Surya Ghar Yojana scheme: 300 యూనిట్ల ఉచిత విద్యుత్ కోసం ఫ్లాట్‌లో ఎన్ని మెగావాట్ల సోలార్ ప్యానెల్ అవసరం? సూర్య ఘర్ యోజన నియమాలేంటీ?

Surya Ghar Yojana scheme: విద్యుత్ బిల్లు తగ్గించుకోవడానికి సోలార్ ప్యానెల్స్ ఏర్పాటు చేసుకునే వారి సంఖ్య పెరుగుతోంది. ఫ్లాట్లలో నియమాలు తెలుసుకోండి.

పెరుగుతున్న విద్యుత్ బిల్లులతో ప్రజలు చాలా ఇబ్బంది పడుతున్నారు. అందుకే, వాటిని తగ్గించుకోవడానికి చాలా మార్గాలను వెతుకుతున్నారు. ఒక ప్రభావవంతమైన మార్గం ఏమిటంటే ఇంట్లో సోలార్ ప్యానెల్స్ ఏర్పాటు చేసుకోవడం. ఫ్లాట్లలో రూఫ్ టాప్ సోలార్ ఏర్పాటు చేసుకోవడం ద్వారా మీరు మీ ఇంటి కోసం విద్యుత్ను ఉత్పత్తి చేసుకోవచ్చు.

ఇంట్లో సోలార్ ప్యానెల్స్ ఏర్పాటు చేసుకోవడానికి భారత ప్రభుత్వం పీఎం సూర్యఘర్ యోజన కింద సబ్సిడీ కూడా ఇస్తుంది. దీనివల్ల ప్రజలకు సోలార్ ప్యానెల్స్ ఏర్పాటు చేసుకునే ఖర్చు చాలా వరకు తగ్గుతుంది. మీరు ఎక్కువ విద్యుత్ ఉత్పత్తి చేస్తే, దానిని అమ్మవచ్చు కూడా.

మీ లక్ష్యం నెలకు 300 యూనిట్లు అయితే, దీని కోసం ఎన్ని మెగావాట్ల సోలార్ ప్యానెల్స్ అవసరమో మీకు తెలియకపోతే, సాధారణంగా 3 kW ఆన్-గ్రిడ్ సిస్టమ్ సరిపోతుందని మీకు తెలియజేద్దాం. 3 kW అంటే 0.003 MW మెగావాట్లు.

భారతదేశంలో 1 kW వ్యవస్థ రోజుకు సగటున 3–4 kWh ఇస్తుంది. కాబట్టి 2.5–3 kW రేటింగ్ ప్రతి నెలా 300 kWh ఇవ్వగలదు. అయితే ఇది వాతావరణం, ప్రదేశంపై ఆధారపడి ఉంటుంది. దాని ప్రకారం ఇది మారవచ్చు.

కేంద్ర ప్రభుత్వ పిఎం సూర్య ఘర్ యోజన కింద ప్రభుత్వం ప్రజల విద్యుత్ బిల్లులను సున్నా చేయాలనుకుంటోంది. ఈ పథకంలో 1–3 kW వరకు ఉన్న సిస్టమ్స్‌పై ప్రభుత్వం సబ్సిడీ ఇస్తుంది. కాబట్టి 3 kW వరకు ఇన్‌స్టాలేషన్ ఈ పథకం కింద సరైనది.

మీరు ఫ్లాట్‌లో ఏర్పాటు చేసుకుంటున్నారు కాబట్టి, ముందుగా మీరు రూఫ్ స్పేస్ ను చూడాలి. ఆ తర్వాత ఎన్ని ప్యానెల్స్ అవసరమో చూడండి. 330–400 W ప్యానెల్స్ ప్రకారం 3 kW కోసం దాదాపు 8–10 ప్యానెల్స్ అవసరం. దీని కోసం సాధారణంగా 200–350 చదరపు అడుగుల స్థలం అవసరం.

అనేక రాష్ట్రాల్లో ఈ పథకం నిబంధనలు వేర్వేరుగా ఉన్నాయి. గ్రూప్ హౌసింగ్ లేదా అపార్ట్మెంట్లకు వేర్వేరు నియమాలు ఉండవచ్చు. కొన్ని డిస్కామ్లు నెట్-మీటరింగ్ నిబంధనలు, కనీస ఛార్జీలను వసూలు చేస్తాయి, కాబట్టి మొదట మీ స్థానిక డిస్కామ్ విధానాన్ని కూడా తెలుసుకోండి. దీని తరువాత మీరు ఆన్లైన్లో దరఖాస్తు చేసుకోవచ్చు.