Dangerous bike smoke: బైక్ ఆన్ చేసి గదిలో ఉంచితే ప్రాణాలు మిగలవు - పుంగనూరు ఘటనలో జరిగింది ఇదే - ఎందుకంటే ?

bike smoke:బైక్ ఇంజిన్ నుంచి వచ్చిన పొగ వల్ల నలుగురు చనిపోయిన ఘటన సంచలనం రేపింది. ఆ పొగ సామూహికంగా ప్రాణాలు తీయగలిగేంత డేంజరస్‌దే.

బైక్ ఆన్ చేసి గదిలో ఉంచితే ప్రాణాలు మిగలవు - పుంగనూరు ఘటనలో జరిగింది ఇదే - ఎందుకంటే ?

Source : x

Is bike smoke dangerous: బైక్ ఇంజిన్ నుంచి వచ్చిన పొగ వల్ల నలుగురు చనిపోయిన ఘటన   చాలా మందిని దిగ్భ్రాంతికి గురిచేసింది. సాధారణంగా బైక్ ఇంజిన్ నుంచి వచ్చే పొగ ప్రాణాలను తీస్తుందని ఎవరూ ఊహించరు. అయితే, మూసి ఉన్న గదుల్లో లేదా గాలి ఆడని ప్రదేశాల్లో వాహనాన్ని ఎక్కువ సేపు ఆన్ చేసి ఉంచినప్పుడు వెలువడే వాయువులను  సైలెంట్ కిల్లర్స్  అని పిలుస్తారు. అదే నలుగురు ప్రాణాలను తీసింది.

ఆ పొగ ఎందుకు ప్రమాదకరం?                               

బైక్ లేదా ఏదైనా వాహన ఇంజిన్ పనిచేస్తున్నప్పుడు పెట్రోల్ అసంపూర్తిగా దహనం చెందడం వల్ల  కార్బన్ మోనాక్సైడ్  అనే విషవాయువు వెలువడుతుంది. ఈ వాయువుకు రంగు, రుచి, వాసన ఉండవు. అందుకే గదిలో ఈ వాయువు నిండినట్లు కూడా ఎవరూ గుర్తించలేరు. కిటికీలు, తలుపులు మూసి ఉన్న ఇరుకైన ప్రదేశంలో బోర్ వేయించిన కొత్త బైక్ ఇంజిన్‌ను పరీక్షించే క్రమంలో దానిని ఎక్కువ సేపు ఆన్ చేసి ఉంచితే, గదిలోని ఆక్సిజన్ తగ్గిపోయి కార్బన్ మోనాక్సైడ్ స్థాయిలు వేగంగా పెరుగుతాయి.

ప్రాణాంతకం కార్బన్ మోనాక్సైడ్

కార్బన్ మోనాక్సైడ్ ప్రాణాపాయకరంగా మారడానికి ప్రధాన కారణం అది మన రక్తంలోని హీమోగ్లోబిన్  తో జరిపే ప్రతిచర్య. సాధారణంగా హీమోగ్లోబిన్ ఆక్సిజన్‌ను మోసుకెళ్తుంది. కానీ ఆక్సిజన్ కంటే కార్బన్ మోనాక్సైడ్ హీమోగ్లోబిన్‌తో 200 నుండి 250 రెట్లు  వేగంగా బంధాన్ని ఏర్పరుచుకుంటుంది. దీనివల్ల రక్తంలో కార్బాక్సీహీమోగ్లోబిన్ ఏర్పడుతుంది. ఫలితంగా రక్తానికి ఆక్సిజన్‌ను శరీర భాగాలకు చేరవేసే సామర్థ్యం నశిస్తుంది. దీనినే వైద్య పరిభాషలో  కెమికల్ యాస్ఫిక్సియేషన్ అంటారు.

నిద్రలో ఉన్నప్పుడు.. గుర్తించేలోపే ప్రాణం పోతుంది!                               

ఈ విషవాయువు పీల్చినప్పుడు మొదట తలనొప్పి, కళ్లు తిరగడం, వాంతులు రావడం వంటి లక్షణాలు కనిపిస్తాయి. అయితే నిద్రలో ఉన్నప్పుడు లేదా మద్యం మత్తులో ఉన్నప్పుడు ఈ వాయువు శరీరంలోకి చేరితే, బాధితులు అసలు గుర్తించే లోపే స్పృహ కోల్పోతారు. మెదడు , గుండెకు ఆక్సిజన్ అందకపోవడంతో నిమిషాల వ్యవధిలోనే మరణం సంభవిస్తుంది.  పుంగనూరు ఘటనలో కూడా మూసి ఉన్న  గదిలో ఇంజిన్ పొగ నిండిపోవడం వల్లే బాధితులు ఊపిరాడక ప్రాణాలు కోల్పోయారు.                                      

ముఖ్యంగా బోర్ చేయించిన వాహనాల ఇంజిన్లు సెట్ అవ్వడానికి ఎక్కువ సేపు ఆన్ చేసి ఉంచుతారు, ఇలాంటప్పుడు తప్పనిసరిగా గాలి వెలుతురు ధారాళంగా ఉండే బహిరంగ ప్రదేశాల్లోనే వాహనాన్ని ఉంచాలి. ఇలాంటి ప్రాథమిక జాగ్రత్తలు పాటించకపోవడం వల్లే ఇలాంటి విషాదాలు జరుగుతుంటాయి.               

మరిన్ని చదవండి

విజయవాడను తాకిన గ్యాస్ సంక్షోభం! హోటల్స్‌లో సాంబార్ కట్!

బైక్ పొగ పీల్చి ఒకే కుటుంబానికి చెందిన నలుగురి మృతి.. పుంగనూరులో విషాదం