Samsung Offers: గుడ్‌న్యూస్.. ఈ శాంసంగ్ ఫోన్ ధర తగ్గింపు.. ఇప్పుడు రూ.13 వేలలోపే!

ప్రముఖ స్మార్ట్ ఫోన్ బ్రాండ్ శాంసంగ్ తన గెలాక్సీ ఏ12 స్మార్ట్ ఫోన్‌పై భారీ తగ్గింపును అందించింది.

శాంసంగ్ గెలాక్సీ ఏ12 స్మార్ట్ ఫోన్‌పై రూ.1,000 డిస్కౌంట్‌ను అందించారు.

శాంసంగ్ గెలాక్సీ ఏ12 స్మార్ట్ ఫోన్ ధర రూ.1,000 మేర తగ్గింది. ఈ ఫోన్ మనదేశంలో ఆగస్టులోనే లాంచ్ అయింది. ఈ ఫోన్ శాంసంగ్ అధికారిక ఆన్‌లైన్ స్టోర్, అమెజాన్‌ల్లో అందుబాటులో ఉంది. 

శాంసంగ్ గెలాక్సీ ఏ12 ధర
ఈ ఫోన్ మనదేశంలో రెండు వేరియంట్లలో లాంచ్ అయింది. వీటిలో 4 జీబీ ర్యామ్ + 64 జీబీ స్టోరేజ్ వేరియంట్ ధర రూ.13,999 నుంచి రూ.12,999కు తగ్గింది. ఇక 6 జీబీ ర్యామ్ + 128 జీబీ స్టోరేజ్ వేరియంట్ ధర రూ.16,499 నుంచి రూ.15,499కు తగ్గింది.

శాంసంగ్ గెలాక్సీ ఏ12 స్పెసిఫికేషన్లు
ఆండ్రాయిడ్ 11 ఆధారిత వన్‌యూఐ 3.1 ఆపరేటింగ్ సిస్టంపై శాంసంగ్ గెలాక్సీ ఏ12 పనిచేయనుంది.  ఇందులో 6.5 అంగుళాల హెచ్‌డీ+ టీఎఫ్‌టీ డిస్‌ప్లేను అందించారు. శాంసంగ్ గెలాక్సీ ఏ12 స్క్రీన్ రిజల్యూషన్ 720×1600 పిక్సెల్స్‌గా ఉండగా, రిఫ్రెష్ రేట్ 60 హెర్ట్జ్‌గా ఉంది. 

దీని బ్యాటరీ సామర్థ్యం 5000 ఎంఏహెచ్‌గా ఉంది. 15W ఫాస్ట్ చార్జింగ్ సపోర్ట్ కూడా ఈ ఫోన్‌లో ఉంది. 6 జీబీ వరకు ర్యామ్, 128 జీబీ వరకు స్టోరేజ్ ఇందులో అందించారు. ఆక్టాకోర్ శాంసంగ్ ఎక్సినోస్ 850 ప్రాసెసర్‌పై గెలాక్సీ ఏ12 స్మార్ట్ ఫోన్ పనిచేయనుంది.

ఈ స్మార్ట్ ఫోన్‌లో వెనకవైపు నాలుగు కెమెరాలు అందించారు. వీటిలో ప్రధాన కెమెరా సామర్థ్యం 48 మెగాపిక్సెల్ కాగా, దీంతోపాటు 5 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో లెన్స్, 2 మెగాపిక్సెల్ డెప్త్ సెన్సార్ కూడా ఉన్నాయి. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరాను అందించారు.

ఫింగర్ ప్రింట్ సెన్సార్‌ను ఫోన్ పక్కభాగంలో అందించారు. 4జీ ఎల్టీఈ, డ్యూయల్ బ్యాండ్ వైఫై, బ్లూటూత్ వీ5.0, జీపీఎస్/ఏ-జీపీఎస్, యూఎస్‌బీ టైప్-సీ పోర్టు వంటి కనెక్టివిటీ ఫీచర్లు కూడా ఈ స్మార్ట్ ఫోన్‌లో ఉన్నాయి.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి