Molesting Minor Girl: ఆలయంలో బాలికపై పూజారి లైంగిక దాడి..! బయట లాక్ వేసి లోపల దారుణం

Hyderabad Crime News | రామచంద్రాపురం పరిధిలోని ఆలయంలో మైనర్ బాలికపై అసభ్యంగా ప్రవర్తించిన అర్చకుడ్ని స్థానికులు పట్టుకుని పోలీసులకు అప్పగించారు. పోలీసులు కేసు నమోదు చేసి విచారణ చేపట్టారు.

ఆలయంలో మైనర్ బాలికపై పూజారి లైంగిక దాడి

Source : social media

హైదరాబాద్: సైబరాబాద్ పోలీస్ కమిషనరేట్ పరిధిలోని రామచంద్రాపురం పోలీస్ స్టేషన్ పరిధిలో మైనర్ బాలికపై అత్యాచార ఘటన కలకలం రేపింది. స్థానిక ఆలయ ప్రాంగణంలో ఒక మైనర్ బాలికపై అర్చకుడు లైంగిక వేధింపులకు పాల్పడుతూ స్థానికులకు అడ్డంగా దొరికిపోయాడు. దాంతో మైనర్ బాలికపై అర్చకుడి లైంగిక దాడి ఘటన వెలుగు చూసింది. ఇందుకు సంబంధించిన వీడియో సోషల్ మీడియాలో వైరల్ అవుతోంది.  

గర్భగుడిలో బాలికపై అఘాయిత్యం..

స్థానికులు తెలిపిన సమాచారం ప్రకారం,  ఆలయానికి బయట నుంచి తాళం వేసి ఉండటంతో గ్రామస్థులకు అనుమానం వచ్చింది. బయట తాళం వేసి లోపల సాయన్న అనే అర్చకుడు ఓ బాలికతో అత్యంత అనుచితంగా ప్రవర్తిస్తున్నట్లు స్థానికులు గమనించారు. వెంటనే స్థానికులు, గ్రామ పెద్దలు క్షణం ఆలస్యం చేయకుండా పెద్ద ఎత్తున ఆలయం వద్దకు చేరుకున్నారు. ఆలయం తలుపులు తెరిచి చూడగా, అక్కడ అర్చకుడిగా పనిచేస్తున్న సాయన్న అనే వృద్ధుడు బాలికపై లైంగిక దాడికి పాల్పడుతున్నట్లు గుర్తించారు. 

🚨 ఆలయంలో మైనర్ బాలికపై లైంగిక దాడి ఆరోపణలు

🔸 సైబరాబాద్ పోలీస్ కమిషనరేట్ పరిధిలోని రామచంద్రాపురంలో అమానుష ఘటన చోటుచేసుకుంది.

🔸 ఆలయానికి బయట నుంచి తాళం వేసి లోపల మైనర్ బాలికపై అర్చకుడు సాయన్న లైంగిక దాడికి పాల్పడినట్లు ఆరోపణలు.

🔸 బాలికతో అసభ్యంగా ప్రవర్తిస్తున్న సాయన్నను… pic.twitter.com/dx6gUWacOW

— ముచ్చట్లు | Stories • Voices • Views (@muchatlu_) August 15, 2026

పోలీసులకు స్థానికుల ఫిర్యాదు.. పోక్సో కేసు నమోదు

అగ్రహించిన స్థానికులు వెంటనే నిందితుడిని పట్టుకుని రామచంద్రాపురం పోలీసులకు ఫిర్యాదు చేశారు. స్థానికులు వచ్చి రెడ్ హ్యాండెడ్‌గా పట్టుకోగానే నిందితుడు లేచి ప్యాంట్ వేసుకున్నాడని స్థానికులు తెలిపారు. తనను ఫొటోలు, వీడియోలు తీయవద్దని వేడుకుంటున్నట్లు వీడియోలు వైరల్ అయ్యాయి. అదే సమయంలో బాలికను రక్షించిన స్థానికులు పోలీసులకు సమాచారం అందించారు. ఆలయానికి చేరుకున్న పోలీసులు బాధితురాలి వివరాలు సేకరించి, నిందితుడు సాయన్నపై కేసు నమోదు చేసి అరెస్ట్ చేశారు. బాధితురాలు మైనర్ కనుక పోక్సో కేసు నమోదు చేసినట్లు తెలుస్తోంది. 

ఇంకా ఏమైనా దారుణాలు జరిగాయా... 

ఆ ఆలయ ప్రాంగణం కేంద్రంగా అనేక రకాల అసాంఘిక కార్యకలాపాలు జరుగుతున్నాయని స్థానికులు ఆందోళన వ్యక్తం చేస్తూ పోలీసుల దృష్టికి తీసుకెళ్లారు. స్థానికుల ఫిర్యాదుల ఆధారంగా ఆలయ పరిసరాల్లో జరుగుతున్న ఇతర అక్రమాలపై కూడా సమగ్ర విచారణ జరుపుతున్నామని, చట్టరీత్యా కఠిన చర్యలు తీసుకుంటామని పోలీసులు తెలిపారు.

 

మరిన్ని చదవండి

ఆదిలాబాద్, మహారాష్ట్రలో టూవీలర్స్ మాయం.. అంతర్రాష్ట్ర గ్యాంగ్ అరెస్ట్, 44 బైక్స్ స్వాధీనం

వినాయకుడి ప్రసాదమే పెట్టుబడిగా వ్యాపారం చేసిన గణేష్‌! 51 లక్షలకు లడ్డూ కొని 3.45కోట్లతో పరార్‌!