Samantha: బన్నీతో సమంత 'నాటు' స్టెప్.. ఊరమాస్ ఉందే.. 

సమంత నాటు స్టెప్పులు ఫ్యాన్స్ ను ఉర్రూతలూగిస్తున్నాయి. బన్నీని గిచ్చుతూ.. అతడి ఒళ్లో కూర్చొని సమంత వేసిన స్టెప్ అయితే వేరే లెవెల్.

(Photo Credit: Pushpa Twitter) బన్నీతో సమంత 'నాటు' స్టెప్..

టాలీవుడ్ స్టార్ హీరోయిన్ సమంతను వెండితెరపై గ్లామర్ క్వీన్ గా చూసి చాలా కాలమవుతుంది. గత రెండు, మూడు ఏళ్లలో ఆమె నటించిన ఏ సినిమాలో కూడా గ్లామర్ షో చేయలేదు. చివరిగా సమంత 'జాను' అనే సినిమాలో కనిపించింది. ఇందులో కూడా గర్ల్ నెక్స్ట్ డోర్ పాత్రలోనే దర్శనమిచ్చింది ఈ బ్యూటీ. అల్లు అర్జున్ నటిస్తోన్న 'పుష్ప' సినిమాలో మాత్రం ఊరమాస్ అవతారంలో గ్లామర్ షో చేస్తూ కనిపించబోతుంది సమంత.

సుకుమార్ డైరెక్ట్ చేస్తోన్న ఈ సినిమాలో సమంతను ఐటెం సాంగ్ కోసం తీసుకున్నారు. ఇటీవలే ఈ సాంగ్ షూటింగ్ పూర్తయింది. లిరికల్ వీడియోను కూడా విడుదల చేశారు. 'ఊ అంటావా.. మావా.. ఊఊ అంటావా' అంటూ సాగే ఈ పాట మాస్ ఆడియన్స్ కు బాగా కనెక్ట్ అయిపోయింది. ముఖ్యంగా సమంత గెటప్ చూసిన ఫ్యాన్స్.. ఫుల్ సాంగ్ ఎప్పుడు వస్తుందా అని ఆసక్తిగా ఎదురుచూస్తున్నారు. 

తాజాగా చిత్రబృందం ఈ సాంగ్ కి సంబంధించి చిన్న వీడియోను వదిలింది. 19 సెకన్ల ఈ వీడియోలో సమంత నాటు స్టెప్పులు ఫ్యాన్స్ ను ఉర్రూతలూగిస్తున్నాయి. బన్నీని గిచ్చుతూ.. అతడి ఒళ్లో కూర్చొని సమంత వేసిన స్టెప్ అయితే వేరే లెవెల్. ఇంత చిన్న ప్రోమోతోనే ఇంత ఇంపాక్ట్ క్రియేట్ చేస్తున్నారంటే.. ఇక వెండితెరపై ఈ సాంగ్ ఎలా ఉండబోతుందో ఊహించుకోవచ్చు. 

ఇప్పటికే విడుదలైన ఈ సినిమాలో పాటలు, ట్రైలర్ రికార్డులను తిరగరాశాయి. ఈ సినిమాను డిసెంబర్ 17న విడుదల చేయబోతున్నారు. రష్మిక హీరోయిన్ గా నటిస్తోన్న ఈ సినిమాలో ఫహద్ ఫాజిల్ విలన్ గా కనిపించనున్నాడు. అలానే సునీల్, అనసూయ కీలకపాత్రలు పోషిస్తున్నారు. ఈ సినిమాను తెలుగుతో పాటు తమిళ, మలయాళ, కన్నడ, హిందీ భాషల్లో విడుదల చేయనున్నారు. తొలిసారి ఈ సినిమాతో బాలీవుడ్ లోకి ఎంటర్ అవుతున్నాడు బన్నీ. 

#PushpaTheRise Song Promos 🔥🤙#OoAntavaOoOoAntava - https://t.co/OBCXaEhYRG #SaamiSaami - https://t.co/H7qLTo1QnU

A Rockstar @ThisIsDSP Musical ♥️#PushpaTheRiseOnDec17

— Pushpa (@PushpaMovie) December 12, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి