CBSE Controversy Question: పార్లమెంటులో సీబీఎస్ఈ వివాదంపై చర్చ.. ప్రధాని క్షమాపణలు చెప్పాలని సోనియా డిమాండ్

సీబీఎస్ఈ ప్రశ్నాపత్రంలో ఇచ్చిన ఓ వ్యాసం అభ్యంతరకరంగా ఉందని.. దీనిపై ప్రధాని మోదీ క్షమాపణలు చెప్పాలని కాంగ్రెస్ అధినేత్రి సోనియా గాంధీ పార్లమెంటులో డిమాండ్ చేశారు.

మోదీ క్షమాపణలు చెప్పాలని సోనియా గాంధీ డిమాండ్

సీబీఎస్‌ఈ పదో తరగతి ఇంగ్లీష్ పరీక్ష ప్రశ్నాపత్రంపై తలెత్తిన వివాదంపై పార్లమెంటులో వాడివేడీ చర్చ జరిగింది. కాంగ్రెస్ అధినేత్రి సోనియా గాంధీ.. ఈ ప్రశ్నాపత్రంలోని ఓ వ్యాసం అభ్యంతరకరంగా ఉందని.. దీనిపై ప్రధాని నరేంద్ర మోదీ క్షమాపణలు చెప్పాలని సోనియా గాంధీ డిమాండ్ చేశారు. 

#WATCH | Congress interim chief Sonia Gandhi raises in Lok Sabha the issue of inclusion of a 'shockingly regressive passage' in CBSE's question paper for Grade 10 exam, demands withdrawal of the passage & apology

(Source: Sansad TV) pic.twitter.com/lO1Db4ty3q

— ANI (@ANI) December 13, 2021

" విద్యాశాఖ, సీబీఎస్ఈ వెంటనే ఈ ప్రశ్నాపత్రంలోని సదరు ప్రశ్నను తొలగించాలని డిమాండ్ చేస్తున్నాను. దీనిపై దర్యాప్తు చేసి సంబంధిత వ్యక్తులపై చర్యలు చేపట్టాలి. ఇలాంటి ఘటన మరోసారి పునరావృతం కాకుండా చూడాలి.                                             "

-సోనియా గాంధీ, కాంగ్రెస్ అధినేత్రి

వివాదమేంటి?

సీబీఎస్ఈ ప్రశ్నాపత్రంలోని ఓ కాంప్రహెన్షన్​ ప్యాసేజీలోని వ్యాఖ్యలు మహిళా సమానత్వాన్ని దెబ్బతీసేలా ఉన్నాయంటూ విమర్శలు ఎదురవుతున్నాయి. శనివారం నిర్వహించిన ఈ పరీక్ష ప్రశ్నాపత్రంలో 'భర్త అడుగుజాడల్లో నడవడం ద్వారానే ఒక తల్లి తన పిల్లల నుంచి విధేయత వంటివాటిని పొందగలుగుతుంది' అంటూ పలు అంశాలున్నాయి.

అయితే ఇలాంటి వ్యాఖ్యల వల్ల మహిళా సమానత్వం దెబ్బతింటుందనే వ్యాఖ్యలు వినిపిస్తున్నాయి. పలువురు విపక్ష నేతలు దీనిని ఖండించారు.

ఈ వ్యవహారంపై కాంగ్రెస్​ నేత రాహుల్​ గాంధీ కూడా మండిపడ్డారు. ఇది ఆర్​ఎస్​ఎస్​- భాజపా చేసిన కుట్ర అని విమర్శించారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి