అన్వేషించండి

Allu Arjun: మళ్లీ ఇటువంటివి జరగనివ్వను... అభిమానులకు అల్లు అర్జున్ హామీ!

మళ్లీ ఇటువంటి దురదృష్టకర పరిణామాలు తలెత్తకుండా చూసుకుంటానని తన అభిమానులకు అల్లు అర్జున్ హామీ ఇచ్చారు. ఇంతకీ, ఏమైంది? ఏంటి? అనే వివరాల్లోకి వెళితే...

By : ABP Desam | Updated at : 14 Dec 2021 08:14 AM (IST)

Allu Arjun assures fans that such things will never happen again Allu Arjun: మళ్లీ ఇటువంటివి జరగనివ్వను... అభిమానులకు అల్లు అర్జున్ హామీ!

బారులు తీరిన అభిమానులు... అల్లు అర్జున్

'పుష్ప' ప్రీ రిలీజ్ ఈవెంట్‌కు వచ్చిన కొందరు అభిమానులపై పోలీసులు లాఠీ ఛార్జ్ చేశారు. క్రౌడ్‌ను కంట్రోల్‌ చేయడం కోసం పోలీసులు లాఠీకి పని చెప్పక తప్పలేదు. అయితే... దీనికి కారణం ఈవెంట్ మేనేజ్‌మెంట్ కంపెనీ అని తెలుస్తోంది. ప్రీ రిలీజ్ ఈవెంట్ నిర్వహించిన స్టేడియం కెపాసిటీ కంటే ఎక్కువ పాసులు జారీ చేశారని సమాచారం. ఆదివారం జరిగిన ప్రీ రిలీజ్ ఈవెంట్ ఇష్యూ పక్కన పెడితే... సోమవారం మరోసారి అల్లు అర్జున్ అభిమానులపై స్వల్పంగా లాఠీ లార్జ్ జరిగింది. ఏమైంది? అనే వివరాల్లోకి వెళితే...

ఐకాన్ స్టార్ అల్లు అర్జున్ అభిమానులతో ఫొటోలు దిగుతారనే సమాచారంతో చాలా మంది అభిమానులు గీతా ఆర్ట్స్ ఆఫీసుకు పెద్ద ఎత్తున చేరుకున్నారు. ఆ తర్వాత అక్కడ కాదని, ఎన్ కన్వెషన్ సెంటర్ అని తెలియడంతో అక్కడికి వెళ్లారు. చివరకు, బన్నీతో ఫొటోషూట్ క్యాన్సిల్ అని తెలియడంతో అభిమానులకు కోపం వచ్చింది. అద్దాలు పగలగొట్టినట్టు తెలుస్తోంది. దాంతో అభిమానులను అక్కడి నుంచి పంపడానికి పోలీసులు స్వల్పంగా లాఠీ ఛార్జ్ చేశారు. ఈ విషయం తెలిసిన అల్లు అర్జున్ స్పందించారు.

"ఇవాళ ఫ్యాన్స్ మీట్ ఈవెంట్‌కు వ‌చ్చిన అభిమానులు గాయపడిన దురదృష్టకర సంఘటన గురించి నాకు తెలిసింది. ప్రస్తుత పరిస్థితిని నా టీమ్ పర్యేవేక్షించడంతో పాటు ఎప్పటికప్పుడు నాకు సమాచారం అందిస్తున్నారు. భవిష్యత్తులో ఇటువంటివి జరగకుండా జాగ్రత్త పడతాను. అభిమానుల ప్రేమ, ఆరాధనే నాకు పెద్ద ఆసక్తి. అభిమానులను అలుసుగా తీసుకోను" అని అల్లు అర్జున్ ట్వీట్ చేశారు.