Brahmamudi Serial Today November 26th: ‘బ్రహ్మముడి’ సీరియల్: అప్పు, కళ్యాణ్‌ లను అవమానించిన అనామిక – విశ్వరూపం చూపించిన ధాన్యలక్ష్మీ
Brahmamudi Today Episode: పానీపూరి తింటున్న అప్పు, కళ్యాణ్‌ లను అనామిక ఘోరంగా అవమానించడంతో ఇవాళ్టీ ఏపిసోడ్‌ చాలా ఆసక్తిగా జరిగింది.
Brahmamudi Serial Today Episode: కావ్య, అపర్ణ ఇంట్లో లేకపోవడంతో ఇంటి మెయింటనెస్‌ ఎవరు చూసుకుంటారు అంటూ ప్రకాష్‌, రాజ్‌ను ప్రశ్నించగానే ఇంటి బాధ్యతలు చూసుకోవడానికి పిన్ని ఉంది కదా..? అంటాడు రాజ్‌. ఇప్పటికే ఇంట్లో వేరు కుంపటి పెట్టుకున్న మీ పిన్ని ఇంటి బాధ్యతలు ఎలా చూసుకుంటుంది.. అంటూ ప్రకాష్‌ చెప్పగానే ధాన్యలక్ష్మీ కోప్పడుతుంది. నేను నా కొడుకు కళ్యాణ్‌ కోసం ఇదంతా చేస్తున్నాను అంటుంది. ఇంతలో సుభాష్‌ మీరు ఆపండి అంటూ రాజ్‌ నువ్వు మీ మమ్మీని తీసుకొస్తావా…? తీసుకురావా..? అది చెప్పు నాకు అంటాడు. దీంతో రాజ్‌ నేను తీసుకురాలేనని చెప్పి పైకి వెళ్లిపోతాడు. సుభాష్‌, అపర్ణకు ఫోన్‌ చేస్తాడు.
సుభాష్‌: హలో అపర్ణ నువ్వు ఒకటి అనుకుంటే ఇక్కడ ఇంకోటి జరిగిపోతుంది.
అపర్ణ: ఏంటండి మీరు మరీ చిన్నపిల్లాడిలా మాట్లాడుతున్నారు. అనుకున్నవన్ని జరిగిపోతే అది జీవితం ఎందుకు అవుతుందండి కష్టపడాలి సాధించాలి. మీరేం టెన్షన్‌ పడకండి.. ఇంకో రెండు రోజుల్లో వాడు వాడి తప్పు తెలుసుకుని వస్తాడు చూడండి.
ఇంతలో కావ్య అక్కడకు వస్తుంది.
కావ్య: తప్పు చేస్తున్నావు అత్తయ్యా మీ అబ్బాయితో కలిసి వెళ్లిపోవాల్సింది.
అపర్ణ: నేను ఇక్కడ నీకు భారంగా ఉన్నానా..? నా ప్రయత్నం ఏదో నేను చేస్తున్నాను. అయినా ఈ మధ్య నాకు సలహాలు ఇచ్చే వాళ్లు ఎక్కువ అయిపోయారు.
కావ్య: మీరు ఆ ఇంట్లో ఉన్నప్పుడే బాగుండేది. కొంచెం ప్రేమగా ఉండేవారు. ఈ ఇంటికి వచ్చినప్పటి నుంచి నా మీద అరుస్తున్నారు.
అపర్ణ: ఇన్ని రోజుల ప్రేమగా చెప్పినందుకే నువ్వు నీ మొగుడు కలిసి కాపురాన్ని ఇలా వెలగబెట్టారు.
అంటూ అపర్ణ, కావ్య తిట్టి ముందు చికెన్‌ రెడీ చేయ్‌ నీ చేతి వంట తిని చాలా రోజులైంది అంటుంది. సరేనని కావ్య వెళ్లిపోతుంది. ధాన్యలక్ష్మీ ఆలోచిస్తూ కూర్చుంటే రుద్రాణి వెళ్తుంది.
