Harnaaz Sandhu Video: ఆ సమాధానమే 21 ఏళ్ల తర్వాత 'విశ్వసుందరి' టైటిల్ తెచ్చిపెట్టింది!

విశ్వసుందరి టైటిల్ గెలిచిన భారత యువతి హర్నాజ్ సంధు.. అందమైన అమ్మాయి మాత్రమే కాదు చాలా తెలివైనది కూడా. ఆమె సమాధానాలు వింటే మీకు అర్థమవుతుంది.

ఆ సమాధానమే 21 ఏళ్ల తర్వాత 'విశ్వసుందరి' టైటిల్ తెచ్చిపెట్టింది!

హర్నాజ్ సంధు.. ప్రస్తుతం ఈ పేరు మార్మోగిపోతోంది. మిస్​ యూనివర్స్​-2021 పోటీల్లో విజేతగా నిలిచి కిరీటాన్ని సొంతం చేసుకుంది భారత యువతి హర్నాజ్​ సంధు. అయితే టైటిల్ గెలిచే ముందు హర్నాజ్ చెప్పిన మాటలు ప్రస్తుత వైరల్‌గా మరాయి. 

ఈ పోటీల్లో గెలవాలంటే పలు ప్రశ్నలకు జవాబులు ఇవ్వాల్సి ఉంటుంది. ఈ జవాబులే ఈ ముద్దుగుమ్మకు కిరీటం అందేలా చేసింది. ఇంతకీ ఆ ప్రశ్న ఏంటో మీరే చూడండి.

The Impeccable Miss India Harnaaz Sandhu ✨✨✨#MissIndia#HarnaazSandhu#MissUniverse#MissUniverseindia#MU pic.twitter.com/goo5LMVRSD

— Daryll (@urbrhjeyxi) December 11, 2021

టాప్​-3 రౌండ్​లో 'నేడు తీవ్ర ఒత్తిడిని ఎదుర్కొంటున్న యువతకు మీరేం సలహా ఇస్తారు?' అని న్యాయనిర్ణేతలు అడిగారు. దీని హర్నాజ్ చెప్పిన సమధానం జడ్జీలనే కాదు.. నెటిజన్లను కూడా ఆకట్టుకుంది.

" నేటి యువత ఎదుర్కొంటున్న అతి పెద్ద సమస్య ఒత్తిడి. దీని కారణం ఏమిటంటే.. ఆత్మవిశ్వాసం లేకపోవడం. అందరిలో మీరు ప్రత్యేకం అని తెలుసుకోవాలి. అదే మిమ్మల్ని అందంగా తీర్చిదిద్దుతుంది. ఇతరులతో మిమ్మల్ని పోల్చుకోవడం మానేయాలి. ప్రపంచవ్యాప్తంగా జరుగుతున్న ముఖ్య విషయాల గురించి ఎక్కువగా చర్చించాలి. బయటకు రండి, మీ గురించి మాట్లాడండి. ఎందుకంటే మీ జీవితానికి మీరే లీడర్​. నాలో ఆత్మవిశ్వాసం ఉంది కనుకే ఈ రోజు మీ ముందు ఇలా నిలబడగలిగాను.                                               "

-హర్నాజ్ సంధు, మిస్ యూనివర్స్-2021

Congratulations India! 🎉🇮🇳..The Crown Is Coming Back Home After 21 Years!! All thanks To Harnaaz Sandhu ! 🎉#MissUniverse2021 #MissUniverse #70thMissUniverse pic.twitter.com/sdFVZPZyun

— Himanshu Chand हिमांशु चन्द (@MrHimanshubjpup) December 13, 2021

భారత యువతి హర్నాజ్ సంధు మిస్​ యూనివర్స్​-2021 కిరీటాన్ని దక్కించుకుంది. ఇజ్రాయెల్ వేదికగా జరిగిన ఈ పోటీల్లో 80 దేశాల నుంచి ముద్దుగుమ్మలు పాల్గొన్నారు. వారందరినీ వెనక్కినెట్టి మిస్ యూనివర్స్ కిరీటాన్ని సొంతం చేసుకుంది. దీంతో 21 ఏళ్ల తర్వాత భారత్​కు ఈ టైటిల్ దక్కింది. తాను టైటిల్ గెలిచేందుకు సహకరించిన ప్రతి ఒక్కరికి ఆమె కృతజ్ఞతలు తెలిపారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి