Sanju Samson Funny Advice to Abhishek | అభిషేక్ శర్మకు సంజూ పెళ్లి సలహా | ABP Desam

టీమిండియా యువ ఓపెనర్ అభిషేక్ శర్మ ( Abhishek Sharma ) ప్రస్తుతం అంతర్జాతీయ క్రికెట్‌లో దూసుకుపోతున్నాడు. తన ఫియర్‌లెస్ బ్యాటింగ్‌తో ప్రత్యర్థి బౌలర్లను వణికిస్తున్న అభిషేక్, ఐసీసీ టీ20 బ్యాటింగ్ ర్యాంకింగ్స్‌లో అగ్రస్థానాన్ని కైవసం చేసుకుని సత్తా చాటాడు. ఇటీవల న్యూజిలాండ్‌తో జరిగిన టీ20 వరల్డ్ కప్ ఫైనల్లో హాఫ్ సెంచరీతో భారత్ విజయంలో కీలక పాత్ర పోషించిన ఈ యువ స్టార్‌కు సంజు శాంసన్ ఒక సలహా ఇచ్చారు. 

అభిషేక్ శర్మ సాధిస్తున్న అద్భుత ఫామ్‌ను చూసిన సంజూ శాంసన్ సరదాగా ఆటపట్టించారు. సంజూ ( Sanju Samson ) మాట్లాడుతూ.. "గతంలో గ్రౌండ్‌లో ఎక్కడ చూసినా 'అభిషేక్.. అభిషేక్' అనే అరుపులు వినిపించేవి. అది చూసి మిగతా ప్లేయర్స్ అందరికీ అసూయ కలిగేది. ఫ్యాన్స్ ఇతని తప్ప ఇంకెవరినీ చూడటం లేదా? అని మేమంతా మాట్లాడుకునేవాళ్లం" అని నవ్వుతూ చెప్పారు. 

అంతేకాకుండా, "నువ్వు ఇప్పుడు సూపర్ స్టార్‌వి అయిపోయావు తమ్ముడూ.. ఇక ఆలస్యం చేయకుండా త్వరగా పెళ్లి చేసుకో" అంటూ సరదాగా మాట్లాడాడు సంజు. అభిషేక్ శర్మ స్పందిస్తూ.. తన గురువు యువరాజ్ సింగ్ ( Yuvraj Singh) నేర్పిన పాఠాలే తన విజయానికి కారణమని తెలిపాడు. "టీమిండియా తరఫున మూడు ఫార్మాట్లలోనూ ఆడటమే నా ఆశయం. అవకాశం వస్తే వన్డేల్లో కూడా ఆడతాను. ఆడిన ప్రతి మ్యాచ్‌లోనూ ది బెస్ట్ ఇవ్వడమే నా గోల్ అని అన్నాడు అభిషేక్.