అన్వేషించండి

Parampara: చావడం కంటే చంపడం కష్టం... హాట్‌స్టార్ తెలుగు సిరీస్ ట్రైలర్ వచ్చేసింది!

జగపతి బాబు, శరత్‌కుమార్, నవీన్ చంద్ర కీలక పాత్రల్లో రూపొందిన వెబ్ సిరీస్ పరంపర ట్రైలర్‌ను రామ్ చరణ్ విడుదల చేశారు.

By : ABP Desam | Edited By: Eleti Saketh Reddy | Updated at : 15 Dec 2021 11:37 PM (IST)

Ram Charan Launched Parampara Web Series Trailer Released Streaming From December 24th on DisneyPlus Hotstar Parampara: చావడం కంటే చంపడం కష్టం... హాట్‌స్టార్ తెలుగు సిరీస్ ట్రైలర్ వచ్చేసింది!

జగపతిబాబు (Source: Jagapathi Babu Instagram)

డిస్నీప్లస్ హాట్‌స్టార్ కొత్త తెలుగు వెబ్ సిరీస్ ‘పరంపర’ ట్రైలర్‌ను మెగాపవర్ స్టార్ రామ్ చరణ్ విడుదల చేశారు. ఇందులో జగపతి బాబు, శరత్‌కుమార్, నవీన్ చంద్ర కీలక పాత్రల్లో నటించారు. ఎల్.కృష్ణ విజయ్, అరిగెల విశ్వనాథ్‌ల దర్శకత్వంలో ఈ వెబ్ సిరీస్ తెరకెక్కింది. శోభు యార్లగడ్డ, ప్రసాద్ దేవినేని ఈ సిరీస్‌ను నిర్మించారు. పొలిటికల్, రివెంజ్, యాక్షన్ థ్రిల్లర్‌గా ఈ సిరీస్ రూపొందినట్లు ట్రైలర్ చూసి చెప్పవచ్చు.

‘నన్నడిగితే చావడం కన్నా చంపడం కష్టం.’ అనే నవీన్ చంద్ర మాటలతో ట్రైలర్ ప్రారంభం అవుతుంది. ‘నాయుడు కింగ్ మేకర్.. అంటే కింగ్ కన్నా గొప్పవాడు’ లాంటి డైలాగ్‌తో శరత్‌కుమార్ క్యారెక్టర్ ఎలా ఉండనుందో చెప్పేశారు. రెండు నిమిషాల నిడివి ఉన్న ఈ ట్రైలర్‌ను ఆసక్తికరంగా కట్ చేశారు. డిసెంబర్ 24వ తేదీ నుంచి డిస్నీప్లస్ హాట్‌స్టార్‌లో ఈ సిరీస్ స్ట్రీమ్ కానుంది.

ఈ సిరీస్‌లో ఆకాంక్ష సింగ్, రోగ్ ఫేం ఇషాన్ కూడా కీలక పాత్రల్లో నటించారు. నగేష్ కుమరన్ ఈ సిరీస్‌కు సంగీతం అందించారు. హరి ఏలేటి, ఎల్.కృష్ణ విజయ్ మాటలు రచించారు. ఎస్వీ విశ్వేశ్వర్ కెమెరా బాధ్యతలు నిర్వర్తించగా.. తమ్మిరాజు ఎడిటింగ్ చేశారు.

డిస్నీప్లస్ హాట్‌స్టార్‌కు ప్రస్తుతం మెగా పవర్ స్టార్ రామ్ చరణ్ బ్రాండ్ అంబాసిడర్‌గా ఉన్నారు. దీంతో ఆయన తన ట్విట్టర్ ఖాతా ద్వారా ఈ సిరీస్ ట్రైలర్ విడుదల చేశారు. తెలుగు ప్రేక్షకులకు నచ్చేలా ఈ పరంపర సిరీస్‌ను తెరకెక్కించినట్లు దర్శకుడు ఎల్. కృష్ణ విజయ్ తెలిపారు.