Nawab Malik: వాంఖడే వెనుక 'దావూద్'.. ఆయన ఓ ముస్లిం.. ఇదిగో సాక్ష్యం: నవాబ్ మాలిక్

ఎన్‌సీబీ అధికారి సమీర్ వాంఖడే ఓ ముస్లిం అని మహారాష్ట్ర మంత్రి నవాబ్ మాలిక్ ఆరోపించారు. ఇందుకు సంబంధించిన కొన్ని పత్రాలను విడుదల చేశారు.

సమీర్ వాంఖడే ఓ ముస్లిం: నవాబ్ మాలిక్

మహారాష్ట్ర మంత్రి నవాబ్ మాలిక్.. ఎన్‌సీబీ జోనల్ డైరక్టర్ సమీర్ వాంఖడేపై మళ్లీ కీలక వ్యాఖ్యలు చేశారు. వాంఖడే స్కూల్ లీవింగ్ సర్టిఫికెట్లలో ఆయన ముస్లిం అని రాసి ఉందన్నారు. ఈ సర్టిఫికెట్లను ఆయన విడుదల చేశారు.

.@nawabmalikncp released school joining and leaving certificates of #SameerDawoodWakhende
.@fpjindia pic.twitter.com/jraD2hZyiU

— Sanjay Jog (@SanjayJog7) November 18, 2021

1985, 1986కు ఏడాదికి సంబంధించిన సెయింట్ పాల్ హైస్కూల్ సర్టిఫికెట్లపై సమీర్ దావూద్ వాంఖడే అని పేరు ఉంది. పుట్టిన తేదీ 14-12-1979గా ఉంది. అయితే మతం వద్ద 'మాత్రం' ముస్లిం అని రాసి ఉంది.

" నేను ఈ సర్టిఫికెట్లతో పాటు మరిన్ని వివరాలను ఇప్పటికే బాంబే హైకోర్టుకు అందజేశాను. వీటిపై మధ్యంతర ఉత్తర్వులను కోర్టు ఇస్తుంది. వాంఖడే ఎన్నో తప్పులు చేశారు. ఇలాంటి ఫేక్ సర్టిఫికెట్లు క్రియేట్ చేయడంలో ఆయన నిపుణుడు. హైకోర్టుతో పాటు ముంబయి, మహారాష్ట్ర పోలీస్ చీఫ్‌లకు కూడా ఈ వివరాలు అందజేసి పూర్తి దర్యాప్తు చేయాలని కోరాను.                                       "

-నవాబ్ మాలిక్, మహారాష్ట్ర మంత్రి

 

ఇలాంటి నకిలీ పత్రాలతోనే వాంఖడే ఉద్యోగం సంపాదించారని మాలిక్ ఆరోపించారు. త్వరలోనే ఆయన ఉద్యోగం ఊడుతుందని పునరుద్ఘాటించారు. 

పరువునష్టం దావా..

మంత్రి నవాబ్ మాలిక్ తమ కుటుంబంపై ఉద్దేశపూర్వకంగా ఆరోపణలు చేస్తున్నారని, తమ ప్రతిష్ఠకు భంగం కలిగించేలా వ్యాఖ్యలు చేస్తున్నారని వాంఖడే తండ్రి బాంబే హైకోర్టులో ఇటీవల పరువునష్టం దావా వేశారు. రూ.1.25 కోట్ల పరిహారం ఇవ్వాలని పిటిషన్‌లో కోరారు.

ఈ పిటిషన్‌ను విచారించిన బాంబే హైకోర్టు.. నవాబ్ మాలిక్‌ను సమాధానం కోరింది. వాంఖడేకు సంబంధించి ట్విట్టర్‌లో చేసిన ఆరోపణలు సరైనవో లేదో నిర్ధరణ చేశారా అని ప్రశ్నించింది. కోర్టుకు ప్రశ్నలకు సమాధానంగా నవాబ్ మాలిక్ ప్రమాణపత్రం దాఖలు చేశారు. తాను చేసిన ఆరోపణలకు తగిన ఆధారాలు ఉన్నాయన్నారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి