Axar patel on Golden Catches vs Eng | T20 World cup 2026 లో జడ్డూ లేని లోటును తీరుస్తున్న అక్షర్ | ABP Desam

 టీమిండియాలో గడచిన పది పదిహేనేళ్లుగా ఫీల్డింగ్ అంటే గుర్తొచ్చేది రవీంద్ర జడేజా. కానీ 2024 టీ20 వరల్డ్ కప్ తర్వాత జడ్డూ భాయ్ టీ20 లకు రిటైర్మెంట్ ఇచ్చేశాడు. ఇక అప్పటి నుంచి ఆ లోటు కనిపిస్తున్నా...ఈ వరల్డ్ కప్ లో మాత్రం జడ్డూ లేని లోటును కనపడనివ్వట్లేదు టీమిండియా వైస్ కెప్టెన్, ఆల్ రౌండర్ అక్షర్ పటేల్. బంతి తన రేడియస్ లోకి వెళ్లిందంటే చాలు అది ఎంత కష్టమైన క్యాచ్ అయినా అలవోకగా పట్టేస్తున్నాడు. బక్కపలుచటి దేహంతో ఉండటంతో మిగిలిన ఆటగాళ్లతో పోలిస్తే వేగంగా మూవ్ కాగలటం బాపూకి ఉన్న అడ్వాంటేజ్ కాగా...తనకున్న ఫిట్ నెస్ లెవల్స్ అండ్ స్కిల్స్ తో అద్భుతమైన క్యాచ్ లు తీసుకుంటున్నాడు. ఇంగ్లండ్ తో జరిగిన సెమీ ఫైనల్లో అక్షర్ పట్టిన మూడు క్యాచ్ లు మ్యాచ్ ను మనవైపు తిప్పాయనటంలో సందేహం లేదు. ఫిల్ సాల్ట్, హ్యారీ బ్రూక్, విల్ జాక్స్ లాంటి కీలకమైన ఫామ్ లో ఉన్న ప్లేయర్లు బాదిన క్యాచ్ లను పట్టిన అక్షర్ పటేల్ మ్యాచ్ తర్వాత తన ఆ క్యాచ్ లు అందుకుంటున్న టైమ్ లో తన మైండ్ సెట్ ఎలా ఉందో కూడా చెప్పాడు. హ్యారీ బ్రూక్ ఇచ్చిన క్యాచ్ ను వెనక్కి పరిగెత్తుకుంటూ వెళ్లి డైవ్ చేసి పట్టినప్పుడు అది మ్యాచ్ లో బెస్ట్ క్యాచ్ అవుతుందని ప్రౌడ్ గా ఫీలయ్యానని చెప్పిన అక్షర్ పటేల్..మ్యాచ్ అయిపోయే సమయానికి విల్ జాక్స్ ఇచ్చిన క్యాచ్ ను శివమ్ దూబేతో కలిసి పట్టడం అద్భుతంగా అనిపించింది అన్నాడు. విల్ జాక్స్ ఉన్న ఫామ్ కి...మ్యాచ్ లో అతను ఉన్నప్పుడు ఉన్న సమీకరణాలకి అతను ఇచ్చిన క్యాచ్ ను అందుకోవటం తో మ్యాచ్ మలుపు తిరిగిందన్నాడు. అయితే ఆ క్యాచ్ పట్టే సమయంలో తన ఏకాగ్రత బంతి మీద ఉందని సడెన్ గా చూస్తే కళ్ల ముందు శివమ్ దూబే ఉన్నాడని తనను ఢీకొడతానేమో అని భయపడ్డానని...అయితే దూబే కదలకుండా నిలబడటంతో క్యాచ్ ను అందుకుని తనకు విసిరి బౌండరీ లైన్ లోకి పడిపోయానని చెప్పాడు అక్షర్. మొత్తం మీద బ్యాటింగ్, బౌలింగ్ లో చెప్పుకోదగ్గ ఫర్ ఫార్మెన్స్ కి అక్షర్ కి ఈసారి స్కోప్ దక్కకపోయినా...ఫీల్డింగ్ లో మాత్రం ఇరగదీస్తూ టీమిండియా దిశగా మ్యాచ్ లు తిప్పేస్తున్నాడు బాపూ. పైగా ఈ వరల్డ్ కప్ లో బాల్ అక్షర్ పటేల్ ఎక్కడున్నాడో వెతుక్కుని మరీ వస్తుందేమో అని ముగిస్తూ ఫన్ క్రియేట్ చేశాడు.