Pruthvishwar Reddy: లైంగిక వేధింపుల కేసు.. TBA జనరల్ సెక్రటరీ పృథ్వీశ్వర్ రెడ్డిపై సస్పెన్షన్ వేటు

పోక్సో కేసుతో పాటు నిధుల మళ్లింపు ఆరోపణలతో తెలంగాణ బాస్కెట్‌బాల్ అసోసియేషన్ జనరల్ సెక్రటరీ పృథ్వీశ్వర్ రెడ్డి సస్పెండ్ అయ్యారు. ఆయన స్థానంలో విష్ణు కుమార్ గౌడ్ అదనపు బాధ్యతలు స్వీకరించారు.

TBA జనరల్ సెక్రటరీ పృథ్వీశ్వర్ రెడ్డిపై సస్పెన్షన్ వేటు

Source : social media

Show Quick Read

Key points generated by AI, verified by newsroom

• మైనర్ బాలికపై లైంగిక వేధింపుల ఆరోపణలతో ప్రుధ్వీశ్వర్ రెడ్డి సస్పెండ్.
• పోక్సో, ఎస్సీ, ఎస్టీ చట్టాల కింద ఆయనపై కేసు నమోదైంది.
• నిధుల మళ్లింపు, క్రీడాకారుల భద్రత ఉల్లంఘన ఆరోపణలూ ఉన్నాయి.
• పోలీసు దర్యాప్తు తీరుపై బాధితురాలి కుటుంబం తీవ్ర అసంతృప్తి వ్యక్తం చేసింది.

Telangana Basketball Association | హైదరాబాద్: తెలంగాణ బాస్కెట్‌బాల్ అసోసియేషన్  (TBA) జనరల్ సెక్రటరీ ప్రుధ్వీశ్వర్ రెడ్డిపై సస్పెన్షన్ వేటు పడింది. 16 ఏళ్ల జాతీయ స్థాయి మైనర్ బాస్కెట్‌బాల్ క్రీడాకారిణిపై లైంగిక వేధింపుల ఆరోపణలతో పృథ్వీశ్వర్ రెడ్డిపై మాదాపూర్ పోలీస్ స్టేషన్‌లో పోక్సో (POCSO) కేసుతో పాటు ఎస్సీ, ఎస్టీ అట్రాసిటీ చట్టాల కింద కేసు నమోదైంది. బాధితురాలి తల్లి ఇచ్చిన ఫిర్యాదు ఆధారంగా పోలీసులు దర్యాప్తు వేగవంతం చేశారు. ఈ ఆరోపణలతో ఆగస్టు 7న జరిగిన ప్రత్యేక కార్యవర్గ సమావేశంలో తెలంగాణ బాస్కెట్‌బాల్ అసోసియేషన్ సమావేశమై చర్చించింది. జనరల్ సెక్రటరీ పృథ్వీశ్వర్ రెడ్డిని సస్పెండ్ చేస్తూ కీలక నిర్ణయం తీసుకున్నారు. ఆయన స్థానంలో జాయింట్ సెక్రటరీ విష్ణు కుమార్ గౌడ్‌కు జనరల్ సెక్రటరీగా అదనపు బాధ్యతలు అప్పగించారు.

లైంగిక వేధింపుల కేసుతో పాటు, క్రీడాకారుల భద్రతా నియమాలను ఉల్లంఘించినట్లు పృథ్వీశ్వర్ రెడ్డిపై తీవ్రమైన ఆరోపణలు వ్యక్తమవుతున్నాయి. మహిళా కోచ్ లేదా మేనేజర్ లేకుండానే మైనర్ బాలికల జాతీయ జట్టును టోర్నమెంట్‌కు తీసుకెళ్లడం, మహిళా క్రీడాకారిణులు, కోచ్‌ల నుంచి వచ్చిన ఫిర్యాదులను బాస్కెట్‌బాల్ ఫెడరేషన్ ఆఫ్ ఇండియా (BFI) తీవ్రంగా పరిగణించింది. దీనికి తోడు TBA లీగ్‌ల నిర్వహణలో నిధుల మళ్లింపు, మనీ లాండరింగ్ ఆరోపణలు, నలుగురు క్రీడాకారిణులకు BFI నుంచి అందాల్సిన నగదు బదిలీ కాకపోవడం, ట్రెజరర్ చంద్రశేఖర్ క్రీడాకారిణుల పట్ల అనుచిత వ్యాఖ్యలు చేయడం వంటి పలు వ్యవహారాలు క్రీడా సమాఖ్యలో చర్చ జరిగింది. 

BREAKING ‼️

పోక్సో కేసులో మరో పింక్ లీడర్

కేటీఆర్ జిగ్రీ దోస్తు, బాస్కెట్‌బాల్ అసోసియేషన్ సెక్రటరీ పృథ్వీశ్వర్ రెడ్డిపై పోక్సో కేసు

కామారావ్.. ఏందిది..
నిన్న నీ మాజీ ఎమ్మెల్యే రేగా కాంతారావు,
ఇయ్యాల వీడు..

చిన్నపిల్లలని కూడా వదిలిపెట్టరా నీ లీడర్లు!!
ఏం నేర్పిస్తున్నవురా… pic.twitter.com/foE0zfHomb

— Aapanna Hastham (@AapannaHastham) August 5, 2026

మరోవైపు పోలీసుల దర్యాప్తు తీరుపై బాధిత కుటుంబం తీవ్ర అసంతృప్తి వ్యక్తం చేస్తోంది. తీవ్రమైన పోక్సో ఆరోపణలు ఉన్నప్పటికీ నిందితుడిని అరెస్ట్ చేయకపోవడం, దర్యాప్తులో నిర్లక్ష్యం వహించడంపై అభ్యంతరం వ్యక్తం చేస్తూ బాధిత కుటుంబం DGPతో పాటు ఉన్నత పోలీసు అధికారులకు ఫిర్యాదులు అందించింది. క్రీడా సంస్థలు కఠిన చర్యలు తీసుకుంటుండగా, పోలీసులు నిందితుడిని కాపాడే ప్రయత్నం చేస్తున్నారని బాధితులు ఆరోపించారు. ప్రస్తుతం BFI తదుపరి చర్యలు, దర్యాప్తుపై క్రీడా వర్గాల్లో ఉత్కంఠ నెలకొంది.

పోక్సో కేసు నమోదు చేసిన పోలీసులు

టీబీఏ జనరల్ సెక్రటరీ ప్రుధ్వీశ్వర్ రెడ్డిపై మాధాపూర్ పోలీస్ స్టేషన్‌లో పోక్సో కేసు నమోదైంది. 16 ఏళ్ల మైనర్ మహిళా బాస్కెట్‌బాల్ క్రీడాకారిణిపై లైంగిక వేధింపులకు పాల్పడినట్లు వచ్చిన తీవ్ర ఆరోపణలు, ఫిర్యాదు ఆధారంగా క్రైమ్ నంబర్ 1105/2026 కింద పోలీసులు ఎఫ్‌ఐఆర్ నమోదు చేశారు. భారతీయ న్యాయ సంహిత  సెక్షన్ 75(1)(iv) తో పాటు లైంగిక నేరాల నుంచి పిల్లల రక్షణ చట్టం (POCSO)లోని సెక్షన్లు 11, 12 కింద కేసు నమోదు చేసి దర్యాప్తు చేపట్టారు. త్వరలోనే అతడ్ని అరెస్ట్ చేసి విచారించే అవకాశాలున్నట్లు తెలుస్తోంది.  

 

 

మరిన్ని చదవండి

తెలంగాణ బాస్కెట్‌బాల్ అసోసియేషన్ జీఎస్‌పై పోక్సో కేసు: ప్రుధ్వీశ్వర్ రెడ్డిపై మైనర్ క్రీడాకారిణి తీవ్ర ఆరోపణలు!

కొబ్బరి బోండాలు నరికే కత్తితో దాడిచేసి వ్యక్తి దారుణ హత్య.. హైదరాబాద్‌లో దారుణం