Global Innovation Summit: 'ఫార్మసీ ఆఫ్​ ద వరల్డ్​'గా భారత్‌.. ఇదీ మన దేశ సత్తా: మోదీ

ఈ రోజు భారత్​ 'ఫార్మసీ ఆఫ్​ ద వరల్డ్​'గా గుర్తింపు దక్కించుకుందని ప్రధాని నరేంద్ర మోదీ ఉద్ఘాటించారు.

మన దేశ సత్తా ఇదీ: మోదీ

ఫార్మా రంగానికి సంబంధించిన తొలి గ్లోబల్​ ఇన్నోవేటివ్​ సదస్సులో ప్రధాని నరేంద్ర మోదీ పాల్గొన్నారు. వీడియో కాన్ఫరెన్స్​ ద్వారా జరిగిన ఈ కార్యక్రమంలో భారత ఫార్మా సత్తాను కొనియాడారు. వైద్యపరికరాలు, ఔషధాల్లో సరికొత్త ఆవిష్కరణలు చేసే వ్యవస్థను ఏర్పాటు చేయడం భారత్​ లక్ష్యమన్నారు. 

" భారత ఆర్థిక వృద్ధిలో ఫార్మా రంగం కీలక పాత్ర పోషిస్తోంది. దేశంలో 30లక్షల మందికి ఉద్యోగాలిచ్చి, 13 బిలియన్​ డాలర్ల వాణిజ్య మిగులు ఉన్న రంగం ఫార్మా. ఈ ఏడాది 100 దేశాలకు 65 మిలియన్లకుపైగా కొవిడ్​ టీకాలను భారత్ అందించింది. మన ఫార్మా రంగాన్ని ప్రపంచ దేశాలు విశ్వసిస్తున్నాయి. అందుకే ఈ రోజు భారత్​ 'ఫార్మసీ ఆఫ్​ ద వరల్డ్​'గా గుర్తింపు దక్కించుకుంది.  టీకాలు, మందుల్లో వినియోగించే కీలక పదార్థాలను దేశంలోనే తయారు చేసే విధంగా ఫార్మసీ రంగం కృషి చేయాలి.                                 "

-ప్రధాని నరేంద్ర మోదీ

మేక్ ఇన్ ఇండియా..

ఈ సందర్భంగా మేక్ ఇన్ ఇండియా నినాదాన్ని మరోసారి ప్రధాని మోదీ ప్రస్తావించారు. "భారత్​లో ఆలోచించండి, భారత్​లో ఆవిష్కరించండి, భారత్​లో తయారు చేయండి, ప్రపంచానికి ఎగుమతి చేయండి" అంటూ పెట్టుబడిదారులకు పిలుపునిచ్చారు. ఈ సదస్సు రెండు రోజుల పాటు జరగనుంది. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి