Aadhaar Mobile Number Update : ఆధార్‌లో మొబైల్ నంబర్ ఇలా అప్డేట్ చేసేయండి.. పూర్తి ప్రక్రియ ఇదే

Update Aadhaar with Mobile Number : ఆధార్లో మొబైల్ నంబర్ మార్చుకోవడం చాలా సులభం. OTP, ముఖ గుర్తింపుతో ఇంట్లో నుంచే అప్డేట్ చేసుకోవచ్చు. ఆ ప్రక్రియ ఎలా చేయాలో చూసేద్దాం.

ఆధార్కి మొబైల్ నంబర్ ఇలా లింక్ చేయండి

ఆధార్ కార్డులో లింక్ చేసిన మొబైల్ నంబర్‌పై OTP ద్వారా చాలా చోట్ల వెరిఫికేషన్ జరుగుతుంది. కానీ కొన్నిసార్లు మొబైల్ నంబర్ ఆగిపోతుంది. లేదా ఓటీపీ రాదు. అప్పుడు సమస్య వస్తుంది. ఆ సమయంలో మీరు నంబర్‌ను మార్చుకోవాలి.

దీనివల్ల ఇప్పుడు మొబైల్ నంబర్ అప్డేట్ చేయించుకునేవారికి పెద్ద ఉపశమనం కలుగుతుంది. ఇంతకుముందు ఈ పని కోసం ఆధార్ కేంద్రానికి వెళ్లి లైన్లో నిలబడాల్సి వచ్చేది. కానీ ఇప్పుడు ఈ ప్రక్రియను ఇంటి నుంచే పూర్తి చేయవచ్చు. OTP ధృవీకరణ, ఫేస్ రికగ్నైజేషన్ ద్వారా సులభంగా కొత్త మొబైల్ నంబర్ను యాడ్ చేయవచ్చు.

ఈ సదుపాయం ప్రారంభమైన తర్వాత ప్రజలకు చాలా సమయం ఆదా అవుతుంది. మారుమూల ప్రాంతాల్లో నివసించే ప్రజలు, సీనియర్ సిటిజన్లు ఈ మార్పుతో ఎక్కువ ప్రయోజనం పొందుతారు. తరచుగా కేంద్రానికి చేరుకోవడం కష్టమవుతుంది. డబ్బు కూడా ఖర్చవుతుంది.

ఈ సదుపాయాన్ని ఉపయోగించడానికి మొదట ఆధార్ యాప్ డౌన్‌లోడ్ చేసుకోవాలి. యాప్‌లో ఆధార్ నంబర్, కొత్త మొబైల్ నంబర్ నమోదు చేయడానికి ఒక ఆప్షన్ ఉంటుంది. ఈ రెండు వివరాలను నింపిన తర్వాత OTP ధృవీకరణ పూర్తి చేయాలి. తద్వారా కొత్త నంబర్ వినియోగదారుడి వద్దనే ఉందని తెలుస్తుంది.

ఆ తర్వాత ఫేస్ ఆథెంటికేషన్ ఉంటుంది. ఫోన్ కెమెరా మీ ముఖాన్ని స్కాన్ చేస్తుంది. దానిని సిస్టమ్‌లో ఉన్న డేటాతో సరిపోల్చుతుంది. ఈ పద్ధతి మునుపటి కంటే సురక్షితమైనది. మోసం అయ్యే అవకాశాన్ని బాగా తగ్గిస్తుంది. ఫేస్ మ్యాచ్ అయిన వెంటనే, కొత్త మొబైల్ నంబర్ ఆధార్‌లో అప్‌డేట్ అవుతుంది.

ఇప్పటివరకు ఆధార్‌లో మొబైల్ నంబర్ అప్‌డేట్ చేయడానికి ఆధార్ సెంటర్కు వెళ్లాల్సి వచ్చేది. అక్కడ ఫారం నింపడం, ఎక్కువసేపు ఎదురుచూడటం, రుసుము చెల్లించాల్సి వచ్చేది. మొత్తం ప్రక్రియలో సమయం, డబ్బు రెండూ ఖర్చ అవుతాయి. కొత్త సౌకర్యం వచ్చిన తరువాత ఈ పని కొన్ని నిమిషాల్లో పూర్తవుతుంది. యూజర్ ఎక్కడికీ వెళ్లాల్సిన అవసరం ఉండదు.