Ujjal Bhuyan Visits Tirumala: శ్రీవారిని దర్శించుకున్న టీఎస్ హైకోర్టు సీజే జస్టిస్ ఉజ్జల్ భుయాన్

తెలంగాణ హైకోర్టు సీజే జస్టిస్ ఉజ్జల్ భుయాన్

తెలంగాణ హైకోర్టు ప్రధాన న్యాయమూర్తి జస్టిస్ ఉజ్జల్ భుయాన్ తిరుమలలో పర్యటిస్తున్నారు. నేటి ఉదయం కుటుంబంతో పాటు శ్రీవారిని దర్శించుకున్నారు.

నేటి ఉదయం వీఐపీ బ్రేక్ సమయంలో తెలంగాణ హైకోర్టు సీజే ఉజ్జల్ భుయాన్ కుటుంబంతో కలిసి స్వామి వారిని దర్శించుకున్నారు. ఈ సందర్భంగా మొక్కులు చెల్లించుకున్నారు.

ఆలయ అధికారులు జస్టిస్ ఉజ్జల్ భుయాన్‌కు స్వామి వారి తీర్థ ప్రసాదాలు అందజేశారు. అంతకుముందు తెలంగాణ హైకోర్టు సీజేకు శాలువా కప్పి సన్మానించారు.

ఉజ్జల్‌ భుయాన్‌ 05 అక్టోబర్ 2021న తెలంగాణ హైకోర్టు న్యాయమూర్తిగా నియమితులయ్యారు. ఆపై జూన్ 28, 2022 న తెలంగాణ హైకోర్టు ప్రధాన న్యాయమూర్తిగా భాద్యతలు చేపట్టారు.

ప్రస్తుతం శ్రీవారిని దర్శించుకునేందకు భక్తులకు ఒకరోజు సమయం పడుతుంది. స్వామి వారి దర్శనం కోసం ఎదురుచూస్తున్న వారికి 24 గంటల సమయం పడుతుందని టీటీడీ ఓ ప్రకటనలో తెలిపింది.