్యాక్ టు కేరళ!
 'టిల్లు స్క్వేర్'లో అనుపమ పరమేశ్వరన్ కొత్తగా కనిపించారు. సినిమా విడుదలకు ముందు ట్రైలర్, పోస్టర్లలో ఆవిడ గ్లామర్ షో గురించి జరిగిన రచ్చ అంతా ఇంతా కాదు. 'టిల్లు స్క్వేర్' తర్వాత అనుపమ ఏ హీరోతో సినిమా చేస్తుందా? గ్లామర్ రోల్స్ కంటిన్యూ చేస్తుందా? లేదా? అని ఆడియన్స్, ఫ్యాన్స్ ఆమె అప్ కమింగ్ మూవీస్ కోసం వెయిట్ చేస్తున్నారు. అనుపమ సైన్ చేస్తున్న ఫిలిమ్స్ చూస్తుంటే స్ట్రాటజీ ఛేంజ్ చేసినట్టు ఉన్నారు. (పూర్తి వివరాల కోసం ఇక్కడ క్లిక్ చేయండి.)