Tecno Camon 18: ముందు, వెనక 48 మెగాపిక్సెల్ కెమెరాలు.. ధర రూ.15 వేలలోపే.. వైర్‌లెస్ ఇయర్‌బడ్స్ ఫ్రీ!
ప్రముఖ స్మార్ట్ ఫోన్ బ్రాండ్ టెక్నో మనదేశంలో టెక్నో కామోన్ 18ను లాంచ్ చేసింది.
టెక్నో కామోన్ 18 స్మార్ట్ ఫోన్ మనదేశంలో లాంచ్ అయింది. బడ్జెట్ ధరలోనే ఈ స్మార్ట్ ఫోన్ లాంచ్ అయింది. ఇందులో వెనకవైపు 48 మెగాపిక్సెల్ ట్రిపుల్ కెమెరా సెటప్‌ను అందించారు. 6.8 అంగుళాల ఫుల్ హెచ్‌డీ+ భారీ డిస్‌ప్లే ఇందులో ఉంది. 4 జీబీ ర్యామ్ ఇందులో ఉంది. దీన్ని 7 జీబీ వరకు పెంచుకోవచ్చు.
టెక్నో కామోన్ 18 ధర
ఇందులో కేవలం ఒక్క వేరియంట్ మాత్రమే అందుబాటులో ఉంది. 4 జీబీ ర్యామ్ + 128 జీబీ స్టోరేజ్‌తో వచ్చిన ఈ వేరియంట్ ధరను రూ.14,999గా అందించారు. ఈ ఫోన్ కొంటే బడ్స్ 2 ట్రూ వైర్‌లెస్ ఇయర్ బడ్స్‌ను ఉచితంగా అందించనున్నారు. డస్క్ గ్రే, ఐరిస్ పర్పుల్ రంగుల్లో ఈ ఫోన్ కొనుగోలు చేయవచ్చు. డిసెంబర్ 27వ తేదీన దీని సేల్ జరగనుంది.
టెక్నో కామోన్ 18 స్పెసిఫికేషన్లు
ఆండ్రాయిడ్ 11 ఆధారిత హైఓఎస్ 8 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.8 అంగుళాల ఫుల్ హెచ్‌డీ+ డిస్‌ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్‌గా ఉంది. 4 జీబీ ర్యామ్, 128 జీబీ స్టోరేజ్ కూడా ఇందులో అందించారు. ఇందులో ర్యామ్‌ను 7 జీబీ వరకు పెంచుకునే ఆప్షన్ కూడా ఉంది.
మీడియాటెక్ హీలియో జీ85 ప్రాసెసర్‌ను ఇందులో అందించారు. ఇక కెమెరాల విషయానికి వస్తే.. ఇందులో వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 48 మెగాపిక్సెల్ కాగా, దీంతోపాటు 2 మెగాపిక్సెల్ డెప్త్ లెన్స్, ఏఐ లెన్స్ కూడా ఉండనున్నాయి. సెల్ఫీలు, వీడియో కాల్స్ కోసం ముందువైపు 48 మెగాపిక్సెల్ కెమెరాను అందించారు.
దీని బ్యాటరీ సామర్థ్యం 5000 ఎంఏహెచ్‌గా ఉంది. 18W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది. ఈ ఫోన్ కెమెరాలో స్లో మోషన్, నైట్ వీడియో మోడ్, వీడియో బొకే, ఇతర మోడ్స్ కూడా ఉన్నాయి.
Also Read: Honor 60: 108 మెగాపిక్సెల్ కెమెరాతో హానర్ కొత్త ఫోన్.. వ్లాగర్ల కోసం ప్రత్యేక ఫీచర్ కూడా!
Also Read: Lost Aadhar Card: ఆధార్ కార్డు పోయిందా.. స్మార్ట్ ఫోన్‌లో ఇలా చేస్తే చాలు.. కొత్త ఆధార్ ఇంటికి!
Also Read: Moto G51 5G: అత్యంత చవకైన మోటో 5జీ ఫోన్ వచ్చేస్తుంది.. మరో వారంలో లాంచ్.. ధర ఎంతంటే?
Also Read: Redmi New Phone: రెడ్‌మీ కొత్త ఫోన్ వచ్చేసింది.. 8 జీబీ ర్యామ్.. ధర ఎంతంటే?
Also Read: Lava AGNI 5G: స్వదేశీ 5జీ ఫోన్ వచ్చేసింది.. ఇలా కొంటే రూ.2,000 తగ్గింపు!
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి
టాప్ హెడ్ లైన్స్
ట్రెండింగ్ వార్తలు
