Prime Minister Surya Ghar Yojana: AC, రిఫ్రిజిరేటర్ కోసం సోలార్ ప్యానెల్ కెపాసిటీ ఎంత ఉండాలి? సోలార్ హోమ్ స్కీమ్ పరిమితులేంటీ? 

Prime Minister Surya Ghar Yojana: ఏసీ, రిఫ్రిజిరేటర్ వంటి భారీ విద్యుత్ ఉపకరణాలకు ఏ సోలార్ ప్యానెల్ అనుకూలంగా ఉంటుంది? ఈ పథకంలో వినియోగం, సబ్సిడీ పరిమితి తెలుసుకోవడం చాలా అవసరం. 

AC, రిఫ్రిజిరేటర్ కోసం సోలార్ ప్యానెల్ కెపాసిటీ ఎంత ఉండాలి? సోలార్ హోమ్ స్కీమ్ పరిమితులేంటీ? 

Source : freepik

Show Quick Read

Key points generated by AI, verified by newsroom

• విద్యుత్ బిల్లుల భారం తగ్గించుకోవడానికి సోలార్ ప్యానెల్స్ ఏర్పాటు పెరుగుతోంది.
• ఒక ఏసీ, రిఫ్రిజిరేటర్, ఫ్యాన్, లైట్లు, టీవీకి 3-4 కిలోవాట్ల సోలార్ ప్యానెల్ సరిపోతుంది.
• రెండు ఏసీలుంటే, 5 కిలోవాట్లు లేదా అంతకంటే ఎక్కువ సామర్థ్యం గల ప్యానెల్స్ అవసరం.
• ప్రధాన మంత్రి సూర్య ఘర్ యోజనలో 1-3 కిలోవాట్లకు అధిక సబ్సిడీలు అందుబాటులో ఉంటాయి.

Prime Minister Surya Ghar Yojana: చాలా మందికి ఏసీ, రిఫ్రిజిరేటర్‌ కొనుక్కోవాలనే ఉంటుంది. కానీ విద్యుత్ బిల్లులకు భయపడి వాటికి దూరంగా ఉంటారు. అయితే సోలార్‌ పవర్‌ వచ్చిన తర్వాత క్రమంగా ఆలోచనల్లో మార్పు వచ్చింది. పెరుగుతున్న విద్యుత్ బిల్లులను తగ్గించడానికి, ఎక్కువ మంది సోలార్ ప్యానెల్‌ల ఏర్పాటు వైపు మొగ్గు చూపుతున్నారు. సరైన సైజు సోలార్ సిస్టమ్‌ ఎంచుకోవడం చాలా ముఖ్యం, ముఖ్యంగా ఎయిర్ కండిషనర్లు, రిఫ్రిజిరేటర్లు వంటి విద్యుత్‌ను వినియోగించుకునే వస్తువులు ఉన్నప్పుడు ఇది మరింత ముఖ్యం. తక్కువ, మీ ఇంటి అవసరాలు తెలుసుకోకుండా సోలార్‌ ప్యానెల్‌ను ఇన్‌స్టాల్ చేస్తే జీవితాంతం బాధపడాల్సి వస్తుంది.  

మీరు మీ AC లేదా రిఫ్రిజిరేటర్ కోసం సోలార్ ప్యానెల్‌లను ఇన్‌స్టాల్ చేయాలని ఆలోచిస్తుంటే, 1-టన్ ఇన్వర్టర్ AC గంటకు సగటున 1 నుంచి 1.2 యూనిట్ల విద్యుత్తును వినియోగిస్తుంది. AC రోజుకు 6 నుంచి 8 గంటలు నడుస్తుంటే, 6 నుంచి 10 యూనిట్ల విద్యుత్ అవసరం. కాబట్టి, కనీసం 3 కిలోవాట్ల సోలార్ ప్యానెల్ అవసరం.

ఇప్పుడు, రిఫ్రిజిరేటర్ వినియోగం గురించి మాట్లాడుకుందాం. ఒక సాధారణ డబుల్-డోర్ రిఫ్రిజిరేటర్ రోజుకు సుమారు 1 నుంచి 1.5 యూనిట్ల విద్యుత్తును వినియోగిస్తుంది. రిఫ్రిజిరేటర్ నిరంతరం నడుస్తుంది, కాబట్టి దాని వినియోగం రోజంతా పెరుగుతుంది. మీరు రిఫ్రిజిరేటర్‌ను ACతో కలిపితే, మొత్తం డిమాండ్ మరింత పెరుగుతుంది.

మీ ఇంట్లో ఒక ఏసీ, ఒక రిఫ్రిజిరేటర్, ఫ్యాన్లు, లైట్లు, ఒక టీవీ ఉంటే, మీ రోజువారీ వినియోగం దాదాపు 10 నుంచి 12 యూనిట్లకు చేరుకుంటుంది. అటువంటి పరిస్థితిలో, 3 నుంచి 4 కిలోవాట్ల సోలార్ ప్యానెల్‌ వ్యవస్థ అనువైనది. ఇది పగటిపూట విద్యుత్తును ఉత్పత్తి చేస్తుంది. గ్రిడ్‌పై మీ ఆధారపడటాన్ని తగ్గిస్తుంది.

రెండు కంటే ఎక్కువ ఏసీలు ఉన్న ఇళ్లకు లెక్కలు మారుతూ ఉంటాయి. రెండు ఏసీలు ఉంటే, రోజువారీ వినియోగం 18 నుంచి 20 యూనిట్లకు చేరుకుంటుంది. అలాంటి ఇళ్లకు, 5 కిలోవాట్లు లేదా అంతకంటే ఎక్కువ సామర్థ్యం గల సోలార్ ప్యానెల్‌లను ఏర్పాటు చేయడం ఉత్తమం. ఇది లోడ్ నిర్వహణను సులభతరం చేస్తుంది. విద్యుత్తు అంతరాయాల ప్రభావాన్ని తగ్గిస్తుంది.

ప్రధాన మంత్రి సూర్య ఘర్ యోజన (PMGSY) కింద, సౌర ఫలకాలకు పరిమితి ఉంటుంది. సాధారణంగా, 1 నుంచి 3 కిలోవాట్ల సామర్థ్యం ఉన్న వ్యవస్థలకు అధిక సబ్సిడీలు లభిస్తాయి. అయితే, అవసరాలు, పైకప్పుపై ఉన్న స్థలాన్ని బట్టి పెద్ద ప్యానెల్స్‌ను ఏర్పాటు చేసుకోవచ్చు. అయితే, సబ్సిడీ పరిమితంగానే ఉంటుంది. 

సౌర ఫలకాలను ఏర్పాటు చేసే ముందు, మీ వాస్తవ లోడ్‌పై లెక్కలు వేసుకోవడం చాలా ముఖ్యం. మీ AC, రిఫ్రిజిరేటర్, ఇతర ఉపకరణాలు ఎంత విద్యుత్తును వినియోగిస్తాయో అంచనా వేయండి. అప్పుడు మాత్రమే మీరు మీ సోలార్ ప్యానెల్‌ను ఎంచుకోవాలి. సరైన పరిమాణంలో ఉన్న ప్యానెల్‌ మీ బిల్లులను తగ్గించడమే కాకుండా దీర్ఘకాలంలో మీకు లాభదాయకంగా మారుతుంది. లేకుంటే అటు విద్యుత్ బిల్లు కూడా భారం కావచ్చు.                                         

మరిన్ని చదవండి

300 యూనిట్ల ఉచిత విద్యుత్ కోసం ఫ్లాట్‌లో ఎన్ని మెగావాట్ల సోలార్ ప్యానెల్ అవసరం? సూర్య ఘర్ యోజన నియమాలేంటీ?

మీ ఫోన్‌,వైఫై డేటాను అమ్ముకోవచ్చు తెలుసా? కేంద్రం తీసుకొచ్చిన ఈ పథకం వివరాలు ఇవే!