Actor Trisha Reaction: తమిళనాడు బీజేపీ అధ్యక్షుడిపై త్రిష ఆగ్రహం - న్యాయపరమైన చర్యలు తీసుకుంటానని ప్రకటన
Trisha: టీవీకే చీఫ్ విజయ్తో ముడిపెట్టి తమిళనాడు బీజేపీ చీఫ్ చేసిన వ్యాఖ్యలపై దుమారం రేగుతోంది. న్యాయపరమైన చర్యలు తీసుకుంటానని త్రిష ప్రకటించారు.
Actor Trisha Recation On Tamil Nadu BJP Chief Comments: తమిళనాడు రాజకీయాల్లో నటి త్రిష , నటుడు విజయ్ల గురించి బీజేపీ రాష్ట్ర అధ్యక్షుడు నైనార్ నాగేంద్రన్ చేసిన వ్యాఖ్యలు ప్రస్తుతం పెద్ద దుమారాన్ని రేపుతున్నాయి. నైనార్ నాగేంద్రన్ చేసిన ఈ వ్యాఖ్యలపై నటి త్రిష సోషల్ మీడియా వేదికగా అత్యంత ఘాటుగా స్పందించారు. గౌరవం లేని ప్రవర్తనను ఎప్పుడూ ప్రశ్నించాలి అని పేర్కొంటూ ఆమె ఒక అధికారిక ప్రకటనను విడుదల చేశారు. తన పేరును రాజకీయ ప్రయోజనాల కోసం వాడుకోవడంపై ఆమె తీవ్ర అభ్యంతరం వ్యక్తం చేశారు.
త్రిష తన లాయర్ ద్వారా విడుదల చేసిన ప్రెస్ నోట్లో కొన్ని కీలక విషయాలను స్పష్టం చేశారు. తనకు ఏ రాజకీయ పార్టీతోనూ సంబంధం లేదని, భవిష్యత్తులో కూడా రాజకీయాల్లోకి వచ్చే ఉద్దేశం లేదని స్పష్టం చేశారు. ఉన్నత రాజకీయ పదవుల్లో ఉన్న వ్యక్తులు ఇంత అసభ్యంగా, ఒక మహిళా నటి వ్యక్తిగత జీవితాన్ని కించపరిచేలా మాట్లాడటం అత్యంత హేయమైన చర్య అని మండిపడ్డారు. తనను కేవలం ఒక నటిగా మాత్రమే గుర్తించాలని, అనవసరమైన వివాదాల్లోకి తన పేరును లాగొద్దని హెచ్చరించారు.
రాబోయే తమిళనాడు అసెంబ్లీ ఎన్నికల్లో నటుడు విజయ్ స్థాపించిన తమిళగ వెట్రి కళగం పార్టీపై బీజేపీ నేత నైనార్ నాగేంద్రన్ విమర్శలు చేశారు. విజయ్కు రాజకీయ అనుభవం లేదని ఎద్దేవా చేస్తూ.. విజయ్ ముందుగా తన ఇల్లు దాటి బయటకు రావాలి.. ముఖ్యంగా త్రిష ఇంటి నుండి బయటపడితేనే ఆయనకు అసలైన రాజకీయ వాస్తవాలు తెలుస్తాయి అని అనుచిత వ్యాఖ్యలు చేశారు. రాజకీయ విమర్శల కోసం ఒక మహిళా నటి వ్యక్తిగత జీవితాన్ని లాగడం తీవ్ర చర్చకు దారితీసింది.
In light of Tamil Nadu BJP chief Nainar Nagenthran's statement on TVK chief Vijay and her, actor Trisha posts a statement - "Disrespect should and always will be called out."
— ANI (@ANI) February 16, 2026
The statement, addressed by her advocate and advisor, states - "...My client makes it very clear that… pic.twitter.com/R25q2vHcwH
ఈ వ్యాఖ్యలపై కేవలం త్రిష మాత్రమే కాకుండా, ఇతర రాజకీయ పార్టీలు కూడా ఆగ్రహం వ్యక్తం చేస్తున్నాయి. డీఎంకే మహిళా ఎంపీలు కూడా ఖండించారు. మహిళలను గౌరవించకపోవడం బీజేపీ సంస్కృతి అని విమర్శించారు. కాంగ్రెస్ నాయకులు కూడా నాగేంద్రన్ వెంటనే క్షమాపణలు చెప్పాలని డిమాండ్ చేస్తున్నారు. అయితే, తన వ్యాఖ్యలను ప్రత్యర్థి పార్టీలు వక్రీకరిస్తున్నాయని నాగేంద్రన్ సమర్థించుకున్నారు.
Before You Go
MahuaMoitra: మహువా మొయిత్రాకు షాక్.. చోర్ అంటూ నినాదాలు|
టాప్ హెడ్ లైన్స్
ట్రెండింగ్ వార్తలు
