Iran Dancing Missile: డాన్సింగ్ మిస్సైల్స్ తో విరుచుకుపడుతున్న ఇరాన్ - వీటి ప్రత్యేకత తెలుసా?
Iran Sejjil Missile: ఇరాన్ తన డాన్సింగ్ మిస్సైల్ క్షిపణుల్ని ప్రయోగిస్తోంది. ఇది ఇజ్రాయెల్ ఐరన్ డోమ్ వ్యవస్థను కూడా మాయ చేస్తుంది.
Iran Dancing Missile in War: ఇరాన్ , ఇజ్రాయెల్ మధ్య యుద్ధం జరుగుతున్న సమయంలో ఇరాన్ తన అమ్ములపొదిలోని అత్యంత శక్తివంతమైన సెజ్జిల్ (Sejjil) బాలిస్టిక్ క్షిపణిని ప్రయోగించినట్లు వార్తలు వస్తున్నాయి. ముఖ్యంగా ఈ క్షిపణిని డ్యాన్సింగ్ మిస్సైల్ అని పిలవడం ఇప్పుడు అంతర్జాతీయ రక్షణ రంగ నిపుణుల్లో ఆసక్తిని రేకెత్తిస్తోంది. ఫిబ్రవరి 28, 2026న ప్రారంభమైన యుద్ధంలో, ఇరాన్ మొదటిసారిగా ఈ అత్యాధునిక ఆయుధాన్ని ఇజ్రాయెల్ , అమెరికా స్థావరాల లక్ష్యంగా ప్రయోగించినట్లు తెలుస్తోంది.
డ్యాన్సింగ్ మిస్సైల్ అని ఎందుకు అంటారు?
సాధారణ బాలిస్టిక్ క్షిపణులు ప్రయోగించిన తర్వాత ఒక నిర్దిష్టమైన మార్గంలో ప్రయాణిస్తాయి, దీనివల్ల శత్రు దేశాల రాడార్లు వాటిని సులభంగా గుర్తించి అడ్డుకోగలవు. కానీ సెజ్జిల్ క్షిపణి అలా కాదు. ఇది గాలిలో ప్రయాణించేటప్పుడు తన దిశను మార్చుకుంటూ, జిగ్జాగ్ పద్ధతిలో కదులుతూ శత్రువుల రాడార్లను ముప్పు తిప్పలు పెడుతుంది. గాలిలో ఇది చేసే విన్యాసాల కారణంగానే దీనికి డ్యాన్సింగ్ మిస్సైల్ అనే పేరు వచ్చింది. దీనివల్ల ఇజ్రాయెల్కు చెందిన ఐరన్ డోమ్ వంటి రక్షణ వ్యవస్థలు కూడా దీనిని అడ్డుకోవడం చాలా కష్టమని విశ్లేషకులు చెబుతున్నారు.
వేగం, పరిధి ఎంత అంటే?
సెజ్జిల్ క్షిపణి సుమారు 2,000 కిలోమీటర్ల దూరంలోని లక్ష్యాలను ఛేదించగలదు. అంటే ఇరాన్ నుంచి ప్రయోగిస్తే ఇజ్రాయెల్లోని ఏ మూలనైనా ఇది తాకగలదు. ఇది ఘన ఇంధనం తో పనిచేస్తుంది, దీనివల్ల దీనిని చాలా తక్కువ సమయంలో, అంటే కేవలం కొన్ని నిమిషాల్లోనే ప్రయోగానికి సిద్ధం చేయవచ్చు. ఈ క్షిపణి వాతావరణం వెలుపల గంటకు దాదాపు 19,500 కిలోమీటర్ల వేగంతో ప్రయాణించగలదు. ఇరాన్లోని నతన్జ్ నుంచి ప్రయోగిస్తే కేవలం 7 నిమిషాల్లోనే ఇది టెల్ అవీవ్ చేరుకోగలదు.
This is Iran's Dancing Missile.
— Rumi साहब (@Mahsar_khan) March 16, 2026
It is named Sejjil-2, and it travels through the air while constantly changing direction.
Its key feature is its capability to strike targets with a range of 2,000 kilometers and a maneuverable warhead.
Intercepting it poses a challenge even for… pic.twitter.com/CqskPfEHFB
విధ్వంస శక్తి
సుమారు 18 మీటర్ల పొడవు, 23,600 కిలోల బరువు ఉండే ఈ క్షిపణి 700 కిలోల పేలుడు పదార్థాలను మోసుకెళ్లగలదు. ఈ క్షిపణి రాకతో పశ్చిమాసియాలో యుద్ధం మరింత తీవ్రతరం అయ్యే అవకాశం ఉంది. అమెరికా తన రక్షణ వ్యవస్థలను అప్రమత్తం చేసినప్పటికీ, ఈ డ్యాన్సింగ్ మిస్సైల్ అడ్వాన్స్డ్ టెక్నాలజీ ప్రపంచ దేశాలను కలవరపెడుతోంది. ఒకవేళ ఇరాన్ ఈ క్షిపణులను పెద్ద ఎత్తున ఉపయోగిస్తే, అది ఇజ్రాయెల్ వ్యూహాత్మక ప్రాంతాలకు భారీ నష్టాన్ని కలిగించే అవకాశం ఉందని రక్షణ నిపుణులు హెచ్చరిస్తున్నారు.
టాప్ హెడ్ లైన్స్
ట్రెండింగ్ వార్తలు
