Abhishek Sharma Poor Form | T20 World Cup 2026 ఫైనల్లో అభిషేక్ ప్లేస్ పై డౌట్స్ | ABP Desam

 టీ20 వరల్డ్ కప్ ప్రారంభానికి ముందు భారత్ తరపున జట్టులో తురుపు ముక్క ఎవరు అంటే...వినిపించే పెద్ద పేరు అభిషేక్ శర్మ. గడచిన రెండేళ్లుగా అతను టీ20 ఫార్మాట్ లో సాగిస్తున్న విధ్వంసాలే ఇందుకు ఉదాహరణ. ఆడిన 44 మ్యాచుల్లో 2 సెంచరీలు, 9 అర్థ సెంచరీలతో...188 స్ట్రైక్ రేట్ తో...పవర్ ప్లేల్లో పరుగుల వరద పారిస్తూ అభిషేక్ శర్మ పాతికేళ్లకే టీ20ల్లో వరల్డ్ నెంబర్ 1 బ్యాటర్ అయ్యాడు. కానీ ఈ వరల్డ్ కప్ లో అతనిపై పెట్టుకున్న అంచనాలన్నీ విఫలమయ్యాయి. ఈ మెగా టోర్నీలో ఇప్పటివరకూ 7 మ్యాచులు ఆడిన అభి..కేవలం 89 పరుగులు మాత్రమే చేశాడు. అందులోనూ జింబాబ్వే మీద చేసిన 55 పరుగుల హాఫ్ సెంచరీ ఉంది. ఆడిన మొదటి మూడు మ్యాచుల్లో డకౌట్లు అయ్యాడు. మొదటి ఓవర్ లోనే స్పిన్నర్ ను దింపుతూ లెగ్ సైడ్ ఫీల్డర్లను పెట్టి పదే పదే అభిషేక్ శర్మను అవుట్ చేశాయి ప్రత్యర్థి జట్లు. ఇంగ్లండ్ తో సెమీఫైనల్లోనూ అంతే. లెగ్ సైడ్ కేవలం ఒక్క ఫీల్డర్ ను మాత్రమే కెప్టెన్ హ్యారీ బ్రూక్ పెట్టినా అదే విల్ జాక్స్ బౌలింగ్ లో టెంప్ట్ అయిపోయి..ఆ ఒక్క ఫీల్డర్ కే క్యాచ్ ఇచ్చి ఔటయ్యాడు అభిషేక్ శర్మ. మ్యాచులు గడుస్తున్నా తన తీరును అభిషేక్ శర్మ మార్చుకోకపోవటంతో క్రికెట్ విశ్లేషకుల నుంచి మాజీల నుంచి పెద్ద ఎత్తును డిమాండ్లు వినిపిస్తున్నాయి. ఫైనల్ మ్యాచ్ భారత్ కు చాలా కీలకం కాబట్టి...పవర్ ప్లేలో అభిషేక్ శర్మ వికెట్ పడటం ప్రతీసారి ఇబ్బంది కాబట్టి..తన బదులుగా ఇషాన్ కిషన్ ను ఓపెనింగ్ పంపించాలని..అభిషేక్ ను ఫైనల్లో తప్పించి...తనకు బదులుగా డెప్త్ లో రింకూను ఆడించాలని ప్రతిపాదనలు హోరెత్తుతున్నాయి. ఒకవేళ భారత్ భారీ ఛేజింగ్ చేయాల్సి వస్తే డౌన్ ది ఆర్డర్ లో రింకూ ఉపయోగపడతాడనేది ప్లాన్. కానీ అస్సలు విషయం ఏంటంటే అభిషేక్ శర్మకు సెట్ అవ్వటానికి ఒక్క ఇన్నింగ్స్ చాలు. అది ఫైనల్ మ్యాచే కనుక అయితే పులి సృష్టించే ఆ విధ్వంసానికి భారత్ చేతిలోకి కప్పు రావటం ఖాయం. తను విఫలమవుతున్నా వరుసగా మేనేజ్మెంట్ తనపై నమ్మకం ఉంచిందనే విషయం అభిషేక్ కు కూడా తెలుసు కనుక సంజూ శాంసన్ లో రివోల్ట్ అవుతాడని...విరుచుకపడే ఆ ఒక్క మ్యాచే ఫైనలే అయితే అది టీమ్ కే లాభం కాబట్టి..ఫైనల్ కి ముందు మేనేజ్మెంట్ నుంచి పిచ్చి నిర్ణయాలు ఉండకపోవచ్చని అశ్విన్ లాంటి మాజీలు అభిప్రాయపడుతున్నారు.