MP Jhabua Man Builds Underground House: తల్లిదండ్రుల ఇంట్లో నుంచి వెళ్లిపొమ్మంటే అండర్ గ్రౌండ్కు వెళ్లిపోయారు - నిజంగా అండర్ గ్రౌండ్కే !
Underground House Madhya Pradesh: ఇంట్లోంచి గెంటేయడంతో మధ్యప్రదేశ్ జహాబువాకు చెందిన అర్జున్ భూమి లోపల వినూత్నంగా ఇల్లు నిర్మించుకున్నాడు. ఫైర్ప్లేస్తో ఉన్న ఈ అండర్గ్రౌండ్ హోమ్ వీడియో వైరల్ అయింది.
MP Content Creator Arjun Underground Shelter: తల్లిదండ్రులు ఇంట్లోంచి గెంటేస్తే ఎవరైనా పక్కింటికో, రెంట్ హౌస్కో వెళ్తాడు.. కానీ ఈ తండ్రికి తగ్గ తనయుడు ఏకంగా అండర్గ్రౌండ్లోకి వెళ్లిపోయాడు!. అండర్ గ్రౌండ్ అంటే.. అండర్ గ్రౌండే. భూమి లోపల ఇల్లు కట్టేసుకున్నాడు.
మధ్యప్రదేశ్లోని ఝాబువా జిల్లాకు చెందిన అర్జున్ అనే కంటెంట్ క్రియేటర్ చేసిన పనికి నెటిజన్ల మైండ్ బ్లాక్ అయిపోతోంది. ఇంట్లోంచి గెంటేయగానే డిప్రెషన్లోకి వెళ్లకుండా, ఏకంగా భూమిని తవ్వి ఐరన్ మ్యాన్ రేంజ్లో సీక్రెట్ అండర్గ్రౌండ్ హోమ్ కట్టేసుకున్నాడు. కిటికీలు లేవు, తలుపులు అంతకంటే లేవు.. కానీ సోషల్ మీడియాలో మాత్రం ఇతగాడి అండర్గ్రౌండ్ హోమ్ టూర్ వీడియో రచ్చ రంబోలా సృష్టిస్తోంది!
ఈ మిస్టర్ గుహ మానవుడి డిజిటల్ విల్లాలోకి తొంగి చూస్తే.. చక్కగా మట్టితో తయారు చేసిన ఒక ప్లాట్ఫామ్ ఉంది, దానికి ఒక చాప, బెడ్షీట్ వేసి డీలక్స్ బెడ్లా మార్చేశాడు. పైన వర్షం పడకుండా ఒక తార్పాలిన్ ప్లాస్టిక్ కవర్ చుట్టేసి, గోడలకే చేతితో చెక్కిన సీక్రెట్ షెల్ఫ్లు తయారు చేశాడు. ఇక అండర్గ్రౌండ్లో చలి కాచుకోవడానికి, వంట వండుకోవడానికి చిన్న పొయ్యి కూడా అమర్చుకున్నాడు. అబ్బో! ఆధునిక యుగంలో ప్రాచీన రాతియుగం నాటి అనుభూతిని సొంతం చేసుకోవడం అంటే ఇదేనేమో!
అయితే ఇక్కడే అసలు ట్విస్ట్ ఉంది! మనోడు రాతియుగం నాటి గుహలో ఉంటున్నా.. డిజిటల్ క్రియేటర్ కదా! అందుకే ల్యాప్టాప్ వాడుతున్నాడు, స్మార్ట్ఫోన్ ఛార్జింగ్ పెట్టుకుంటుండు! భూమి లోపల కనీసం గాలి ఆడే మార్గం సరిగా లేకపోయినా.. కరెంట్ వైరింగ్ ఎక్కడి నుంచి లాగాడో, ఆ వైర్లు ఎక్కడ కనెక్ట్ చేశాడో కానీ ఏకంగా వైఫై, ల్యాప్టాప్తో ఫుల్ బిజీ అయిపోయాడు. అబ్బా ఏమా సృజనాత్మకత అని కొందరు ల్యాప్టాప్ స్క్రీన్ వెలుగులో ఇతగాడిని చూసి ఆశ్చర్యపోతుంటే, కరెంట్ బిల్లు కట్టకుండా నేరుగా భూమి నుంచి ఎనర్జీ తీసుకుంటున్నాడా ఏంటి " అని నెటిజన్లు కామెడీ కామెంట్లు పెడుతున్నారు.
అయితే కథ ఎప్పుడూ ఒకేలా సాగదుగా! ఇటీవల వచ్చిన ఒక భారీ వర్షం, గాలుల తుఫాను మనోడి అండర్గ్రౌండ్ స్వర్గాన్ని కాస్తా స్విమ్మింగ్ పూల్ గా మార్చేసింది. పైన ఉన్న తార్పాలిన్ పరదా ఎగిరిపోవడంతో, భూమి లోపలికి నీళ్లు చేరి ఇల్లంతా జలమయమైంది. ఆ వర్షం నీటిలో మనోడు మునిగి తేలుతున్న వీడియోను కూడా షేర్ చేయడంతో.. పాపం.. ప్రకృతి కూడా ఇతన్ని ప్రశాంతంగా ఉండనివ్వడం లేదు అని నెటిజన్లు సెటైర్లు వేస్తున్నారు.
కొంతమంది ఇతని ఐడియాను, కష్టపడే తత్వాన్ని చూసి హ్యాట్సాఫ్ రా చారీ అంటుంటే.. మరికొందరైతే సామీ! ఆ చిన్న గుహలో పొయ్యి వెలిగిస్తే పొగతో ఊపిరి ఆడక చస్తావు, ఇంకొంతమందికి చూస్తుంటేనే భయం వస్తోంది అని భయపడిపోతున్నారు. ఏది ఏమైనా, అమ్మానాన్న ఇంట్లోంచి వెళ్లగొడితే మనం రోడ్డున పడతాం.. కానీ ఈ అర్జున్ గాడు మాత్రం డైరెక్ట్గా అండర్ గ్రౌండ్ కు వెళ్లాడంటూ అంటూ ఈ వైరల్ కుర్రాడిపై మీమ్స్, కామెడీ కామెంట్ల వర్షం కురుస్తోంది!
టాప్ హెడ్ లైన్స్
ట్రెండింగ్ వార్తలు
