అన్వేషించండి

Prabhas's Radhe Shyam: కొత్త నేలపై 'సంచారి'... 'రాధే శ్యామ్' సినిమాలో కొత్త సాంగ్ టీజర్ వచ్చింది

'రాధే శ్యామ్' నుంచి మరో సాంగ్ టీజర్ వచ్చింది. 'సంచారి' అంటూ సాగే ఈ టీజర్ ఎలా ఉందో చూడండి.

By : ABP Desam | Updated at : 14 Dec 2021 01:11 PM (IST)

Here is the Sanchari song teaser from Prabhas Radhe Shyam Prabhas's Radhe Shyam: కొత్త నేలపై 'సంచారి'... 'రాధే శ్యామ్' సినిమాలో కొత్త సాంగ్ టీజర్ వచ్చింది

'రాధే శ్యామ్' సినిమాలో... 'సంచారి' పాటలో ప్రభాస్ స్టిల్

యంగ్ రెబల్ స్టార్ ప్రభాస్, బుట్ట బొమ్మ పూజా హెగ్డే జంటగా రూపొందిన సినిమా 'రాధే శ్యామ్'. 'జిల్' ఫేమ్ కె.కె. రాధాకృష్ణ కుమార్ దర్శకత్వం వహిస్తున్నారు. గోపీ కృష్ణ మూవీస్, యూవీ క్రియేష‌న్స్ పతాకాలపై వంశీ, ప్ర‌మోద్, ప్ర‌సీధ‌ నిర్మిస్తున్నారు. సినిమాలో రెండు సాంగ్స్‌(ఈ రాతలే..., నగుమోము తారలే)ను ఆల్రెడీ రిలీజ్ చేశారు. ఇప్పుడు మూడో సాంగ్ 'సంచారి' టీజర్‌ను విడుదల చేశారు. ఇది ఎలా ఉందో చూడండి.

దక్షిణాది భాషల్లో పాటలకు జస్టిన్ ప్రభాకరన్ సంగీతం అందిస్తుండగా... హిందీ పాటలకు మిథున్, అనూ మాలిక్, మనన్ భరద్వాజ్ బాణీలు అందిస్తున్నారు. 'సంచారి' పాటకు జస్టిన్ ప్రభాకరన్ సంగీతం అందించగా... అనిరుధ్ రవిచందర్ ఆలపించారు. 'చలో... చలో... సంచారి! చల్ చలో... చలో! చలో... చలో... సంచారి! చల్ చలో... చలో... కొత్త నేలపై' అంటూ పాటను కృష్ణకాంత్ (కెకె) రాశారు. సినిమాలో హీరో ట్రావెలింగ్ చేసే సమయంలో వచ్చే పాటలా ఉంది ఇది.

ప్రభాస్, పూజా హెగ్డే జంటగా నటిస్తున్న తొలి చిత్రమిది. చాలా రోజుల తర్వాత ప్రభాస్ నటించిన ప్రేమ కథా చిత్రమిది. 'బాహుబలి' రెండు భాగాలు, 'సాహో', అంతకు ముందు సినిమాల్లో ప్రేమ ఉన్నప్పటికీ... అందులో యాక్షన్ ఎక్కువ. అందువల్ల, ఈ సినిమా కోసం ప్రభాస్ అభిమానులతో పాటు సాధారణ ప్రేక్షకులు సైతం ఆసక్తిగా చూస్తున్నారు. సంక్రాంతి కానుకగా జనవరి 14న 'రాధే శ్యామ్' సినిమా విడుదల కానున్న సంగతి తెలిసిందే.

Sanchari Song Teaser - Radhe Shyam Movie: