Mahindra Scorpio N కొనేందుకు రూ.1 లక్ష డౌన్ పేమెంట్ చేస్తే.. ప్రతి నెల EMI ఎంత కట్టాలి

Mahindra Scorpio N Facelift | కొత్త స్కార్పియో-Nలో చేసిన అతిపెద్ద మార్పులలో పనోరమిక్ సన్‌రూఫ్ ఒకటి. ఈ ఫీచర్ ప్రత్యేకంగా Z8L వేరియంట్‌లో ఇచ్చారు.

మహీంద్రా స్కార్పియో ఎన్ ఫేస్ లిఫ్ట్

Source : Mahindra

Show Quick Read

Key points generated by AI, verified by newsroom

• పాత ఇంజిన్‌లతో, ఫీచర్లు, సాంకేతికతపై కంపెనీ ప్రధాన దృష్టి.

మీరు ఒక పవర్‌ఫుల్, పెద్ద SUV కొనాలని ప్లాన్ చేస్తుంటే.. ఇటీవల లాంచ్ అయిన Mahindra Scorpio N Facelift మీకు సరిగ్గా సరిపోతుంది. మీరు ఈ వాహనాన్ని ఫుల్ పేమెంట్ ఇవ్వకుండా ఫైనాన్స్ ద్వారా సైతం కొనుగోలు చేయవచ్చు. ఒకేసారి పూర్తి నగదు చెల్లించలేని వారు డౌన్ పేమెంట్, EMI లెక్కలు తెలుసుకోవాలి.

Mahindra Scorpio N Facelift హైదరాబాద్ ఎక్స్-షోరూమ్ ధర రూ. 13.69 లక్షల నుండి ప్రారంభమవుతుంది. దీని టాప్ మోడల్ డీజిల్ వేరియంట్ ఎక్స్‌షోరూమ్ ధర రూ. 25.54 లక్షలు. ఈ కార్ Z2 పెట్రోల్ వేరియంట్ ఆన్-రోడ్ ధర రూ. 16 లక్షలుగా ఉంది.

ప్రతి నెల ఎంత EMI చెల్లించాలి?
మహీంద్రా స్కార్పియో కార్ కొనుగోలు చేయడానికి రూ. 1 లక్ష డౌన్ పేమెంట్ చేస్తే కనుక, 9.8 శాతం వడ్డీ రేటుతో 4 సంవత్సరాలకి ప్రతి నెల రూ. 37,903 EMI చెల్లించాల్సి ఉంటుంది. ఒకవేళ మీరు 5 సంవత్సరాలకు ఈ లోన్ తీసుకుంటే, ప్రతి నెల రూ. 31,726 మేర EMI చెల్లించాలి.

కొత్త స్కోర్పియో-Nలో చేసిన అతిపెద్ద మార్పులలో పనోరమిక్ సన్‌రూఫ్ ఇచ్చారు. ఈ ఫీచర్ ప్రత్యేకంగా Z8L వేరియంట్‌లో ఇచ్చారు. దీనివల్ల SUV క్యాబిన్ గతంలో కంటే మరింత ప్రీమియం, విశాలమైన ఎక్స్‌పీరియన్స్ ఇస్తుంది. అంతకుముందు స్కోర్పియో-Nలో సన్‌రూఫ్ ఉండేది, కానీ కొత్త మోడల్‌లో దీన్ని మరింత పెద్దదిగా చేసి పనోరమిక్ సన్‌రూఫ్‌గా ఇచ్చారు. 

కార్ ఫీచర్లు ఎలా ఉన్నాయి?
మహీంద్రా స్కార్పియో Nలో ఇప్పుడు 540 డిగ్రీ సరౌండ్ వ్యూ కెమెరా ఇచ్చారు. దీనితో పాటు బ్లైండ్ వ్యూ మానిటర్ లభిస్తుంది. దీనివల్ల డ్రైవింగ్ సీట్ నుండి సులభంగా కనిపించని ప్రదేశాలను డ్రైవర్ చూడటానికి హెల్ప్ అవుతుంది. ఈ ఫీచర్ ప్రత్యేకంగా నగరాల్లో ట్రాఫిక్, పార్కింగ్ సమయంలో డ్రైవర్లకు ఎంతగానో ఉపయోగపడుతుంది.

కొత్త స్కార్పియో-N క్యాబిన్‌లో కూడా పెద్ద అప్‌డేట్ చేశారు. ఇందులో 12.3 అంగుళాల ఫ్లోటింగ్ HD టచ్‌స్క్రీన్ ఇన్ఫోటైన్‌మెంట్ సిస్టమ్,దీనితో పాటు 10.25 అంగుళాల డిజిటల్ ఇన్‌స్ట్రుమెంట్ క్లస్టర్ ఇచ్చారు. దీని ద్వారా డ్రైవర్ స్పీడ్, ఇతర ముఖ్యమైన సమాచారాన్ని మోడ్రన్ పద్ధతిలో చూడవచ్చు.

మహీంద్రా కంపెనీ దీని క్యాబిన్‌ను మునుపటి కంటే మరింత ప్రీమియమ్‌గా చేయాలని ప్రయత్నించింది. పెద్ద స్క్రీన్ సెటప్ ఉండటం వల్ల డాష్‌బోర్డ్‌కు మరింత మోడర్న్ లుక్ లభిస్తుంది. ఫేస్‌లిఫ్ట్‌తో పాటు మహీంద్రా కొత్త Z8S వేరియంట్‌ను పరిచయం చేసింది. దీన్ని Z6, Z8 వేరియంట్‌ల మధ్య ఉంచారు.

Z8Sలో 17 అంగుళాల డైమండ్-కట్ అల్లాయ్ వీల్స్, LED DRLs, LED ప్రొజెక్టర్ హెడ్‌ల్యాంప్స్, 12.3 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, 10.25 అంగుళాల డిజిటల్ ఇన్‌స్ట్రుమెంట్ క్లస్టర్ వంటి ఫీచర్లు లభిస్తాయి. 

కొత్త స్కార్పియో-N టాప్ వేరియంట్ Z8Lలో లెవల్-2 ADAS.. ఈ సిస్టమ్ డ్రైవింగ్ సమయంలో సేఫ్టీ, డ్రైవర్‌కు సహాయం చేయడానికి అనేక ఫీచర్లు అందిస్తుంది. దీనితో పాటు బ్లైండ్ వ్యూ మానిటర్, 540 డిగ్రీ కెమెరా వంటి ఫీచర్లు లభిస్తాయి. దీనితో కొత్త స్కార్పియో-N సాంకేతికత విషయంలో తన సెగ్మెంట్‌లోని ఇతర కార్లకు గట్టి పోటీ ఇవ్వనుంది. 

ఈ వేరియంట్లలో ప్రత్యేక ఫీచర్లు
మహీంద్రా కేవలం ఖరీదైన వేరియంట్లపై మాత్రమే ఫోకస్ చేయలేదు. బేస్ Z2 వేరియంట్‌లో కూడా అనేక ముఖ్యమైన ఫీచర్లను ఇచ్చింది. ఇందులో LED టెయిల్ ల్యాంప్స్, టచ్‌స్క్రీన్ ఇన్ఫోటైన్‌మెంట్ సిస్టమ్, హైడ్రాలిక్ పవర్ స్టీరింగ్, ESP, సెకండ్-రో AC వెంట్స్, స్టీరింగ్ మౌంటెడ్ కంట్రోల్స్, వెంటిలేటెడ్ డిస్క్ బ్రేక్స్ ఉన్నాయి.

 Z4 వేరియంట్‌లో 20.32 సెం.మీ ఇన్ఫోటైన్‌మెంట్ సిస్టమ్,ఎలక్ట్రిక్ ORVM, క్రూయిజ్ కంట్రోల్, రియర్ వైపర్, వాషర్, అలాగే రూఫ్ స్పాయిలర్ వంటి ఫీచర్లు లభిస్తాయి. Z6 వేరియంట్‌లో సింగిల్-పేన్ సన్‌రూఫ్, ఎలక్ట్రిక్ పవర్ స్టీరింగ్, రివర్స్ కెమెరా,  6 స్పీకర్ ఆడియో సిస్టమ్ వంటి ఫీచర్లు అందించారు.

కార్ పవర్‌ట్రెయిన్ ఆప్షన్లు
మహీంద్రా దీని ఇంజన్, మెకానికల్ సెటప్‌లో పెద్దగా మార్పులు చేయలేదు. స్కార్పియో N మునుపటిలాగే 2.0 లీటర్ టర్బో-పెట్రోల్, 2.2 లీటర్ డీజిల్ ఇంజన్‌తో అందుబాటులో ఉంది. ట్రాన్స్‌మిషన్‌లో మాన్యువల్, ఆటోమేటిక్ ఆప్షన్లు లభిస్తాయి. అలాగే కొన్ని వేరియంట్లలో 2WD, 4WD ఆప్షన్ కూడా ఉంది. అంటే కంపెనీ ఫేస్‌లిఫ్ట్‌లో ప్రధానంగా ఫీచర్లు, టెక్నాలజీ,  ప్రీమియం లుక్‌పై దృష్టి సారించింది. ఇంజన్ పవర్, సామర్థ్యంలో ఎలాంటి మార్పులపై ఫోకస్ చేయలేదు.

ఎక్స్‌టీరియర్ డిజైన్‌లో పెద్దగా మార్పులు చేయడానికి బదులుగా, కంపెనీ వినియోగదారుల రోజువారీ అవసరాలు,  ప్రీమియం ఫీచర్లపై ఎక్కువ దృష్టి పెట్టింది.పనోరమిక్ సన్‌రూఫ్, పెద్ద ఇన్ఫోటైన్‌మెంట్ సిస్టమ్, డిజిటల్ ఇన్‌స్ట్రుమెంట్ క్లస్టర్, 540 డిగ్రీ కెమెరా, ADAS వంటి ఫీచర్లు దీనిని పాత మోడల్ కంటే మరింత మోడరన్‌గా మారుస్తాయి.

 

మరిన్ని చదవండి

రూ. 2 లక్షల డౌన్ పేమెంట్‌తో Tata Nexon కొంటే, EMI ఎంత చెల్లించాలి

రూ.1 లక్ష డౌన్ పేమెంట్‌పై Toyota Innova Hycross కొనుగోలు చేస్తే EMI ఎంత కట్టాలి