PM Modi on ASEAN-India Summit: ఏషియన్- ఇండియా సదస్సులో మోదీ.. ఇదే ప్రధాన అజెండా!

ఈ నెల 28న జరగనున్న ఏషియన్- ఇండియా సదస్సులో ప్రధాని నరేంద్ర మోదీ వర్చువల్‌గా హాజరుకానున్నారు.

ఏషియన్- ఇండియా సదస్సుకు మోదీ

18వ ఏషియన్-ఇండియా సదస్సులో ప్రధాని నరేంద్ర మోదీ పాల్గొననున్నారు. అక్టోబర్ 28న జరగను.న్న ఈ సదస్సుకు మోదీ వర్చువల్‌గా హాజరవుతారు. బ్రునై సుల్తాన్ ఈ మేరకు మోదీకి ఆహ్వానం పలికారు. ఆసియా దేశాలకు చెందిన దేశాధినేతలు ఈ సమావేశంలో పాల్గొంటారు. 

ఆసియా- భారత్ వ్యూహాత్మక భాగస్వామ్యం సహా కొవిడ్ 19, ఆరోగ్యం, వాణిజ్యం, సంబంధాలు, విద్య, సాంస్కృతిక రంగాల్లో పురోగతిపై ఈ సమావేశంలో చర్చించనున్నట్లు పీఎంఓ ప్రకటించింది. ప్రాంతీయ పరిస్థితుల నుంచి అంతర్జాతీయ పరిణామాల వరకు ఈ సమావేశంలో చర్చకు రానున్నట్లు వెల్లడించింది.

ఈ ఏషియన్-ఇండియా సదస్సు మోదీ హాజరయ్యే తొమ్మిదో సదస్సు కానుంది. ప్రతి ఏడాది ఈ సదస్సు జరుగుతుంది. 

ఆసియా- భారత్ సంబంధాలకు 2022కు 30 ఏళ్లు పూర్తికానున్నాయి. ఈ సందర్భంగా ప్రస్తుత సమావేశానికి ప్రాధాన్యం సంతరించుకుంది.

తూర్పు ఆసియా సదస్సు..

ఏషియన్- ఇండియా సదస్సుతో పాటు ఈ నెల అక్టోబర్ 27న జరగనున్న తూర్పు ఆసియా సదస్సులో కూడా మోదీ వర్చువల్‌గా పాల్గొంటారు. 2005 నుంచి ఈ సమావేశాలు జరుగుతున్నాయి. 10 ఆసియా సభ్య దేశాలతో పాటు భారత్, చైనా, జపాన్, రిపబ్లిక్ ఆఫ్ కొరియా, ఆస్ట్రేలియా, న్యూజిలాండ్, అమెరికా, రష్యా కూడా ఇందులో సభ్యులుగా ఉన్నాయి.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి