RRR Movie Updates: ఉక్రెయిన్లో షూటింగ్ పూర్తైన సందర్భంగా రాజమౌళి టీమ్ సంబరాలు..సోషల్ మీడియాలో వైరల్ అవుతున్న పిక్స్

ఉక్రెయిన్లో షూటింగ్ పూర్తిచేసుకున్న సందర్భంగా RRR టీమ్ సంబరాలు చేసుకుంది. ఈ మేరకు దర్శకుడు రాజమౌళి కేక్ కట్ చేసిన ఫొటోస్ సోషల్ మీడియాలో వైరల్ అవుతున్నాయి...

ఉక్రెయిన్లో షూటింగ్ పూర్తైన సందర్భంగా రాజమౌళి టీమ్ సంబరాలు

ఎస్ఎస్ రాజమౌళి దర్శకత్వంలో రూపొందుతున్న పిరియాడికల్ యాక్షన్ డ్రామా “ఆర్ఆర్ఆర్”. ఈ సినిమా షూటింగ్ పూర్తయ్యింది. ఆగష్టు మొదటి వారంలో సినిమా చివరి షెడ్యూల్ కోసం హీరోలతో సహా “ఆర్ఆర్ఆర్” టీం మొత్తం ఉక్రెయిన్ వెళ్లిన వెళ్లింది. ఈ సినిమా షూటింగ్ బుధవారం పూర్తైంది. దీంతో బుధవారానికే (ఆగస్టు 18) యంగ్ టైగర్ ఎన్టీఆర్ హైదరాబాద్ చేరుకున్నాడు. బుధవారం ఉదయం హైదరాబాద్ విమానాశ్రయంలో క్యాజువల్ లుక్‌లో కన్పించిన యంగ్ టైగర్  పిక్స్ సోషల్ మీడియాలో చక్కర్లు కొట్టాయి. అదే రోజు సాయంత్రం దర్శకుడు రాజమౌళితో పాటు “ఆర్ఆర్ఆర్” టీం అంతా కలిసి షూటింగ్ పూర్తయిన సందర్భంగా సెలెబ్రేషన్స్‌లో పాల్గొన్నారు. ఈ సందర్భంగా రాజమౌళి కేక్ కట్ చేసిన పిక్స్ వైరల్ అవుతున్నాయి.

RRR టీం మొత్తం హైదరాబాద్ వచ్చాక ప్రెస్ మీట్ పెట్టే అవకాశం ఉంది. సినిమా రిలీజ్ డేట్ పై నెలకొన్న సస్పెన్స్ కు ఈ ప్రెస్ మీట్ లో తెరపడనుంది. 'RRR' మూవీ ఇప్పటికే రెండు సార్లు విడుదల తేదీ మార్చుకుంది. ముందుగా 2020 జులై 30న ఈ చిత్రాన్ని ప్రేక్షకుల ముందుకు తీసుకొస్తామని చెప్పారు. ఆ తర్వాత 2021 జనవరి 8న పక్కా థియేటర్లలోకి వస్తామని ప్రకటించారు. అయితే అనివార్య పరిస్థితుల్లో మళ్ళీ వాయిదా వేయాల్సి వచ్చింది. చివరగా అక్టోబర్ 13న రిలీజ్ చేస్తామని ప్రకటించారు. ఇప్పుడు ఈ డేట్ కూడా మారుతుందనే చర్చ జరుగుతోంది. ఈ మేరకు ఈ నెలాఖరున నిర్వహించే ప్రెస్ మీట్ లో రాజమౌళి దీనిపై క్లారిటీ ఇవ్వనున్నాడని తెలుస్తోంది.

ఇక డీవీవీ ఎంటర్‌టైన్‌మెంట్స్‌ పై డీవీవీ దానయ్య అత్యంత్య ప్రతిష్టాత్మకంగా ఈ చిత్రాన్ని నిర్మిస్తున్నారు. 'ఆర్ఆర్ఆర్' మూవీలో రాం చ‌ర‌ణ్ అల్లూరి సీతారామరాజు పాత్ర‌లో, ఎన్టీఆర్ కొమురం భీం పాత్రలో నటిస్తున్నారు. బాలీవుడ్ బ్యూటీ అలియాభ‌ట్ సీత పాత్ర పోషిస్తుండ‌గా, హాలీవుడ్ న‌టి ఒలివియా ఎన్టీఆర్ స‌ర‌స‌న‌ న‌టిస్తోంది. శ్రియా శ‌ర‌ణ్‌, అజ‌య్ దేవ్ గ‌ణ్ , స‌ముద్ర‌ఖ‌ని ఇత‌ర కీల‌క పాత్ర‌ల్లో న‌టిస్తున్నారు.