Covid Vaccination: 'మోదీ ఫొటో ఉంటే తప్పేంటి? 100 కోట్ల మందికి లేని బాధ మీకెందుకు?'

కరోనా వ్యాక్సినేషన్‌ సర్టిఫికెట్‌పై ప్రధాని మోదీ చిత్రం ఉంటే తప్పేంటని కేరళ హైకోర్టు ప్రశ్నించింది.

'మోదీ ఫొటో ఉంటే తప్పేంటి? 100 కోట్ల మందికి లేని బాధ మీకెందుకు?'

కరోనా వ్యాక్సినేషన్ సర్టిఫికెట్‌పై ప్రధాని నరేంద్ర మోదీ ఫొటోను తొలిగించాలని దాఖలైన పిటిషన్‌పై కేరళ హైకోర్టు కీలక వ్యాఖ్యలు చేసింది. 'టీకా ధ్రువపత్రంపై మోదీ ఫొటో ఉంటే మీకు ఏమైనా అవమానమా?' అని ప్రశ్నించింది. ఈ పిటిషన్​ విచారణ అర్హతను పరిశీలించిన జస్టిస్​ పీవీ కున్హిక్రిష్ణన్​ నేతృత్వంలోని ధర్మాసనం ఈ మేరకు వ్యాఖ్యానించింది.

" ప్రధానిని దేశ ప్రజలు ఎన్నుకున్నారు. మరి వ్యాక్సినేషన్​ సర్టిఫికెట్​పై ఆయన ఫొటో ఉంటే తప్పు ఏంటి? విదేశాల్లో వారి ప్రధానిని చూసి గర్వపడకపోవచ్చు. మనం మన ప్రధానిని చూసి గర్విస్తున్నాం. మీరు ఎందుకు ఇబ్బంది పడుతున్నారు? ప్రజల తీర్పుతో ఆయన అధికారంలోకి వచ్చారు. మనకు వేరువేరు రాజకీయ ఆలోచనలు ఉండవచ్చు. కానీ, ఆయన మన ప్రధాని. 100 కోట్లకుపైగా ఉన్న దేశంలో ప్రధాని ఫొటోతో ఎవరికీ ఇబ్బంది రానప్పుడు.. మీకే ఎందుకు ఇబ్బంది?                                             "

- కేరళ హైకోర్టు

పిటిషన్ ఏంటంటే?

టీకా ధ్రువపత్రాలపై ప్రధాని ఫొటోలు ముద్రించటం విదేశాల్లో లేవని పిటిషనర్​ తన వ్యాజ్యంలో పేర్కొన్నారు. ధ్రువపత్రం అనేది వ్యక్తిగత వివరాలతో కూడినదని అందులో మరో వ్యక్తి ఫొటో ముద్రించటం సరికాదన్నారు. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి