Illu Illalu Pillalu Serial Today March 9th: బుజ్జమ్మ, నర్మద మళ్లీ కలిపోయారా..? అత్తాకోడళ్ల అనుబంధం చూసి శ్రీవల్లి ఏం చేసింది..?

Illu Illalu Pillalu Serial Today March 9th: బుజ్జమ్మ, నర్మద మళ్లీ కలిపోయారా..? అత్తాకోడళ్ల అనుబంధం చూసి శ్రీవల్లి ఏం చేసింది..?

ఇల్లు ఇల్లాలు పిల్లలు సీరియల్ టుడే ఎపిసోడ్

Source : Jio Hotstar

Illu Illalu Pillalu Serial Today Episode : ఏం చేసినా అత్తయ్య తనతో మాట్లాడకపోవడంతో నర్మద ఎంతో బాధపడుతుంది. ప్రేమ, ధీరజ్‌ ఇద్దరూ కలిసి ఆమెన ఓదార్చి ఇంటికి తీసుకొస్తారు.ఇంటికి వచ్చిన తర్వాత కూడా బుజ్జమ్మ నర్మదతో మాట్లాడకపోవడం, పట్టించుకోకపోవడంతో ప్రేమ ఓ పథకం వేస్తుంది.ఎలాగైనా అత్తయ్యను నర్మదను కలపాలని చూస్తుంది. నర్మద బుజ్జమ్మతో మాట్లాడేందుకు ప్రయత్నించగా... ఆమె పట్టించుకోకుండా శ్రీవల్లి తలకు ఆయిల్‌ రాస్తూ ఉంటుంది. నర్మద ఎలాగైనా బుజ్జమ్మతో కలవకుండా చేయడం కోసం శ్రీవల్లి వాళ్ల అత్తయ్యకు ఇంకా లేనిపోనివన్నీ ఎక్కించి చెబుతుంది. మిమ్మల్ని బుట్టలో వేసుకునేందుకు వచ్చారని...మీరు అసలు కరిగిపోవద్దని చెబుతుంది.

 

బుజ్జమ్మ నర్మద మాటలు పట్టించుకోకపోవడంతో...ప్రేమ ఆమెకు ఓ ఐడియా చెబుతుంది. నన్నే మీ అత్తయ్య అనుకుని నువ్వు చెప్పాల్సింది చెప్పు అని అంటుంది. దీంతో నర్మద ప్రేమ వద్దకు వచ్చి బుజ్జమ్మతో మాట్లాడినట్లు మాట్లాడుతుంది. నిజంగా మీ అబ్బాయి డబ్బులతో ఉద్యోగం కొనుక్కున్నాడన్న సంగతి నాకు తెలియదని నర్మద అంటుంది. చివరి నిమిషంలో నాకు తెలిసిందని అంటుంది. ఈ విషయం ఎవరికైనా చెబితే చచ్చిపోతానని బెదిరించడం వల్ల ఎవరికీ చెప్పలేకపోయానని నర్మద ఏడుస్తూ చెబుతుంది. అదేరోజు మీకు చెప్పాలని ప్రయత్నించగా...మానాన్న వచ్చి పార్టీ అంటూ హడావుడి చేయడం వల్ల చెప్పలేకపోయనని అంటుంది. అంతే తప్ప మీ దగ్గర నిజం దాచాలని అనుకోలేదని చెబుతుంది. ఆ మాటలు విన్న బుజ్జమ్మ...ఏమాత్రం పట్టించుకోకుండా నర్మదను పక్కకు నెట్టి  వెళ్లబోతుంది. సరిగ్గా అప్పుడే ప్రేమ నర్మద కాలుకి తన కాలు అడ్డుపెట్టి కిందపడేస్తుంది.

 

నర్మద కిందపడిపోవడంతో ప్రేమనాటకం మొదలుపెడుతుంది. మీమాట వినలేదని  నర్మద అక్కను కిందపడేసి కాలు విరిగేలా చేస్తారా అంటూ గట్టిగట్టిగా అరుస్తుంది. దీంతో కంగారుపడిన బుజ్జమ్మ నర్మద దగ్గరకు వచ్చి బాధపడుతుంది. ఏమైందో చూపించు అంటూ కాలుపట్టుకుని చూస్తుంది. దెబ్బ ఎక్కడ తగిలిందంటూ ఆయిల్ తీసుకుని కాలికి రాస్తుంది. మనసులో ఇంత ప్రేమ ఉంచుకుని ఎందుకు అత్తయ్య ఇలా ఉంటున్నారని నర్మద అంటుంది.మరి నువ్వే నా ముద్దుల కోడలని నెత్తిన ఎక్కించుకుంటే...నా దగ్గరే అన్ని విషయాలు దాచిపెడితే నాకు కోపం రాదా అని బుజ్జమ్మ అంటుంది. నిజంగా మీ అబ్బాయి చచ్చిపోతానని బెదిరించడం వల్లే దాచానని అంటుంది. అదే నా ప్లేస్‌లో మీరు ఉంటే ఏం చేసేవారని అడుగుతుంది.

 

మామయ్య కోసం మీ పుట్టింటివాళ్లందరినీ వదిలేసుకుని గడప దాటి వచ్చేశారు కదా...మరి నా భర్త రమ్మని పిలిస్తే నేను ఆయన వెంట వెళ్లకుండా ఎలా ఉండగలనని అంటుంది. ఆయన ఇంట్లో నుంచి వెళ్లిపోతుంటే...నేను మాత్రం ఇక్కడే ఎలా ఉంటానని నిలదీస్తుంది.ఆ మాటలకు కరిగిపోయిన బుజ్జమ్మ...నర్మదను దగ్గరకు తీసుకుంటుంది. అత్తా కోడళ్లు మళ్లీ కలిసిపోవడంతో శ్రీవల్లి కడుపు మండిపోతుంది. ఇన్నాళ్లు తాను వేసిన ఎత్తులన్నీ ఒక్క దెబ్బతో చిత్తయిపోయాయని బాధపడుతుంది. ఈ నర్మద మళ్లీ బుజ్జమ్మకు దగ్గరైందంటే ఇక నాకు ఏదో విధంగా పొగబెడుతుందని భయపడుతుంది. ఇవన్నీ నేనే చేశానని ఖచ్చితంగా తెలుసుకుంటుందని భయపడతూ...వాళ్ల అమ్మకు ఫోన్ చేసి చెబుతుంది. నర్మద, బుజ్జమ్మ మళ్లీ ఒక్కటయ్యారని....ఇక మనం మరింత జాగ్రత్తగా ఉండాలని అంటుంది. ఏదో ఒక ప్లాన్ చేసి మళ్లీ వాళ్లను విడగొడదామని శ్రీవల్లి వాళ్ల అమ్మ అంటుంది.

 

ప్రేమకు సర్‌ఫ్రైజ్  గిప్ట్ ఇచ్చేందుకు వాళ్ల ఫ్రెండ్ కిరణ్‌కు ఫోన్‌ చేసి అన్ని ఏర్పాట్లు చేస్తుంటాడు ధీరజ్‌. అప్పుడే అక్కడికి వచ్చిన ప్రేమ...ఫోన్ ఎవరితో మాట్లాడుతున్నావని అడుగుతుంది. అమ్మాయితో మాట్లాడుతున్నానని ఆమెను ఆటపట్టిస్తాడు ధీరజ్‌. దీంతో ఉడుక్కున్న ప్రేమ....ధీరజ్‌ ఫోన్ లాక్కుని ఎవరికి ఫోన్ చేసి మాట్లాడాడో చూస్తుంది.నాతోనే అబద్ధాలు చెబుతావా అంటూ ధీరజ్‌ వెంటపడుతుంది.

 

 

మరిన్ని చదవండి

త్రిషపై కామెంట్స్... హీరోయిన్ స్ట్రాంగ్ కౌంటర్ - సారీ చెప్పిన డైరెక్టర్ పార్తిబన్

రష్మికకు గద్దర్ అవార్డ్ - భర్త విజయ్ దేవరకొండ బెస్ట్ విషెష్‌... విజ్జూ అంటూ క్యూట్ రియాక్షన్