Hyderabad News: యాప్ లేదు, బైక్‌ నెంబర్ ప్లేట్ లేదు.. హైదరాబాద్‌లో ఫేక్ రాపిడో డ్రైవర్‌ను నిలదీసిన మహిళ !

Fake Rapido Driver | చార్మినార్ దగ్గర నంబర్ ప్లేట్ లేని బైక్‌పై వచ్చి ర్యాపిడో డ్రైవర్‌గా నమ్మించబోయిన వ్యక్తిని సిద్ధి అనే మహిళ అప్రమత్తతతో రికార్డు చేసి సోషల్ మీడియాలో పోస్ట్ చేయగా వైరల్ అయింది.

హైదరాబాద్‌లో ఫేక్ రాపిడో డ్రైవర్‌ను నిలదీసిన మహిళ !

Source : social media

Show Quick Read

Key points generated by AI, verified by newsroom

• హైదరాబాద్ మహిళ సిద్ధి అప్రమత్తతతో నకిలీ రాపిడో డ్రైవర్‌ను నిలదీసింది.
• అతనికి ఐడీ, బైక్ నంబర్ ప్లేట్, యాప్ లేకపోవడం గమనించింది.
• బైక్ స్టార్ట్ కాకపోయినా రైడ్ ఇస్తాననడం మోసం అని హెచ్చరించింది.
• ఈ ఘటన మహిళల భద్రతకు, అప్రమత్తతకు ఒక హెచ్చరిక.

హైదరాబాద్‌లో ఒక మహిళ అప్రమత్తతతో వ్యవహరించి, రాపిడో డ్రైవర్‌గా నటిస్తూ మోసాలకు పాల్పడుతున్న వ్యక్తిని నిలదీసింది. సిద్ధి అనే మహిళ చలి కారణంగా కుర్తీ, షాల్ ధరించి బయటకు వెళ్తున్న సమయంలో ఈ ఘటన చోటుచేసుకుంది. రాపిడో డ్రైవర్‌గా చెప్పిన వ్యక్తి బైక్ నెంబర్ ప్లేట్ పై నెంబర్ కూడా లేదని, అతడి ఫోన్లో యాప్ లేకుండానే అతడు ప్యాసింజర్లను రైడ్ కోసం పిలిచి మోసం చేస్తున్న ఘటన సోషల్ మీడియాలో వైరల్‌గా మారింది. 

హైదరాబాద్‌లోని చార్మినార్ సమీపంలో రాత్రి 9 గంటల సమయంలో సిద్ది అనే మహిళ ఆటో కోసం ఎదురుచూస్తోంది. ఒక వ్యక్తి వచ్చి తాను రాపిడో డ్రైవర్ అని, తన బైక్‌పై డ్రాప్ చేయమంటారా అని ఆమెను అడిగాడు. అయితే, ఆ వ్యక్తి వ్యవహారం అనుమానాస్పదంగా ఉండటంతో సిద్ధి వెంటనే అతడిని ఐడీ కార్డు చూపమని డిమాండ్ చేసింది. తాను తన యాప్ ద్వారా ఎటువంటి రైడ్‌ బుక్ చేసుకోలేదని, అలాంటప్పుడు తన దగ్గరకు వచ్చి ఎలా అడుగుతారని ఆమె ప్రశ్నించింది. అంతేకాకుండా, అతని బైక్‌కు కనీసం నంబర్ ప్లేట్ కూడా లేకపోవడాన్ని ఆమె గమనించి, అసలు రాపిడో ఎలా నడుపుతున్నావని గట్టిగా నిలదీసింది.

చర్మిన్నార్ వద్ద మహిళకు విచిత్ర అనుభవం.

హైదరాబాద్‌లోని చార్మినార్ సమీపంలో రాత్రి 9 గంటల సమయంలో ఆటో కోసం వేచి చూస్తున్న సిద్ధి అనే మహిళను మహమ్మద్ ఇర్ఫాన్ అనే వ్యక్తి ర్యాపిడో డ్రైవర్‌గా పరిచయం చేసుకున్నాడు.

అతని వాహనానికి నంబర్ ప్లేట్ లేకపోవడంతో పాటు, ర్యాపిడో ఐడీ చూపించమంటే… pic.twitter.com/QVZEQ6FYU6

— ఉదయం (@udayamdigital) August 10, 2026

ఆ వ్యక్తి తన పేరు ఇర్ఫాన్ అని చెప్పినప్పటికీ, తన రాపిడో ఐడీ చూపించలేకపోయాడు.  విచిత్రమేమిటంటే, ఆ వ్యక్తి బైక్ స్టార్ట్ కావడం లేదని ఆ మహిళ వీడియోలో చూపించింది. కానీ అతను మాత్రం ప్రయాణికులను డ్రాప్ చేస్తానని ఆఫర్లు ఇస్తున్నాడు. సిద్ధి అతడిని గట్టిగా మందలిస్తూ, ఇలాంటి మోసాలకు పాల్పడవద్దని హెచ్చరించింది. "నీ బండి స్టార్ట్ కావడం లేదు, కానీ నన్ను డ్రాప్ చేస్తానంటావా? సిగ్గుండాలి" అంటూ అతడిని అక్కడి నుండి పంపించివేసింది. మహిళల భద్రత దృష్ట్యా గుర్తుతెలియని వ్యక్తులు ఇచ్చే ఇలాంటి ఆఫర్ల పట్ల జాగ్రత్తగా ఉండాలని ఈ ఘటన హెచ్చరిస్తోంది.
Also Read: Adilabad News: కేంద్ర ప్రభుత్వం ప్రజా వ్యతిరేక విధానాలు ఆపాలి.. 4 లేబర్ కోడ్ లను రద్దు చేయాలి 

మీరు కూడా బైక్ క్యాబ్స్ బుక్ చేసుకుని జర్నీ చేస్తున్నారా.. అయితే ఈ వీడియోపై ఓ లుక్కేయండి. ఆ మహిళ తరహాలో మీరు అప్రమత్తంగా వ్యవహరిచాలని నెటిజన్లు కామెంట్లు చేస్తున్నారు. అతడి మాట నమ్మి యాప్ ద్వారా బుకింగ్ జరగకుండా బైక్ ఎక్కితే ఆమె పరిస్థితి ఎలా ఉండేదోనంటూ నెటిజన్లు కామెంట్లు చేస్తున్నారు. 

మరిన్ని చదవండి

కేంద్ర ప్రభుత్వం ప్రజా వ్యతిరేక విధానాలు ఆపాలి.. 4 లేబర్ కోడ్ లను రద్దు చేయాలి

యాప్ లేదు, బైక్‌ నెంబర్ ప్లేట్ లేదు.. హైదరాబాద్‌లో ఫేక్ రాపిడో డ్రైవర్‌ను నిలదీసిన మహిళ !