రుద్రాణి: నువ్వు ఎంతలా ఆలోచించినా ఏ ప్రయోజనం లేదు. ఇక్కడ నీ కొడుక్కు జరిగే న్యాయం ఏమీ ఉండదు. నా మాటలు నీకు కోపం తెప్పించవచ్చు కానీ ఆలోచిస్తే నిజం కనిపిస్తుంది.
ధాన్యలక్ష్మీ: నిజం కనిపిస్తుంది కాబట్టే వేరు కుంపటి పెట్టాను.
రుద్రాణి: పెట్టి ఏం సాధించావు. నీ వంట నువ్వు చేసుకోవడం తప్పా.. ఈ ఇంట్లో మన పొజిషన్‌ ఏంటో మన మాటకు ఇచ్చే విలువ ఏంటో నువ్వే ఆలోచించు. నీ కొడుకుకు న్యాయం కావాలని అడిగితే టైం అడిగారు. అదే కావ్యను ఆఫీసులోంచి పంపించేయగానే మా వదిన అక్కడకు వెళ్లి కూర్చుంది. కావ్యను ఇంటికి తీసుకొచ్చేయాలి. కళ్యాణ్‌ గురించి అయితే టైం కావాలని అంటున్నారు.
అంటూ రుద్రాణి, ధాన్యలక్ష్మీని రెచ్చగొడుతుంది. ఎలాగైనా ఆస్థి పంపకాలు జరిగేలా చూడాలని మనసులో అనుకుంటుంది. మరోవైపు కళ్యాణ్‌, అప్పు రోడ్డు మీద వెళ్తూ.. పానీపూరి బండి దగ్గర ఆగి పానీపూరి తింటుంటారు. ఇంతలో అనామిక వస్తుంది.
అనామిక: నా గెస్‌ నిజమైంది. ఆదర్శ ప్రేమికులు రోడ్డు మీద పడ్డారు.
అప్పు: మనుషులు అన్నాక రోడ్డు మీదే తిరుగుతారు.
అనామిక: రోడ్డు మీద తిరగడానికి, రోడ్డున పడటానికి చాలా తేడా ఉంది అప్పు.
అప్పు: అసలు ఏంటి నీ సమస్య..
అనామిక: సమస్యలు మీ దగ్గర పెట్టుకుని నన్ను అడుగుతావేంటి..?
అప్పు: మాకేం సమస్యలు లేవే.. మేము హ్యాపీగానే ఉన్నాము.
అనామిక: ఇలా రోడ్డు పక్కన దొరికినవి తింటూ హ్యాపీగా ఉన్నారా..?
అప్పు: మేము ఏ ఫుడ్డు తిన్నా.. నీ బాడీలో ఉన్నంత కొలెస్ట్రాల్‌ , కొవ్వు మాకు లేవులే..
అనగానే అనామిక కోపంగా కళ్యాణ్‌ను తిడుతుంది. నువ్వేప్పటికైనా అసమర్థుడివే అంటూ కించపరుస్తుంది. నడిరోడ్డు మీద అప్పు, కళ్యాణ్‌లను ఇంసల్ట్‌ గా మాట్లాడుతుంది. అప్పు కోపంతో అనామికను కొట్టబోతే కళ్యాణ్‌ ఆపుతాడు. అనామిక వెళ్లిపోతుంది. అపర్ణ లేదని తనకు రూంలో నిద్ర పట్టడం లేదని సుభాష్‌ వెళ్లి రాజ్‌ రూంలో పడుకుంటాడు. మమ్మీ లేకపోతే నిద్ర పట్టడం లేదనడం విచిత్రంగా ఉందని రాజ్‌ అంటాడు. మరోవైపు కళ్యాణ్‌ విషయంలో ప్రకాష్‌ ఏమీ చేయడం లేదని ధాన్యలక్ష్మీ కోపంగా ప్రకాష్‌ను బెడ్‌ రూంలోంచి బయటకు గెంటి వేస్తుంది. ఇంతటితో ఇవాళ్టీ ఎపిసోడ్ అయిపోతుంది.
ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట!
టాప్ హెడ్ లైన్స్
ట్రెండింగ్ వార్తలు
