Sukesh Chandrashekhar Case: జాక్వెలిన్‌కు బిగుస్తోన్న ఈడీ ఉచ్చు.. బహుమతుల లిస్ట్ ఇదే!

రూ.200 కోట్ల మనీలాండరింగ్ కేసు ప్రధాన నిందితుడు సుకేశ్ చంద్రశేఖర్ నుంచి హీరోయిన్ జాక్వెలిన్ ఫెర్నాండెజ్ విలువైన వస్తువలను బహుమతులుగా పొందినట్లు ఈడీ విచారణలో తేలింది.

జాక్వెలిన్‌కు బిగుస్తోన్న ఉచ్చు

బావీవుడ్ నటి జాక్వెలిన్ ఫెర్నాండెజ్ చుట్టూ మనీలాండరింగ్ కేసు ఉచ్చు బిగుస్తోంది. ఈ కేసులో ప్రధాన నిందితుడు సుకేశ్ చంద్రశేఖర్ నుంచి ఆమె ఖరీదైన కానుకలు తీసుకున్నారని ఈడీ విచారణలో తేలింది. ఈడీ ఛార్జిషీట్ ప్రకారం ఫెర్నాండేజ్ తీసుకున్న కొన్ని కానుకలు బయటకు వచ్చాయి.

ఇవే గిఫ్ట్‌లు..

• గూచీ, ఛానల్​ కంపెనీలకు చెందిన మూడు డిజైనర్​ బ్యాగులు.
• గుచీ సంస్థకు చెందిన 2 జిమ్​ షూట్లు.
• ఒక జత లూయిస్​ విట్టన్​ షూ, రెండు జతల డైమండ్​ చెవిపోగులు.
• మల్టీకలర్​ రాళ్ల బ్రాస్​లెట్​, రెండు హీర్మేస్​ బ్రాస్​లెట్​లు, ఒక మినీ కూపర్​

చాలా సందర్భాల్లో జాక్వెలిన్ కోసం చంద్రశేఖర్​ ప్రైవేట్​ జెట్​ ట్రిప్పులు సైతం ఏర్పాటు చేసినట్లు ఈడీ విచారణలో తేలింది. చంద్రశేఖర్ నుంచి సుమారు రూ.10 కోట్లు విలువైన కానుకలు జాక్వెలిన్ తీసుకున్నారన్న ఆరోపణలపై ఈడీ విచారిస్తోంది. 

ఇదే కేసు..

రాన్​బాక్సీ మాజీ ప్రమోటర్లు మల్విందర్​ సింగ్​, శివిందర్​ సింగ్​కు బెయిల్​ ఇప్పిస్తానని నమ్మించి వారి భార్యల దగ్గర నుంచి ఏకంగా రూ.200 కోట్లు వసూలు చేశాడు సుకేశ్​ చంద్రశేఖర్​. శివిందర్​ సింగ్​ భార్య అదితి సింగ్​ ఫిర్యాదు మేరకు కేసు నమోదు చేసి చంద్రశేఖర్‌ను అరెస్ట్​ చేసింది దిల్లీ ఆర్థిక నేరాల నిరోధక విభాగం(ఈఓడబ్ల్యూ).

కేంద్ర న్యాయశాఖలోని ఉన్నతాధికారిగా పరిచయం చేసుకుని వారిని మోసం చేసినట్లు తేల్చింది. రూ.200 కోట్ల దోపిడీ కేసులో చంద్రశేఖర్​ సన్నిహితుడు లీనా మరియా పాల్​ సహా.. బాలీవుడ్​ హీరోయిన్​ జాక్వెలిన్​ ఫెర్నాండెజ్​ను ఈడీ ప్రశ్నించింది. తిహాడ్​ జైలు నుంచే కాలర్​ ఐడీ స్పూఫింగ్​ ద్వారా జాక్వెలిన్​ ఫెర్నాండెజ్​ను సుకేశ్​ చంద్రశేఖర్ సంప్రదించినట్లు ఎన్​ఫోర్స్​మెంట్​ డైరెక్టరేట్​ వర్గాలు తెలిపాయి. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి