Kashi Vishwanath Corridor: మోదీ కలల ప్రాజెక్ట్ సాకారం.. 'కాశీ విశ్వనాథ్ కారిడార్​' ప్రారంభం

మోదీ కలల ప్రాజెక్ట్ కాశీ విశ్వనాథ్ కారిడార్‌ ప్రారంభమైంది. కాశీలో నూతన అధ్యాయం లిఖించామని ఈ సందర్భంగా మోదీ అన్నారు.

కాశీ విశ్వనాథ్ కారిడార్ ప్రారంభం

ఉత్తర్​ప్రదేశ్​ వారణాసి పట్టణంలో నిర్మించిన 'కాశీ విశ్వనాథ్ కారిడార్​' ఫేజ్ 1ను ప్రధానమంత్రి నరేంద్ర మోదీ ప్రారంభించారు. మోదీ కలల ప్రాజెక్టు అయిన కాశీక్షేత్ర అభివృద్ధి కారిడార్​ను దేశ ప్రజలకు అంకితం చేశారు.

Koo App

హర హర గంగే! హర హర మహాదేవ్!! కాశీ విశ్వనాథ్ ధామ్ కారిడార్ ప్రారంభోత్సవానికి ముందుగా ప్రధానమంత్రి శ్రీ నరేంద్రమోదీ గారు ’త్రినేత్ర రుద్రాక్ష మాల’ కు నమస్కరించి, వారణాశిలోని గంగా నదిలో పవిత్ర స్నానమాచరించారు. #KashiVishwanathDham

View attached media content

- Kishan Reddy Gangapuram (@kishanreddybjp) 13 Dec 2021

" కాశీ విశ్వనాథుడి పాదాలకు నమస్కరిస్తున్నాను. అందరికీ కాశీ విశ్వనాథుడి ఆశీస్సులు ఉంటాయి. ఎన్నో ఏళ్లు వేచిచూసిన సమయం ఆసన్నమైంది. కాశీలో అడుగుపెడితే అన్ని బంధాల నుంచి విముక్తి కలుగుతుంది. కాశీలో అడుగుపెట్టగానే అంతరాత్మ మేల్కొంటుంది. కాశీ చరిత్రలో ఇవాళ నూతన అధ్యాయం రచించాం. భారత ప్రాచీనతకు, సంప్రదాయానికి కాశీ ప్రతీక. ఈనాటి కార్యక్రమంతో గంగా నది ప్రసన్నమైంది. విశ్వనాథుడి దర్శనానికి దివ్యాంగులకు ప్రత్యేక ఏర్పాట్లు చేశాం. కొందరు వారణాసి అంశాన్ని కూడా రాజకీయం చేశారు. కాశీలో శివుడి ఆజ్ఞ లేనిదే ఏమీ జరగదు.                                             "

-      ప్రధాని నరేంద్ర మోదీ

కలల ప్రాజెక్ట్..

ఈ ప్రాజెక్టు తొలి దశ పనుల కోసం రూ. 339 కోట్లు వెచ్చించింది ప్రభుత్వం. ఈ కార్యక్రమంలో వివిధ మఠాలకు చెందిన 3 వేలమందికిపైగా సాధువులు, మత పెద్దలు, కళాకారులు, పురప్రముఖులతో పాటు భాజపా పాలిత 12 రాష్ట్రాల సీఎంలూ పాల్గొన్నారు. వారణాసి ఎంపీగా ఈ మెగా కారిడార్​ పనులకు 2019 మార్చి 8న మోదీ శంకుస్థాపన చేశారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి