Lava AGNI Offer: లావా సూపర్ 5జీ ఫోన్ ఉచితంగా పొందవచ్చు.. జనవరి 7 వరకు ఆఫర్.. ఏం చేయాలంటే?

భారతీయ స్మార్ట్ ఫోన్ బ్రాండ్ లావా తన అగ్ని 5జీ స్మార్ట్ ఫోన్‌పై భారీ ఆఫర్ అందించింది.

లావా అగ్ని 5జీ స్మార్ట్ ఫోన్‌పై కంపెనీ సూపర్ ఆఫర్‌ను అందించింది.

లావా అగ్ని 5జీ స్మార్ట్ ఫోన్ ఇటీవలే మనదేశంలో లాంచ్ అయిన సంగతి తెలిసిందే. కంపెనీ మనదేశంలో లాంచ్ చేసిన మొదటి 5జీ ఫోన్ ఇదే. ఇప్పుడు లావా దీనిపై ఎక్స్‌చేంజ్ ఆఫర్‌ను అందించింది. రియల్‌మీ 8ఎస్‌తో ఎక్స్‌చేంజ్ చేసుకుంటే ఈ ఫోన్‌ను ఉచితంగా పొందవచ్చు. రియల్‌మీ 8ఎస్ 6 జీబీ, 8 జీబీ ర్యామ్ వేరియంట్లు రెండిటికీ ఈ ఆఫర్ అందుబాటులో ఉంది.

ఈ ఎక్స్‌చేంజ్ ఆఫర్ జనవరి 7వ తేదీ వరకు మాత్రమే అందుబాటులో ఉండనుంది. రియల్‌మీ 8ఎస్ వినియోగదారులు లావా ఈ-స్టోర్‌లో ఈ ఆఫర్‌ను క్లెయిమ్ చేసుకోవచ్చు. ఈ ఎక్స్‌చేంజ్ ప్రాసెస్‌ను కంపెనీ కస్టమర్ సర్వీస్ ఎగ్జిక్యూటివ్ ‘అగ్నిమిత్ర’ స్వయంగా పర్యవేక్షిస్తారు.

ఈ రెండు ఫోన్లూ మీడియాటెక్ డైమెన్సిటీ 810 ప్రాసెసర్‌పైనే పనిచేయనున్నాయి. లావా అగ్ని 5జీలో 6.78 అంగుళాల స్క్రీన్‌ను అందించారు. ఇందులో వెనకవైపు నాలుగు కెమెరాలు ఉన్నాయి. వీటిలో ప్రధాన కెమెరా సామర్థ్యం 64 మెగాపిక్సెల్ కాగా.. దీంతోపాటు 5 మెగాపిక్సెల్ వైడ్ యాంగిల్ లెన్స్, రెండు 2 మెగాపిక్సెల్ సెన్సార్లు కూడా ఉన్నాయి. ఇక రియల్‌మీ 8ఎస్‌లో 6.5 వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 64 మెగాపిక్సెల్ కాగా.. దీంతోపాటు రెండు 2 మెగాపిక్సెల్ సెన్సార్లు ఉన్నాయి.

ఈ రెండు ఫోన్లలోనూ ఫీచర్ల పరంగా లావా అగ్ని 5జీ కచ్చితంగా ఫీచర్ల పరంగా ముందుంది. కానీ ఎందుకు ఈ నిర్ణయం తీసుకుందో మాత్రం తెలియరాలేదు.

లావా అగ్ని 5జీ స్పెసిఫికేషన్లు
ఇందులో 6.78 అంగుళాల ఫుల్ హెచ్‌డీ+ డిస్‌ప్లేను అందించారు. ఈ ఫోన్ స్క్రీన్ రిఫ్రెష్ రేట్ 90 హెర్ట్జ్‌గా ఉంది. హోల్ పంచ్ తరహా డిజైన్‌ను ఇందులో అందించారు. ఆక్టాకోర్ మీడియాటెక్ డైమెన్సిటీ 810 ప్రాసెసర్‌పై లావా అగ్ని 5జీ పనిచేయనుంది.

8 జీబీ వరకు ర్యామ్, 128 జీబీ స్టోరేజ్ ఇందులో అందించారు. స్టోరేజ్‌ను మైక్రో ఎస్‌డీ కార్డు ద్వారా ఇంకా పెంచుకోవచ్చు. దీని బ్యాటరీ సామర్థ్యం 5000 ఎంఏహెచ్‌గా ఉంది. 30W ఫాస్ట్ చార్జింగ్‌ను ఇది సపోర్ట్ చేయనుంది. 90 నిమిషాల్లోపే ఈ ఫోన్ పూర్తిగా చార్జ్ కానుందని కంపెనీ అంటోంది. 

ఈ స్మార్ట్ ఫోన్‌లో వెనకవైపు నాలుగు కెమెరాలు ఉన్నాయి. వీటిలో ప్రధాన కెమెరా సామర్థ్యం 64 మెగాపిక్సెల్ కాగా, దీంతోపాటు 5 మెగాపిక్సెల్ వైడ్‌యాంగిల్ షూటర్, 2 మెగాపిక్సెల్ డెప్త్ సెన్సార్, 2 మెగాపిక్సెల్ మాక్రో షూటర్ కూడా అందించారు. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరాను అందుబాటులో ఉంది.

ఆండ్రాయిడ్ 11 ఆపరేటింగ్ సిస్టంపై లావా అగ్ని 5జీ పనిచేయనుంది.  5జీ, 4జీ వోల్టే, వైఫై, బ్లూటూత్, జీపీఎస్/ఏ-జీపీఎస్, యూఎస్‌బీ టైప్-సీ పోర్టు కూడా ఇందులో ఉన్నాయి. ఫోన్ పక్కభాగంలో ఫింగర్ ప్రింట్ సెన్సార్‌ను అందించారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి