The Taj Story OTT : ఓటీటీలోకి కాంట్రవర్సీ మూవీ 'ది తాజ్ స్టోరీ' - ఎప్పుడు, ఎందులో స్ట్రీమింగ్ అంటే?

The Taj Story OTT Platform : బాలీవుడ్‌ రీసెంట్ కాంట్రవర్సీ మూవీ 'ది తాజ్ స్టోరీ' ఓటీటీలోకి వచ్చేస్తోంది. గతేడాది రిలీజైన మూవీ దాదాపు 4 నెలల తర్వాత స్ట్రీమింగ్ అవుతోంది.

ఓటీటీలోకి పరేష్ రావల్ ది తాజ్ స్టోరీ

Source : https://www.instagram.com/p/DR3ARlWk4He/?hl=en

Paresh Rawal's The Taj Story Movie OTT Release Date Locked : బాలీవుడ్ యాక్టర్ పరేశ్ రావల్ ప్రధాన పాత్రలో నటించిన రీసెంట్ కోర్టు రూం డ్రామా 'ది తాజ్ స్టోరీ'. గతేడాది అక్టోబర్ 31న ప్రేక్షకుల ముందుకు వచ్చిన ఈ మూవీ పలు వివాదాలకు దారి తీసింది. తాజ్ మహల్ నుంచి శివుని విగ్రహం బయటకు వస్తున్న దృశ్యంతో రిలీజైన పోస్టర్ కాంట్రవర్సీగా నిలిచింది. దాదాపు 4 నెలల తర్వాత ఇప్పుడు ఓటీటీలోకి వచ్చేందుకు రెడీ అవుతోంది.

స్ట్రీమింగ్ ఎప్పుడంటే?

'ది తాజ్ స్టోరీ' మూవీ డిజిటల్ రైట్స్ ప్రముఖ ఓటీటీ 'లయన్స్ గేట్ ప్లే' సొంతం చేసుకోగా ఈ నెల 13 నుంచి హిందీతో పాటు తెలుగు, తమిళ్ భాషల్లో స్ట్రీమింగ్ కానుంది. 'చరిత్ర చెప్పింది. ఇప్పుడు అది ప్రశ్నించబడుతోంది.' అంటూ స్పెషల్ పోస్టర్ రిలీజ్ చేశారు. ఈ మూవీకి తుషార్ అమ్రిష్ గోయల్ దర్శకత్వం వహించగా... పరేష్ రావల్‌తో పాటు జాకీర్ హుస్సేన్, అమృత ఖాన్విల్కర్, నమిత్ దాస్, స్నేహ వాఘ్ తదితరులు కీలకపాత్రలు పోషించారు. సురేశ్ ఝూ ఈ మూవీని నిర్మించారు.

History has been told.​
Now it’s being questioned.​#TheTajStory coming on Lionsgate Play this March 13th! #TruthOnTrial #pareshrawal pic.twitter.com/nUfWZwgv93

— Lionsgate Play (@lionsgateplayIN) March 6, 2026

స్టోరీ ఏంటంటే?

తాజ్ మహల్ నిజంగా షాజహానే నిర్మించాడా? లేదా దీని వెనుక ఏదైనా తెలియని స్టోరీ ఉందా? అనేదే ప్రధానాంశంగా ఈ మూవీని రూపొందించారు. తాజ్ మహల్ ఓ పురాతన శివాలయం అని, దీన్ని షాజహాన్ ఆక్రమించి సమాధిగా మార్చాడని చరిత్రకారుడు పీఎన్ ఓక్ వివాదాస్పద సిద్ధాంతం. 4వ శతాబ్దంలో రాజా పరమార్థి దేవ్ నిర్మించారని... 17వ శతాబ్ధంలో షాజహాన్ దీన్ని మార్చారంటూ కొందరు నమ్ముతారు. అయితే, పురాతత్వ శాఖ దీన్ని నిరాకరించింది.

ఇది హిందూ దేవాలయం అని నిరూపించేందుకు ఓ గైడ్ చేసిన న్యాయ పోరాటమే 'ది తాజ్ స్టోరీ'. వివాదాస్పద అంశంపై చాలా మంది విమర్శలు గుప్పించారు. ఈ క్రమంలో కాంట్రవర్సీల మధ్యే ప్రేక్షకుల ముందుకు వచ్చింది. దాదాపు 4 నెలల తర్వాత మూవీ ఓటీటీలోకి రాబోతోంది.

మరిన్ని చదవండి

ఈ నగరానికి ఏమైంది? సీక్వెల్ రిలీజ్ ఎప్పుడంటే? - డైరెక్టర్ తరుణ్ భాస్కర్ కన్ఫర్మ్ చేసేశారుగా...