Jana Nayagan : జన నాయగన్‌కు మళ్లీ షాక్ - విజయ్ లాస్ట్ మూవీ రిలీజ్ అయ్యేది ఎప్పుడు?

Jana Nayagan Release Date : విజయ్ జన నాయగన్ మూవీ సెన్సార్ రివ్యూకు మళ్లీ బ్రేక్ పడింది. సోమవారం రివ్యూ జరగాల్సి ఉండగా అనుకోని కారణాలతో వాయిదా పడింది.

జన నాయగన్ రివ్యూ వాయిదా

Source : https://www.youtube.com/watch?v=fJaAYcERf3Y

Vijay's Jana Nayagan Censor Review Postponed : టీవీకే అధినేత, కోలీవుడ్ స్టార్ విజయ్ హీరోగా నటించిన లాస్ట్ మూవీ 'జన నాయగన్'. ఈ ఏడాది సంక్రాంతికి రిలీజ్ కావాల్సిన మూవీ సెన్సార్ వివాదాలు, కోర్టు కేసులతో వాయిదా పడింది. ఫైనల్‌గా నిర్మాతలు కోర్టు కేసులను వెనక్కి తీసుకుని సెన్సార్ బోర్డు ఆదేశాల మేరకు రివ్యూ కమిటీకి మూవీని పంపించారు. సోమవారం మూవీ స్క్రీనింగ్ జరుగుతుంది అనుకునే తరుణంలో లాస్ట్ మినిట్‌లో బ్రేక్ పడింది.

సెన్సార్ రివ్యూ వాయిదా

సెన్సార్ రివ్యూ కమిటీ సభ్యులు సోమవారం జన నాయగన్ మూవీని చూసి ఫైనల్ రిపోర్ట్ ఇస్తారని అంతా భావించారు. మధ్యాహ్నం 2 గంటలకు రివ్యూ జరగాల్సి ఉండగా వాయిదా పడింది. సెన్సార్ యూనిట్‌లో ఒకరికి అనారోగ్యం కారణంగా రివ్యూ నిలిపేసినట్లు తెలుస్తోంది. త్వరలోనే కొత్త రివ్యూ తేదీని ఇవ్వనున్నట్లు తెలుస్తోంది. కోలీవుడ్ మీడియా కథనాల ప్రకారం ఈ నెల 17న రివ్యూ చేస్తారని సమాచారం. మరి దీనిపై క్లారిటీ రావాల్సి ఉంది.

ఒకవేళ సెన్సార్ రివ్యూ ఈ రోజు జరిగుంటే మూవీకి ఫైనల్ సర్టిఫికెట్ వచ్చేసి రిలీజ్‌కు మార్గం సుగమం అయ్యేది. ఇప్పుడు రివ్యూ వాయిదా పడడంతో విజయ్ ఫ్యాన్స్ తీవ్ర నిరాశకు గురవుతున్నారు. అస్సలు మూవీకి సెన్సార్ సర్టిఫికెట్ వస్తుందా? ఎప్పుడు రిలీజ్ అవుతుంది? అంటూ సోషల్ మీడియా వేదికగా కామెంట్స్ చేస్తున్నారు. 

మరి రిలీజ్ ఎప్పుడు?

ఈ మూవీ సెన్సార్ రివ్యూ మరింత ఆలస్యం కావడంతో రిలీజ్ కూడా మరింత ఆలస్యం అయ్యే ఛాన్స్ ఉంది. ఒకవేళ తమిళ మీడియా కథనాల ప్రకారం ఈ నెల 17నే సెన్సార్ రివ్యూ కంప్లీట్ అయితే వెంటనే సర్టిఫికెట్ వచ్చి రిలీజ్ డేట్ అనౌన్స్ చేసేందుకు ఆస్కారం ఉంది. అది జరగకుంటే రిలీజ్ మరింత వాయిదా పడే అవకాశం ఉంది.

అంతా సక్రమంగా జరిగి ఉంటే ముందు మేలో మూవీని ప్రేక్షకుల ముందుకు తీసుకు వచ్చేందుకు ప్లాన్ చేయగా అది సాధ్యం అయ్యే అవకాశాలు కనిపించడం లేదు. అంతకు ముందు విజయ్ 52వ బర్త్ డే సందర్భంగా జూన్ 22న రిలీజ్ చేయాలని మేకర్స్ భావించినట్లు ప్రచారం సాగింది. మరి జన నాయగన్ ఎప్పుడు రిలీజ్ అవుతుంది తెలియాలంటే కొద్ది రోజులు వెయిట్ చేయాల్సిందే.

మూవీకి హెచ్ వినోద్ దర్శకత్వం వహించగా... విజయ్ సరసన పూజా హెగ్డే హీరోయిన్‌గా నటించారు. 'ప్రేమలు' ఫేం మమితా బైజు విజయ్ కూతురిగా నటించారు. అలాగే, బాబీ డియోల్, నరైన్, ప్రియమణి, ప్రకాష్ రాజ్, గౌతమ్ వాసుదేవ్ మీనన్, సునీల్ తదితరులు కీలకపాత్రలు పోషించారు. KVN ప్రొడక్షన్స్ బ్యానర్‌పై వెంకట్ కె నారాయణ నిర్మించారు. విజయ్ లాస్ట్ మూవీ కావడంతో బిగ్ హైప్ క్రియేట్ అవుతుండగా ఫ్యాన్స్ గత 2 నెలలుగా రిలీజ్ కోసం ఎంతో ఈగర్‌గా వెయిట్ చేస్తున్నారు.

మరిన్ని చదవండి

రణబాలి షూటింగ్‌కు విజయ్ దేవరకొండ - షూటింగ్ సెట్‌లోకి కొత్త పెళ్లి కొడుకు