Sudigali Sudheer: 'గాలోడు' టీజర్.. సుడిగాలి సుధీర్‌ మాస్ అవతార్..

సుధీర్‌ హీరోగా నటించిన సరికొత్త చిత్రం 'గాలోడు'. తాజాగా ఈ సినిమా టీజర్ ను విడుదల చేశారు.

By: ABP Desam | Updated at : 31 Dec 2021 02:04 PM (IST)

'గాలోడు' టీజర్..

బుల్లితెరపై పలు టీవీ షోలతో కమెడియన్ గా, హోస్ట్ గా బాగా పాపులర్ అయ్యారు సుడిగాలి సుధీర్. వీటితో పాటు మ్యాజిక్ షోలు, అదిరిపోయే స్టంట్స్ చేస్తూ తనకంటూ ప్రత్యేకమైన గుర్తింపుని సంపాదించుకున్నారు. చాలా రోజులుగా అతడు నటుడిగా తన సత్తా చూపించడానికి ప్రయత్నిస్తున్నారు. ఇందులో భాగంగా.. 'సాఫ్ట్‌వేర్‌ సుధీర్‌', '3 మంకీస్‌' అనే చిత్రాల్లో నటించారు. కానీ ఆ సినిమాలు వర్కవుట్ అవ్వలేదు. దీంతో ఆయన ఇప్పుడు మరోసారి తన అదృష్టాన్ని పరీక్షించుకోవడానికి రెడీ అవుతున్నారు.

సుధీర్ హీరోగా నటించిన నూతన చిత్రం 'గాలోడు'. రాజశేఖర్ దర్శకత్వం వహించిన ఈ సినిమాలో సుధీర్ మాస్ లుక్ లో కనిపించనున్నారు. శుక్రవారం నాడు ఈ సినిమా టీజర్ ను చిత్రబృందం విడుదల చేసింది. 'అదృష్టాన్ని నమ్ముకున్న వారు కష్టాలపాలు అవుతారు. కష్టాన్ని నమ్ముకున్నవారు అదృష్టవంతులవుతారు. నేను రెండింటినీ నమ్ముకోను. నన్ను నేను నమ్ముకుంటాను' అని సుధీర్ చెప్పే డైలాగ్ తో టీజర్ మొదలైంది.

యాక్షన్ సీక్వెన్స్ లు, ఫైట్స్ లలో మంచి ఇంటెన్సిటీ ఉంది. సుధీర్ యాక్షన్స్ సీన్స్ లో బాగా నటించారు. ఈ సినిమాలో సుధీర్‌ సరసన గెహ్నా సిప్పీ హీరోయిన్‌గా నటిస్తోంది. సప్తగిరి, పృథ్వీ తదితరులు కీలక పాత్రలు పోషిస్తున్నారు. ప్రస్తుతం షూటింగ్‌ దశలో ఉన్న ఈ చిత్రం త్వరలోనే ప్రేక్షకుల ముందుకు రానుంది.

The Actual Countdown Starts Now 😎
Starts Premiering in 60 Minutes 🔥

Link: https://t.co/tiOt3rBG3J

Open the Link and Turn Your Reminder ON ✅🥳, Like and Share the Link 👍@sudheeranand #GaaloduTeaser #Gaalodu
— Sudheer Trends™ (@TrendsSudheer) December 31, 2021